Jerimaia 5:21 - Edo Bible (E Baibol Ẹdo) Version 1996

²¹ Wa danmwehọ wa ne akpa vbe abobo, ni mwẹ aro, sokpan iran i ya ẹe bẹghe, ni mwẹ ehọ sokpan iran i ya ẹe họn ẹmwẹ.

Jerimaia 5:21 Iomraidhean Croise

Psalm 94:8

Wa ne emwa mwẹ vbe uwa na kọn de ọzuọ a hẹ vberriọ yi? De ẹghẹ ne uwa gha ya rẹn emwi yi?

Itan 17:16

Ẹ i mwẹ ọ maa okpa ne ọ ra la evba sẹ ọre egbe dẹghe a lo igho ya gha ma ọzuọ ebe, ẹ i mwẹ isan ẹwaẹn ọkpa.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 43:8

Osanobua khare wẹẹ, “Wa tie avbe emwa mwẹ ye iko. Iran mwẹ aro sokpan te iran rhu aro, iran mwẹ ehọ sokpan, iran i họn ẹmwẹ!

Aizaia 44:18

Emwa vberriọ akpa ni i sẹtin rẹn emwi ne iran ru ọ re iran khin. Iran yin ehọ iran yin ẹwaẹn, iran ma ghi sẹtin rẹn emwi ne ọ re ẹmwata.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 5:20

E Nọyaẹnmwa khare wẹẹ, “Wa tama ivbi uniẹn e Jekọb, wa tama ivbi e Juda wẹẹ:

Jerimaia 5:4

Ẹghẹ nii ọ re I na kha wẹẹ, “Avbe ivbiogue ni ma rẹn enaye ọ re ena khin. Emwi ukọnmwẹ ọ re iran wa ru, iran ma rẹn emwi ne ọ yẹ Osanobua iran, emwi ne Nọyaẹnmwa ho ne iran ru.

Jerimaia 6:10

Mẹ keghi wanniẹn wẹẹ, “Deghẹ mẹ gu iran guan, I na gha bu iran ude, gha ọ ra danmwehọ mwẹ yi? Iran ze vbe udu, iran he ne iran danmwehọ uhunmwu ne u gie, iran ghi gha giẹ ye ẹmwẹ ne u wẹ ne I tama iran.

Jerimaia 7:13

Wa ru avbe orukhọ na hia ne, a gha rhe miẹn wẹ te I gha gu uwa guan kugba kẹghẹrẹ, wa ma danmwehọ. I tie uwa wa ma khuẹnniẹn.

Jerimaia 8:7

Avbe olọkọmwọrhu rẹn ẹghẹ ne ọ kere ne iran ya werriegbe, avbe uhaiso kevbe ivbianumẹ rẹn ẹghẹ ne iran ya hẹ kpao, sokpan, wa ne emwa mwẹ, wa ma rẹn uhi ne I lele ya khaemwisẹ yan uwa.

Ezikiẹl 12:2

“Ovbi ọmwa, uwu ẹbu etẹ ọ re u ye. Iran mwẹ aro sokpan, iran i bẹghe emwi rhọkpa, iran mwẹ ehọ, sokpan, iran i họn ẹmwẹ rhọkpa, rhunmwuda, etẹ ọ re iran khin.

Hozia 7:11

Izrẹl gha bobo yo bobo rre zẹ vbe elikhukhu ne ọ kọẹn; vbe okaro, emwa ni lẹ bu Igipt gha khian ne ọ de yi iran obọ, iyekọni, iran vbe lẹ bu Asiria.

Zẹkaraia 7:11

“Sokpan, emwa mwẹ keghi ze vbe udu, iran ma zẹ yọ. Iran keghi rri ekhọe iran gbua,

Iyẹn ne ọ Maan Ọghe Mak 4:12

Na miẹn ehe na miẹn wẹẹ: “ ‘Vbe ne iran gha ghe sẹ, iran i bẹghe! Vbene iran gha danmwehọ sẹ, iran i rẹn otọ ẹre, ne iran ghẹ ya fi ekhọe werriẹ bu Osanobua, rẹn ghi vbe do ya bọ iran.’ ”

Iyẹn ne ọ Maan Ọghe Mak 8:18

Wa mwẹ aro, wa i ya ẹe dẹghe ra? Wa mwẹ ehọ, wa i ya ẹe họn ẹmwẹ ra? Wa ma ghi ye rre?

Iyẹn ne ọ Maan Ọghe Jọn 12:40

“Osanobua rhu iran aro nẹ, ọ vbe gbe iran ekhọe ẹwaẹn ruan nẹ, ne aro iran ghẹ miẹn ehe na bẹghe odẹ, ne ọ ghẹ miẹn ehe na la iran ekhọe, ne iran ghẹ ya bu mwẹ rre ne imẹ mu iran egbe rran.”

Iwinna 28:26

“ ‘Gha khian, ya tama iran na: Wa gha gbe ehọ ke otọ danmwehọ sokpan wa i ra rẹn otọ ẹmwẹ nii, wa gha rhan aro gha ghe ẹre sokpan wa i ra dẹghe ẹre.

Ebe ne Pọl gbẹẹn gie emwa Rom 1:20

Rhunmwuda, ke ẹghẹ ne Osanobua ya bu agbọn gha dee, a vbe emwi ne a ya gie Osa ne a i sẹtin dẹghe, ẹtin etẹbitẹghori ọghọe, kevbe ama emwi ne Osanobua ya ru Osa ne ọ rre ọre egbe, keghi do khian ne aro dae ẹsẹse. Emwa gha sẹtin dẹghe emwi na hia vbe uwu emwi ne Osanobua yi. Rhunmwuda ọnii, iran i miẹn emwi mu na hiehie.

Ebe ne Pọl gbẹẹn gie emwa Rom 11:8

Zẹ vbene ebe tae, “Osanobua keghi gbin iran orhiọn kevbe ekhọe ẹwaẹn, do sẹ ẹdẹnẹrẹ na, iran i sẹtin ye aro iran dẹghe odẹ, iran i sẹtin he ehọ iran họn ẹmwẹ.”

Diuteronomi 29:3

Wa miẹn egboghogbogho ugborrirri kevbe iwinna ọyunnuan kevbe iwinna ama ne Nọyaẹnmwa winna ẹn.

Diuteronomi 29:4

Sokpan, do sẹ ẹdẹnẹrẹ na, ọ ma he sẹtin ru ẹe ne uwa rẹn otọ emwi ne uwa miẹn.

Diuteronomi 32:6

Erriọ ọ re uwa ra ru e Nọyaẹnmwa ra, wa ne akpa ne ẹ i mwẹ ẹwaẹn? Rẹn ọrọre erha uwa, ọmwa ne ọ yi uwa, rẹn ọ re ọ ya uwa khian okpẹvbo.