Jerimaia 48:11 - Edo Bible (E Baibol Ẹdo) Version 1996

¹¹ E Nọyaẹnmwa khare wẹẹ, “Te ẹkun wa sẹ e Moab otọ ẹdẹ, a ma he vbe viọ iran yo iwe ẹdẹ. Te Moab ye vbe ayọn ne a gie ẹe de hẹnhẹn vbe ne a ma na kpokpo ẹe, a ma vbe ruẹn ọnrẹn ke uru okpa ye ọvbehe. A ma he rhia uwinhinmwẹ ọnrẹn uan, Ọ ke wa ye rhiẹnrhiẹn vbene ọ ye ẹdẹ.

Jerimaia 48:11 Iomraidhean Croise

Psalm 123:4

Ọ kpee gbe ne iran ni fe kegha ya ima gbogiẹ, iran hia ni hio kevbe ni kpokpo mwa gha zan mwa.

Psalm 55:19

Osanobua ne ọ khaemwisẹ, ke ne a bu agbọn tuagbọn gha dee, gha họn urhu mwẹ, ọ ghi khọn iran muotọ rhunmwuda, iran ma kue ne iran fiwerriẹ iran i vbe mu ohan rẹn.

Itan 1:32

Emwa ne ẹ i mwẹ ẹwaẹn wulo rhunmwuda iran he ẹwaẹn yotọ. Ai tie emwi emwi ọghe iran ne akpa ọ re ọ ra fuẹn iran an.

Aizaia 16:6

Ivbi e Juda khare wẹẹ, “Ma họn vbene ivbi e Moab hio hẹ, ma rẹnrẹn ighe iran tọn egbe mu, iran ghi gha ya obọ rra ẹwẹe, sokpan, orhuọ ne iran rhuọ, ifianyanegbe nọ.”

Aizaia 24:3

Agbọn gha zanzan an, ọ ghi la ọrhiae rrie. E Nọyaẹnmwa tae nẹ, te ọ ru ẹe.

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Jerimaia 22:21

Ẹghẹ ne agbọn na gha ma ruẹn, e Nọyaẹnmwa guẹ guaan, sokpan, u ma zẹ yọ ẹre re. Erriọ ọ re uwa ya ẹdẹ agbọn ruẹn hia gha ru ẹe. U ma he họn ẹmwẹ ne Nọyaẹnmwa ẹdẹ.

Jerimaia 48:12

Rhunmwuda ọnii nian, ẹghẹ dee ne I gha na gie emwa ne iran ya tue Moab kua zẹ vbe ayọn. Iran gha tue avbe uru ayọn rẹn kua, iran ghi vbe dunmwu ehia a.

Jerimaia 48:29

E Moab hio gbe. I họn nẹ vbene iran hio hẹ, ne iran na vbe tọn egbe mu, iran ghi gha ye obọ rra ẹwẹe, ne iran na vbe kha i ghẹ a ma he miẹn egbe iran ẹdẹ.

Jerimaia 51:34

Ọba e Babilọn giagia e Jerusalẹm, ọ na rrii ọe ọ ke tue ẹvbo nii kua fo zẹ vbe esago. Ọ keghi mi ẹn re, zẹ vbe ugbogiorinmwi ọ viọ avbe emwi ni yẹ ọre vbọ ọ na viọ ni dekẹe kua.

Nahum 2:10

A fuẹn Ninevi ua, a hee ẹe ye otọ, ọ dihoi rua! Ẹtin hia ranran an rhunmwuda ohan, igbọn gha rhie gbe egbe, ẹtin fo. Te aro ghi reghe ua vbe uhunmwu.

Nahum 2:2

(Te Nọyaẹnmwa ghi ra rhie uyi Izrẹl dọlegbe ye ihe, zẹ vbene ọ te gha ye ẹkpo ne avbe eghian rẹn ma na he zanzan ẹẹn ruan.)

Zẹfanaia 1:12

Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.