Jerimaia 48:10 - Edo Bible (E Baibol Ẹdo) Version 1996

¹⁰ (Ihẹn nọ ne ọmwa ne ọ ma ye ekhọekekhọe winna iwinna e Nọyaẹnmwa! Ihẹn nọ ne ọmwa ne ọ ma fian ke ne ọ vbe gbua.)

Jerimaia 48:10 Iomraidhean Croise

I Ọba 20:39

Ọba ghi wa gberra khian akhasẹ ni keghi datie ẹre, ọ tama rẹn wẹẹ, “U gha to ukpẹre Umogun, ehe ne I na gbinna vbe okuo, ovbiyokuo keghi mu oghunmwu ọkpa gun mwẹ, ọ tama mwẹ wẹẹ, ‘Gha ghe oko na, ọ gha lẹfua, uhunmwu ọ re u ya khiẹ ọre, a deghẹ ẹ i re vberriọ, u gha ha esiliva arriaisẹn eha (3,000) ne a gha fian ẹre.’

I Ọba 20:40

Sokpan iwinna ọvbehe eso keghi mu mwẹ, okpia nii keghi lẹfua.” Ọba keghi wanniẹn wẹẹ, “We Ọ re ọ bu ohiẹn egbuẹ. Te u gha rri oya ne ọ ke yọ.”

I Ọba 20:42

Akhasẹ nii keghi tama ọba wẹẹ, “Vbenian ọre Nọyaẹnmwa khare, rhunmwuda ne u na gie ọmwa nii lẹfua vbe imẹ wẹ ne u gbe ẹe rua, uhunmwu ọ re u ra ya khiọ ẹre, a gha fuẹn ivbi iyokuo ruẹ ua rhunmwuda ne iran na gie ivbi iyokuo ẹre lẹfe.”

II Ọba 13:19

Ọna keghi ya ohu mu Elaisia, ọ keghi tama ọba wẹẹ, “Igba isẹn ra ehan ọre ọ te kei ne u kinmwi ẹẹn, erriọ obọ ruẹ gha na wa ke ukhunmwu ne ivbi e Siria fo fẹẹrẹ, sokpan, vbene ọ ghi ye na nian, igba eha kẹkan ọre obọ ruẹ ra ke ukhunmwu ne iran.”

Jerimaia 11:3

Wẹ mẹ ne Nọyaẹnmwa ne Osanobua Izrẹl tie ihẹn ne ọmwaikọmwa ne ọ ma ru zẹ vbene a ta ye ile na.

Jerimaia 47:6

Wa gha tu wẹ ‘Umozo e Nọyaẹnmwa! Vbe u a ra lọkọ emwa kpee sẹhẹ vbe otọ yi? Werriegbe la uwu ako umozo ruẹ, gha rre evba ne u hẹwẹ.’

Jerimaia 47:7

Sokpan, vbe ọ ghi ra ya hẹwẹ hẹẹ, vbe I waa iwinna ne ẹẹn ne ọ winna? Mẹ Ọ re ọ tama rẹn ne ọ dekun Askẹlọn, kevbe avbe emwa ni rre eghute.”

Jerimaia 50:25

I kie aza ne I viọ emwi igbinna mwẹ yi nẹ, I keghi vbe ya ohu viọ iran ladian, rhunmwuda, mẹ ne Nọyaẹnmwa ne Udazi, e Nọyaẹnmwa ne Oghodua, mwẹ emwi ne I ra ru vbe Babilọn.

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Jọsua 10:19

Sokpan, wa tobọ uwa ghẹ mudia ye evba. Wa khu avbe eghian nii ne uwa ke odieke gu iran gha khọn, wa ghẹ gie iran la ẹvbo iran. E Nọyaẹnmwa Osanobua uwa rhie akhọnmiotọ vbe uhunmwu iran ne uwa nẹ.”

Giọgis 5:23

Erriọ odibo e Nọyaẹnmwa khare, “Wa fi e Mẹrẹz unu. ihẹn, ihẹn vbe uhunmwu iran ni rre evba. Iran ma ye Nọyaẹnmwa obọ, iran ma rre vbe ivbi iyokuo gbinna ne ẹẹn.

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”

I Samuẹl 15:9

E Sọl kevbe emwa rẹn sẹ Agag rae ye agbọn, iran ma vbe gbele avbe ohuan ni maa sẹẹ, avbe ẹmila, avbe ivbi ẹkhuia ẹmila ni maa sẹẹ kevbe ivbi ohuan ra avbe emwi ọvbehe hia ni rhirhi gha maa. Sokpan, iran keghi fuẹn emwi hia ni kulo kevbe ne ẹ i mwẹ vbe ọ gia ya ru hia a.