Jerimaia 5:6 - Edo Bible (E Baibol Ẹdo) Version 1996

⁶ Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Jerimaia 5:6 Iomraidhean Croise

II Krọnikol 36:14

Deba ena hia avbe ọkaolotu e Juda avbe ohẹn kevbe avbe emwa nii, keghi wa gha yin zẹ vbe emwa ni rre ẹvbo ni lẹga iran, iran na gha gho ẹbọ, iran keghi la ekpa ọnii mu awua ye Ọgua Osa ne Nọyaẹnmwa tobọ ẹre ya khian ne ọ huanrẹn nẹ.

Ẹzra 10:10

Ẹzra ne ohẹn keghi kpaegbe, ọ na gu iran guan ọ wẹẹ, “Wa ru orukhọ, wa kevbe do ya Izrẹl rri abe vbe ekpa ne uwa na gha viọ ikhuo orhunmwuyẹn rọnmwẹ.

Ẹzra 9:6

I keghi kha wẹẹ, “Osanobua ekhue i gunmwẹ tọn uhunmwu mu ghe ehe ne u ye. Orukhọ ima ma ite ne ọ yo gberra ima uhunmwu, iran yo sẹ iso.

Job 10:16

Emwi gha dunna mẹ kherhe, u ghi zẹ mwẹ khu zẹ vbe oduma, u ghi gha zẹ edunna, ne emwi miẹn ehe na vba mwẹ.

Psalm 104:20

Wẹ ọre ọ yi asọn, uwu ebiebi ọre avbe aranmwẹ aranmwoha na ladian.

Psalm 80:13

Avbe aranmwẹ oha ya owẹ rri ẹe ginna otọ, avbe aranmwẹ oha vbe rri oẹ.

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 59:12

“E Nọyaẹnmwa, emwi dan ne ima ru ghe ruẹ wa bun. Orukhọ mwa wa gu ima gui. Ma wa rẹn wẹ ehia wa rre evba.

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Jerimaia 2:15

Iran vannọ mu ẹẹn zẹ vbe oduma, iran ya otọe ẹre khian ato, avbe okpẹvbo ni rrọ khian itowa ne emwa na lẹ kpao fẹẹrẹ.

Jerimaia 2:17

Izrẹl, obọ ruẹ ọ re u ya sii ọna ye egbe ruẹ egbe! U fi iyeke gbe mwẹ mẹ ne Nọyaẹnmwa ne Osanobua ruẹ, vbe imẹ su uwẹ khian vbe odẹ.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 2:31

Ivbi Izrẹl, wa danmwehọ ẹmwẹ ne I guan. Mẹ he ye vbe ato ne uwa ẹdẹ ra, zẹ vbe ẹvbo dan ne ọ su ebiebi. Vbe uwa ghi na kha hẹ wẹ emwi ne ọ khọn uwa ọ re uwa ra gha ru ighe wa i dọlegbe bu mwẹ dee.

Jerimaia 25:38

E Nọyaẹnmwa hee emwa rẹn yotọ nẹ zẹ vbe oduma ne ọ kpao vbe uvun okuta ẹre rre. Orrirri okuo kevbe ohu ọbanabe ọghe Nọyaẹnmwa ya ẹvbo nii, khian ato.”

Jerimaia 30:14

Avbe enida uwa hia he uwa yotọ, iran i ghi zẹdẹ zẹ ye uwa ẹre. Mẹ gu uwa gbinna zẹ vbe eghian mwẹ oya ne ọ wegbe ọ re a rrii uwa re rhunmwuda orukhọ uwa bun, uyinmwẹ dan uwa vbe kpọlọ.

Jerimaia 30:15

Wa ghẹ ghi talọ ye ẹmwẹ ẹwẹn uwa, ukhunmwu ne ọ ra mu uwa egberran i rrọọ I rri uwa oya vberriọ rhunmwuda orukhọ uwa bun uyinmwẹ dan uwa vbe kpọlọ.

Jerimaia 4:7

Zẹvbe oduma ne ọ ke ehe ne ọ lẹre yi dee. Onii ne ọ rẹnkhẹn ẹvbo ua la odẹ nẹ. Ọ dee do rẹnkhẹn e Juda. Te a ra ye avbe ẹvbo ni rre Juda khian itowa ọmwa ne ọ gha yin ẹnrẹn i ghi rrọọ.

