Jerimaia 5:11 - Edo Bible (E Baibol Ẹdo) Version 1996

¹¹ Ivbi Izrẹl kevbe ivbi e Jerusalẹm wa ya mwẹ ne avbokho fẹẹrẹ. Mẹ ne Nọyaẹnmwa ọre ọ taa ẹe.”

Jerimaia 5:11 Iomraidhean Croise

Aizaia 24:16

Ma gha họn ihuan ne a so ya tian Izrẹl ne ẹvbo ẹmwata, ke ehe ne ọ ghi rrei sẹẹ vbe otọ agbọn gha dee. Sokpan, idaehọ i rrọ ne imẹ, ghe vbe I rriororo hẹ! Avbe ọgueva gha ya ọmwa ne a vbokho. Uma dan ne iran si wa khọrhiọn yọ ẹdẹgbedẹgbe.

Aizaia 48:8

Mẹ rẹnrẹn wẹ wa i gia mu ẹtin yan wẹ, etẹ ọ re a rẹn uwa yi ẹdẹ. Onii ọ sii ẹe ne uwa ma na zẹdẹ họn vbekpa ọnọna hiehiere ne ifi ẹmwẹ ọkpa vbọ ma na vbe fi la uwa ehọ.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Jerimaia 3:20

Sokpan, zẹ vbe okhuo ne ọ fi owẹ ye oha, u ma guobọ mwẹ ọvbehe. Mẹ ne Nọyaẹnmwa ọ re ọ taa ẹe.”

Jerimaia 5:10

I gha gie avbe eghian ne iran do giagia azara emwa mwẹ ku otọ, sokpan, ne iran ghẹ wa fuẹn ọnrẹn uan fẹẹrẹ. I gha wẹ ne iran giagia ẹre abọ kua, rhunmwuda, avbe abọ nii i re ọghomwẹ.

Jerimaia 9:2

Akpawẹ I gha miẹn ehe dia vbe ato nian ne I miẹn ehe na kpao hin ehe ne emwa mwẹ ye rre. Iran rhọkpa i gia mu ẹtin yan ẹbu dan ni ya ọmwa ma iran khin.

Hozia 5:7

Iran ma guobọ e Nọyaẹnmwa. Ivbi iran i re ọghe ọe. Rhunmwuda ọnii nian, a gha fuẹn iran kevbe otọe iran an ban.

Hozia 6:7

“Sokpan ọwarọkpa vbe iran ghi la otọ Adam nẹ, iran keghi wa rra iyi ne ima gba yi ne egbe.