Jerimaia 48:7 - Edo Bible (E Baibol Ẹdo) Version 1996

⁷ “E Moab, ẹtin ruẹn ọ re u mu ẹtin yan kevbe ẹfe ruẹ, sokpan, banban, uhin ighẹ te a ra khọn ruẹn, e Kemọs ne ẹbọ ruẹ gha yo iwe ọ ghi lele ivbi ọba kevbe avbe ohẹn ọnrẹn gha khian.

Jerimaia 48:7 Iomraidhean Croise

II Samuẹl 5:21

Ivbi e Filistia keghi lẹ sẹ avbe ẹbọ iran rae ye evba, e Devid kevbe emwa rẹn keghi viọ gha rrie.

I Ọba 11:33

I gha ru emwi na rhunmwuda, e Solomọn fi iyeke gbe mwẹ, ọ keghi ya gha gho Astat ne ẹbọ ne okhuo ọghe Saidọn e Kemọs ne ẹbọ ọghe Moab, kevbe Milkọm ne ẹbọ ọghe Amọn. E Solomọn ma họn ẹmwẹ mẹ, ọ de iyi, ọ ma rhie uhi mwẹ kevbe ilele mwẹ mwẹ zẹ vbene Devid ne erha ẹe ru.

I Ọba 11:7

Ọ keghi bọ ehe ne a na gho Kiẹmọs ne ẹbọ emwiekhue Moab ye odẹ ahọ e Jerusalẹm kevbe ehe ne a na gho e Milkọm ne ẹbọ emwiekhue Amọn.

Psalm 40:4

Afiangbe ọrọre ọghe iran ni mu ẹtin yan e Nọyaẹnmwa ni ma gbee ghe ọghe ẹbọ ra ne iran kegbe ba iran ni ga ẹbọ ohoghe.

Psalm 52:7

“Wa ghe ẹre ighẹ okpia ne ọ ma lẹ gbinna Osanobua, sokpan ọ keghi mu ẹtin yan ẹfe ẹre nibun. Ọ na wẹ uyinmwẹ dan rẹn ra ya gbe ẹkun sẹ otọ.”

Jerimaia 13:25

Rẹn taa ẹe nẹ wẹ ọna ọ ra mian uwa. Ọna ọ re ọ wẹ rẹn ra ru uwa ẹre rhunmwuda, wa mianmian ẹẹn nẹ, wa na gha lele avbe ẹbọ ohoghe.

Jerimaia 43:12

I gha mu erhẹn ye avbe, owa ẹbọ ni rre Igipt, a deghẹ ọba e Babilọn ma ghi giẹn iran ẹbọ rua, ọ gha hẹ iran gha rrie. Zẹ vbene ọsuohuan rhọ imi hin ukpọn rẹn rre fẹẹrẹ, erriọ ọ re ọba e Babilọn ra rhọ otọ Igipt fo, ọ ghi kpao ke irẹn kevbe akhọnmiotọ.

Jerimaia 48:13

Ẹghẹ nii, ivbi e Moab gha khian ne iro hanrẹn ba ẹmwẹ e Kemọs ne ẹbọ iran, zẹ vbene iro e Bẹtẹl han ivbi Izrẹl, ẹbọ ni ne iran te mu ẹtin yan.

Jerimaia 48:46

Wa tohan ivbi e Moab. A fuẹn iran an ighe avbe emwa ni gho Kemọs, a keghi vbe viọ ivbi iran nikpia kevbe nikhuo zẹ vbe oghunmwu gha rrie.

Jerimaia 49:3

Ivbi e Hesbọn, wa gha tulo! A fuẹn Ai rua nẹ! Ikhuo e Raba, wa ya gha khiẹ! Wa viọ ukpọn akhiẹ ye egbe ne uwa gha khiẹ. Wa gha hẹ yo hẹ rre vbe uwu iro ne ọ hanrẹn. A gha mu e Milkọm ne ẹbọ uwa gha rrie iwe, ke ẹe ke avbe ohẹn ọnrẹn kevbe avbe ivbi ọba.

Jerimaia 49:4

Vbọzẹ ne uwa ne emwa nẹi gia mu ẹtin yan na vbe rhuọ yi? Egbe wọ uwa buan nẹ. Vbọzẹ ne uwa na mu ẹtin yan iwegbe uwa yi, ne uwa na vbe kha wẹ ọmwa ne ohan gha gie ẹe dekun uwa irrọ?

Jerimaia 9:23

E Nọyaẹnmwa keghi kha wẹẹ, “Ọ ma kei ne iran ni wan ya ẹwaẹn iran gha rhuọ ra ne iran ni wegbe ya iwegbe iran gha rhuọ ra ne iran ni fe ya ẹfe iran gha rhuọ.

Hozia 10:13

Sokpan, u keghi ya kọ emwi dan, u na vbe rhọ ọmọ rẹn. U rrii ọmọ ne ohoghe ne u ta mọẹn nẹ. Rhunmwuda ne u na mu ẹtin yan avbe ikẹkẹ okuo ruẹ, kevbe avbe ivbiyokuo ruẹ nibun,

Nọmbas 21:29

Ọ suwa, wa ne ivbi Moab: Wa la ọrhiae rrie nẹ wa ni gho e Kemọs ẹbọ uwa keghi ya avbe emwa nii khian ni rre errọ avbe Ikhuo keghi khian oghunmwu ọba Amọri.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

Arhie Maan 18:7

Wa rhie oya kevbe irhia ẹko nẹẹn zẹ vbe uyi kevbe uyinmwẹ ọmọ ne ọ fuẹn ukhu, ne ọ rhie ne egbe ẹre, rhunmwuda, te irẹn wa gha tama egbe ẹre wẹẹ, ‘I tota vbe emwa, vbe ọba ne okhuo I i re okhuo ne ẹ i mwẹ ọdọ I i ra rẹn irhia ẹko ẹdẹ.’

Giọgis 11:24

Te uwẹ ghi ho ne u mu ẹẹn werriegbe na? Wẹ sẹtin gba emwi ne Kemọs ne ẹbọ rua rhie nuẹn mwẹ obọ. Sokpan emwi hia ne Nọyaẹnmwa Osanobua mwẹ viọ ne ima nẹ, te ima ra gba mwẹ obọ.