Jerimaia 49:19

Zẹ vbe oduma ne ọ ke uwa ẹgbo Ẹzẹ Jọdan ladian la uwu oha ne aranmwẹ na rria ne ọ bii nunuunu, I gha rre ne ivbi Idọm ye ugbugbe lẹ hin ẹvbo iran rre. Ẹghẹ nii, ọkaolotu ne imẹ zẹe ghi ghi do gha khaemwisẹ yan avbe uhunmwu ẹvbo. De ọmwa ne a gha ya gie mwẹ yi? De ọmwa ne ohan gha gie ẹe si mwẹ evẹn? De ogie ne ohan gha gie ẹe gbe odan ghe mwẹ?

Jerimaia 8:5

Emwa mwẹ vbọzẹ yi ne uwa na fi iyeke gbe mwẹ wa i ghi dọlegbe werriegbe? Wa rhikhan mu ẹbọ uwa, wa ma ghi dọlegbe bu mwẹ gha dee.

Jerimaia 8:7

Avbe olọkọmwọrhu rẹn ẹghẹ ne ọ kere ne iran ya werriegbe, avbe uhaiso kevbe ivbianumẹ rẹn ẹghẹ ne iran ya hẹ kpao, sokpan, wa ne emwa mwẹ, wa ma rẹn uhi ne I lele ya khaemwisẹ yan uwa.

Eve Orriara 1:5

Obọ avbe eghian rẹn ke ukhunmwu iran mu ẹre izẹghede. E Nọyaẹnmwa ru ẹe ne ọ rrioya ye orukhọ ne ọ ru hia iran munọ avbe ivbi ẹre hia oghunmwu hẹ gha rrie.

Ezikiẹl 16:25

U ya ose ruẹ kpolo ọrho, te uwa gha kue ne emwa hia ni rre, edẹgbedẹgbe ọ re u ya gha guẹ iwinna igberagia yọ.

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Ezikiẹl 23:19

Ọ keghi wa dọlegbe khian ebabotu, ọ na wa gha do egbe ẹki ne ọ gha do ẹghẹ ne ọ na re ọvbokhan okhuo vbe Igipt.

Daniẹl 7:4

Nokaro vbọ keghi yevbe oduma sokpan, ọ keghi mwẹ ifuẹn zẹvbe oghohọn. Ẹghẹ ne I na wa gha ghe ẹre nii, iran keghi yannọ ẹre ifuẹn kua. A keghi tọn aranmwẹ ni mu, a na mu ẹẹn mudia zẹvbe ọmwa. A keghi vbe rhie ekhọe ọmwa nagbọn ne ẹẹn.

Daniẹl 7:6

Vbene I wa ye ghe ẹre nii, aranmwẹ ọvbehe keghi vbe ladian ọ yevbe ubidọn, sokpan ifuẹn enẹ ni yevbe ọghe ahianmwẹ kegha rre ọre ẹkpiyeke, ọ keghi vbe mwẹ uhunmwu enẹ. Aro ẹre vbe uhunmwu keghi yevbe ọghe ọmwa ne ọ mobọ mwẹ asẹ ẹsẹse.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Habakọk 1:8

“Okhian kẹ avbe ẹsin iran sẹ atalakpa, iran vbe mu ohan sẹ avbe oduma ne ohanmwẹ gbe. Emwa ni hin ẹsin ọghe iran, ehe ne ọ rrei ọre iran kegha hin ẹsin gha dee, ẹsin ya owẹ guọghọ otọe hia. Iran ghi vin rre zẹ vbe oghohọn ne ọ ra gbe emwi.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.

Nọmbas 32:14

Banbanna nian, wa vbe rhie ihe erha uwa, orre ọgbọn ọ ghe emwa orukhọ, emwa ni wa vbe mu egbe ne iran vbe tie okuosu e Nọyaẹnmwa dọlegbe yan Izrẹl uhunmwu.

Arhie Maan 13:2

Aranmwẹ oha ne I bẹghe keghi ye vbe ubidọn. Owẹ ọre keghi ye vbe ọ ghe akpakomiza, unu ẹnrẹn keghi ye vbe ọghe oduma. Ugbogiorinmwi nii keghi rhie ẹtin ẹnrẹn ne aranmwẹ oha na, ke ẹkete ẹre kevbe asẹ ọrhẹnrhẹn ne ọ gu ẹe.