Jerimaia 51:3 - Edo Bible (E Baibol Ẹdo) Version 1996

³ Ghẹ rhie ẹghẹ ne ivbiyokuo ẹre ya viọ ẹwu igbinna iran yọ, ra ne iran fi ifẹnmwẹ iran. Ghẹ fi yi vbe avbe igbama rẹn hiehiere! Wa fuẹn ivbiyokuo iran an fẹẹrẹ.

Jerimaia 51:3 Iomraidhean Croise

Psalm 137:9

ne ọ gha viọ ivbuẹ; ọ ghi salọ iran an vbe okuta.

Jerimaia 46:4

Wa gbalọ avbe ẹsin uwa egbe, ne uwa hin iran! Wa tẹn ye uviẹn ne uwa viọ erhu uwa rhuẹ. Wa lọ asoro uwa! Wa viọ ẹwu ematọn okuo uwa yọ!’

Jerimaia 50:14

“Wa ni fi uhanbọ, wa ghae ye okuo ne uwa lẹga e Babilọn. Wa ya ifẹnmwẹ uwa hia filo e Babilọn, rhunmwuda, ọ sẹ ẹmwẹ mwẹ nẹ, mẹ ne Nọyaẹnmwa.

Jerimaia 50:21

E Nọyaẹnmwa khare wẹẹ, “Ya gu emwa ni rre Merateim kevbe Pekọd gbinna, gbele iran an, ne u vbe fuẹn iran an, ru emwi hia ne I tama ruẹn. Mẹ ne Nọyaẹnmwa guaan nẹ.

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Jerimaia 51:53

Ọ gha khọn e Babilọn ne ọ khian la uwu iso ne ọ ya bọ ẹvbo ne a gbe odin ga ye odọ, te I gha ye gie emwa ne iran ya fuẹn ọnrẹn uan. Mẹ ne Nọyaẹnmwa taa ẹe nẹ.”

Jerimaia 9:21

Uwu la ewindo ima la owa nẹ, ọ keghi la avbe ẹguae ima ọ gbele emọ negiẹrẹ vbe orere mwa kevbe avbe igbama vbe ẹki.

Diuteronomi 32:25

Okuo gha gbele emwa ye ughe, ugborrirri ghi gbele emwa ye uwowa avbe igbama kevbe ivbialeke gha wulo, kevbe emọ obọ kevbe avbe ọmaẹn, ne a ra sẹrae i rrọọ.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.