Jerimaia 48:8 - Edo Bible (E Baibol Ẹdo) Version 1996

⁸ Ẹvbo okpa ne ọfuan ni ra la ban, ẹi rrọọ ke oke kevbe ugboghodo, te a ra fuẹn ehia a. Mẹ ne Nọyaẹnmwa taa ẹe nẹ.

Jerimaia 48:8 Iomraidhean Croise

Jerimaia 15:8

Ikhuo ni dẹgbẹ ni rre otọe uwa, bun sẹ ekhae ni rre ọkpẹn okun. I gbele avbe igbama uwa ye isẹrre I keghi ru ẹe ne usẹ gha sẹ iye iran, I ye akhiẹ nọkhua kevbe ohan fi iran emwi vbe udomwurri.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 48:18

Wa ni rre Dibọn, wa ke ukpo uyi uwa tuorre, ne uwa tota ye ebubẹ vbe otọ. Ọmwa ne ọ fuẹn Moab ua rre emwa na, ọ keghi ye avbe owa ọkhẹ ẹre khian itowa.

Jerimaia 51:56

Te iran rre do fuẹn Babilọn ruan kevbe ivbiyokuo ẹre hia, a vbe bunnọ uhanbọ iran. Osanobua ne ọ rria ikhi orukhọ mẹ khin, I gha ru e Babilọn emwi ne ọ ma ẹẹn.

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Ezikiẹl 25:9

I gha ru ẹe ne emwa mu okuo gha rrie avbe ẹvbo ni gbinna ne Moab vbe ehe ne otọ ẹvbo iran lae, ya sẹ egbe avbe ẹvbo ni mose sẹ avbe Bẹt-Jesimot e Bal-Miọn kevbe kirriatam.

Jọsua 13:17

E Hesbọn vbe rrọọ kevbe avbe ẹvbo hia ni rre otọe ne ọ rriẹe nii, avbe Dibọn, Bamot, Baal, Bẹt Baalmiọn.

Jọsua 13:21

Kevbe avbe ẹvbo ọvbehe ni rre ehe ne ọhẹnhẹn nii, avbe ẹvbo Saihọn ne ọba Amọri ne ọ rre Hesbọn. E Mosis keghi khọn rẹn ke ẹe kevbe iran ni ka khaemwisẹ vbe Midian: avbe Evi e Rekẹm, e Zọ, e Họ kevbe Reba. Ena hia kegha rre otọe nii. Saihọn ọ re ọ gha khaemwisẹ yan iran.

Jọsua 13:9

Otọe iran keghi ke Aroẹ (vbe ehọ Iya Anọn) kpao deba ẹvbo ne ọ rre adesẹneva iya nii, kevbe otọe oke ne ọ rriẹe ọghe Mẹdeba hia ya sẹ Dibọn.