Jerimaia 49:1 - Edo Bible (E Baibol Ẹdo) Version 1996

¹ Ẹmwẹ ne Nọyaẹnmwa tae vbe ekpa Amọn ọ re ọna khin: “Avbe ikpia ivbi Izrẹl vbo yi? A ma ghi miẹn ne ọ khọn ne ẹvbo ẹre vbọ ra? Vbọzẹ ne iran na gie avbe emwa ni gho Milkọm khọn mu otọe ẹwae e Gad, ne iran vbe yin ẹnrẹn yi?

Jerimaia 49:1 Iomraidhean Croise

Gẹnẹsis 19:38

Ovbi ẹre nokhuo nekherhe kevbe biẹ okpia, ọ na he ẹre Benami. Rẹn ọrọre erha odede ọghe avbe emwa Amọri na.

II Ọba 10:33

odẹ ahọ ọghe Jọdan rhinrin ya sẹ ẹvbo ne a tie ẹre Aroẹ ne ọ rre odẹ ekẹn vbe ọkpẹn Ẹzẹ Anọn, ne usun ọ re otọe Giliad ye kevbe Basian, ehe ne avbe ẹwae Gad, Riubẹn kevbe Manasẹ ne odẹ ahọ ye.

II Ọba 24:2

E Nọyaẹnmwa keghi gie otu ni gbalọ abẹkpẹn vbe ivbi e Babilọn gha dee, e Siria, Moab kevbe Amọn, ne iran do dunmwu e Juda a, zẹ vbene Nọyaẹnmwa la unu avbe akhasẹ ta ẹe wẹ rẹn gha ru ẹe.

II Krọnikol 20:1

Vbe ọ ma ghi kpee gbe, avbe ivbiyokuo e Moab, Amọn kevbe iran ni deba iran ighẹ Meun, keghi mu okuọ gha rrie Juda.

II Krọnikol 20:23

Ivbiyokuo Amọn kevbe ọghe Moab keghi deyan ọghe Idọm, iran na lọkọ ehia a. Vbe iyeke ọnii iran keghi viọ aro da egbe gha gu egbe gbinna igbinna aranmwẹ oha.

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 4:7

E Sanbọlat, e Tobaia kevbe ivbi Arebia, Amọn kevbe Asdọd keghi họn wẹ ma wa ya nene ekẹn ne a gbe khian; ekẹn e Jerusalẹm, kevbe wẹ, ẹkpo nii rre ekẹn ni, te a ghi do gha gbe ẹe vba egbe, ohu keghi mu iran ẹsẹse.

Psalm 83:7

ivbi Gẹbal, Amọn kevbe Amalẹk, kevbe Filistia kevbe Taia.

Psalm 9:6

Avbe eghian mwa gbẹro nẹ ẹdẹdẹmwẹdẹ. U fuẹn ẹvbo iran an nẹ, a mianmian iran nẹ fẹẹrẹ.

Jerimaia 12:14

E Nọyaẹnmwa khare wẹẹ, “I mwẹ ẹmwẹ ne I gha tama avbe ẹdogbo Izrẹl, emwa ni rhia rua a ighẹ otọ ne I mu ne ivbi Izrẹl, ne emwa mwẹ. I gha viọ emwa nii hin ẹvbo iran rre zẹ vbene a vbokho ovbi erhan, I ghi vbe miẹn e Juda fan vbe obọ iran.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 27:3

E Nọyaẹnmwa keghi tama mwẹ ne I gie avbe ukọ avbe ọba Idọm, e Moab, Amọn, e Taia kevbe Saidọn ni do miẹn e Zedekaia vbe Jerusalẹm tama iran wẹ,

Jerimaia 48:1

Ẹmwẹ ne Nọyaẹnmwa ne Oghodua tae vbekpa Moab ọ re ọna khin: “Wa tohan ivbi e Nebo, a dunmwu ẹvbo iran an nẹ! A khọn mu e kirriatam, a guọghọ odin nọkhua ne ọ lẹga ẹre sotọ, a keghi vbe fa emwa ni rrọ ua.

Jerimaia 49:23

Emwi ne Nọyaẹnmwa tae vbekpa Damaskọs ọ re ọ na khin: “Ekhọe emwa ni rre Hamat kevbe Apad ma sẹ otọ, afianma vbe fian iran rhunmwuda, iran họn iyẹn dan, ohawa lẹ rhu iran zẹ vbe amẹ okun iran i ghi sẹtin kẹtin.

Jerimaia 49:28

Emwi ne Nọyaẹnmwa tae vbekpa ẹwae Keda kevbe avbe otọe ne Nebukiadneza ne ọba e Babilọn khọn rẹn, ne Hazọ gha kha yan ọ re ọna khin: “Dekun emwa Keda, ne u vbe fuẹn emwa odẹ ahọ nii uan!

Jerimaia 49:7

Emwi ne Nọyaẹnmwa ne Oghodua tae vbekpa Idọm ọ re ọna khin: “Ivbi Idọm i ghi sẹtin ye ẹrherhe iran roro emwi gba ra? Iran ni bu iran ude i ghi sẹtin tama iran emwi ne iran gha ru ra? Ẹwaẹn ne iran wan hia wa khian ne a hobẹkun ne ẹ ra?

Ezikiẹl 21:25

“Wa ne emwa dan ni ma huan ni khaemwisẹ yan Izrẹl. Ẹdẹ uwa dee, ẹdẹ ne a gha rri uwa oya ne okiekie.

Ezikiẹl 25:1

E Nọyaẹnmwa keghi gunmwẹ guaan wẹẹ,

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Diuteronomi 2:19

Ẹghẹ nii, wa ghi do sikẹ otọ emwa Amọn ni re ivbi uniẹn e Lọt. Wa ghẹ kpokpo iran, wa ghẹ gu iran khọn rhunmwuda mẹ ira mu ne uwa vbe otọ ne I mu ne iran nẹ.”

Diuteronomi 23:3

“A ghẹ ka ovbi Amọn ra Moab kevbe emọ ne iran biẹlẹ ba emwa e Nọyaẹnmwa, uhin ya sẹ orre ne ogigbe.

Diuteronomi 23:4

“Ẹghẹ ne uwa na gha kpao vbe Igipt rre, iran ma rhie evbare ne uwa, iran ma sa amẹ ne uwa wọn, iran ke ya tie Balam ne ovbi Beọ ne ovbi Petọ ne Mẹsopotamia rre ne ọ do fi uwa unu.