Jerimaia 5:3 - Edo Bible (E Baibol Ẹdo) Version 1996

³ Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Jerimaia 5:3 Iomraidhean Croise

Gẹnẹsis 19:34

Ẹdẹ ghi gbe, ovbi ẹre nokhuo nọdiọn keghi tama nekherhe wẹẹ, “Mẹ vbe erhamwẹ gba ru emwi ọdọ vbe amwẹ nasọn, gie ima vbe ye ayọn nẹẹn da asọn na ne uwẹ vbe ya lovbiẹ kẹe. Ma eva ghi do biẹlẹ ne erha ima.”

I Ọba 13:33

E Jeroboam ne ọba Izrẹl ma zobọ vbe emwi dan ne ọ ru, sokpan ọ keghi ye gha ma avbe ohẹn vbe ẹgbẹe kẹkan ne iran gha ga vbe aka ne irẹn bọ ẹe. Ọ keghi ma ọmwaikọmwa ne ọ rhirhi a gha ho, ohẹn.

II Ọba 1:13

Ọba keghi gie ọkaokuo kevbe arhin ekigbesiyeha, ọvbehe gha rrie oke nii, rẹn keghi hin oke nii ọ keghi diguẹ ye Elaija odaro, ọ rinmwian ẹẹn wẹẹ, “Ọmwa Osanobua, tohan mwẹ tohan emwa mwẹ. Gie ima gha rre agbọn.

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

II Krọnikol 28:22

Ọ ghi sẹ ẹghẹ ne emwi hia ya ba su ẹe sẹẹ, ọmwa na ighẹ Ehaz keghi wa dọlegbe sẹmwẹ e Nọyaẹnmwa sẹẹ vbe ne ọ te ka ye yi.

Psalm 51:6

Ekhọe ne ọ diae kevbe ẹmwata; ọ re uwẹ ho, ya ẹwaẹn ruẹn vuọn ekhọe mwẹ.

Psalm 51:8

Gunmwẹ họn urhu oghọghọ kevbe ọyẹnmwẹ a gha rhe miẹn ighẹ u lọkọ mwẹ u vbe rẹnkhẹn mwẹ uan nẹ, ẹko mwẹ gha ye dọlegbe rhiẹnrhiẹn.

Psalm 55:20

Ọmwa ne ima gba mu obọ nẹdẹ gu avbe esiọre gbinna ọ ma mu eyan irẹn sẹ.

Itan 21:29

Emwa ẹmwata gba egbe iran, sokpan, emwa dan ghi gha ba rhie egbe mama ye ihe vbene ọ gie iran ru sẹ.

Itan 22:12

Ne a miẹn otọ na gba ogba ga ẹmwata, ọ re Nọyaẹnmwa na gie a gha miẹn otọ ẹmwẹ ohoghe.

Itan 23:35

U ghi do kha wẹẹ, “Te iran fi mwẹ emwi, te emwa eso koko gbe mwẹ, I ma ghi ye rre. Vbọzẹ ne I ma na sẹtin rhiọrre yi? I ye ho ne I da ayọn.”

Itan 27:22

Ọ gha khọn ruẹn, gbe ọzuọ ne ọ kẹ ekherhe ne ọ wu, u i sẹtin gbe ukọnmwẹ ọnrẹn hin ẹre ẹko rre.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Aizaia 48:4

I rẹnrẹn ighẹ wa gha rhie ma ighẹ wa zevbudu wa na ye gbain vbe ematọn, kevbe ne ẹ i vbe vbokho zẹ vbe ẹgere.

Aizaia 9:13

Ivbi Izrẹl ma he ye fiwerriẹ, a gha rhe miẹn wẹ e Nọyaẹnmwa ne Oghodua rria iran ikhi nẹ, iran ma he ye werriegbe bu ẹre rre.

Jerimaia 15:7

I filo uwa ku ẹhoho zẹ vbe ebe ne ọ kakae vbe ẹvbo ni rre otọe na hia. I fuẹn uwa a, wa ne emwa mwẹ, I gbele ivbi uwa, rhunmwuda, wa ma dobọ emwi dan ne uwa ru yi.

Jerimaia 17:23

Avbe erha iran odede ma họn ẹmwẹ mẹ ra ne iran zẹ yọ mwẹ re. Sokpan iran keghi ze vbe udu, iran ma họn ẹmwẹ mẹ amawẹ ne iran ruẹ emwi vbe ehe ne I ye.

Jerimaia 19:15

Wẹ e Nọyaẹnmwa ne Oghodua, ne ọ re Osanobua Izrẹl khare wẹẹ, “Oya hia ne I khare ighe I gha rri iran re, I ra mu ẹẹn sẹ vbe egbe ẹvbo na kevbe avbe ẹvbo ni sikẹ ọre, rhunmwuda, wa zevbudu gbe, wa i vbe danmwehọ ẹmwẹ ne I ta.”

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Jerimaia 32:19

Wẹ ru emwamwa ẹwaẹn, u keghi vbe winna iwinna ẹtin, u bẹghe emwi ne emwa hia ru, u keghi vbe hae ne iran zẹ vbene uyinmwẹ iran khare.

Jerimaia 44:10

Sokpan, do sẹ ẹdẹnẹrẹ na, wa ma ye mu egbe rriotọ. Wa ma he ye ya ọghọ mẹ ra ne uwa gha ya uhi ne I yi ne uwa kevbe avbe erhan uwa odede ru emwi.

Jerimaia 7:26

Sevba ọmwa ne ọ zẹyọ ra ne ọ vbe danmwehọ I rrọọ, sokpan, wa keghi do ze vbe, udu wa keghi vbe sọtẹ sẹẹ avbe erha uwa odede.

Jerimaia 7:28

U ghi tama iran wẹ, uhunmwu ẹvbo iran i họn ẹmwẹ mẹ, mẹ ne Nọyaẹnmwa ne Osanobua iran, ra ne oya ne a rri iran re vbe gha rhie ẹwaẹn ne iran. A ye ekhọe ga wu nẹ. A i ghi dọlegbe guan kan rẹn ọvbehe.

Jerimaia 8:5

Emwa mwẹ vbọzẹ yi ne uwa na fi iyeke gbe mwẹ wa i ghi dọlegbe werriegbe? Wa rhikhan mu ẹbọ uwa, wa ma ghi dọlegbe bu mwẹ gha dee.

Ezikiẹl 2:4

Iran ze vbe ẹkoko udu, iran i vbe ya ọghọ mẹ, rhunmwuda ọnii, I ra giọ ne u ya tama iran vbene imẹ ne Nọyaẹnmwa ne Udazi kha hẹ.

Ezikiẹl 24:13

E Jerusalẹm, uyinmwẹ alama ruẹn mu awua yuẹ egbe nẹ. A gha rhe miẹn ighe I te gha ho ne I họnmwẹ uẹn egbe, awua ye gue uẹ. Awua i ra lahin ruẹn egbe rre ọvbehe rhinrin obọ ohu mwẹ te do daa ẹsẹse.

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Levitikọs 26:23

A deghẹ vbe iyeke avbe oya na hia ighẹ wa ma ye zẹ yọ mwẹ re, wa na ye gha họhọ mwẹ uan.

Emọs 4:10

“I gie egboghogbogho yan uwa zẹ vbe ne I giee ẹe rrie Igipt. I gbele igbama uwa vbe okuo, I keghi viọ uwa ẹsin kpao. I ye ẹwia orinmwi khiọ uwa ihue vbe agọ uwa. Sevba, wa ma ye bu mwẹ rre.

Emọs 4:11

“I fuẹn eso vbe uwu uwa a, zẹ vbene I fuẹn Sọdom kevbe Gomorra, wa ni miẹn uhunmwu vbọ keghi yevbe ovbi erhan ne ọ giẹn khian, a keghi rhie ẹre hin erhẹn rre. Sevba, wa ma ye bu mwẹ rre,” erriọ Nọyaẹnmwa khare.

Emọs 4:6

“Mẹ ọ re ọ ru ẹe ne ohanmwẹ na fi la otọe uwa hia, sevba wa ma dọlegbe bu mwẹ rre.

Emọs 4:8

Amẹ ghi rhọ ye ugbo ọkpa, sokpan nọkpa ghi kaka a. Emwa ne ohanmwẹ amẹ gbe ya khian ne vburriẹ vburriẹ ghi ke ẹvbo nibun gha die ẹvbo ọkpa ne iran rhie aro yi wẹ iran gha na miẹn amẹ wọn, sokpan amẹ ne ọ gha sẹ iran wọn i rrọ. Sevba, wa ma ye bu mwẹ rre.

Emọs 4:9

“I gie ẹhoho owowo rre ne ọ kaka uwa emwiokọ ua. Irhiso rri ugbo uwa kevbe ogba azara, erhan ohọ kevbe ọghe oliv. Sevba wa ma ye bu mwẹ rre.

Zẹfanaia 3:7

I te gha ro wẹ emwa mwẹ gha rhunmwuda ọnii da mẹ, ne iran rhan obọ miẹn emwi enọrẹn enegbe ne ima iran re, wẹ iran i ra mianmian emwi ne I ma iran re ẹdẹ. Sokpan, wanwanna, iran keghi wa suẹn gha ru emwi dan ne iran ka ru de yi.”

Ebe ne Pọl gbẹẹn gie emwa Rom 2:2

Ma rẹnrẹn wẹ Osanobua gha bu ohiẹn emwa ni ru emwi vbe nian, ohiẹn ẹmwata ọre ọ buru.

Hibru 12:9

Zẹ vbene erha ima ni rre agbọn na ye, iran gbe ima hin ọkhọ rre, ma ghi ye vbe gha ye ọghọ ne iran. Inuinu ọ ghi wa ya ke sẹẹ, ne ima gha gbe uhunmwu ke otọ ne Erha mwa vbe ọ ghe orhiọn! Ne ima vbe die agbọn ya.