Jerimaia 47:7 - Edo Bible (E Baibol Ẹdo) Version 1996

⁷ Sokpan, vbe ọ ghi ra ya hẹwẹ hẹẹ, vbe I waa iwinna ne ẹẹn ne ọ winna? Mẹ Ọ re ọ tama rẹn ne ọ dekun Askẹlọn, kevbe avbe emwa ni rre eghute.”

Jerimaia 47:7 Iomraidhean Croise

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 13:3

E Nọyaẹnmwa tie avbe ivbiyokuo ẹre ni hio ke ni vbe din nii ladian ne iran do khọn okuo nọhuanrẹn, ne iran vbe rri iran ne ohu ẹre mu oya.

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Jerimaia 48:10

(Ihẹn nọ ne ọmwa ne ọ ma ye ekhọekekhọe winna iwinna e Nọyaẹnmwa! Ihẹn nọ ne ọmwa ne ọ ma fian ke ne ọ vbe gbua.)

Ezikiẹl 14:17

“Ra, I sẹtin mu okuo la ẹvbo ọkpa, I ghi vbe viọ emwi igbinna dan larọ, ne ọ ya fuẹn emwa nagbọn kevbe aranmwẹ,

Ezikiẹl 21:14

“Wanwanna nian, ovbi ọmwa, guan ẹmwẹ akhasẹ. Kpe obọ ruẹ, umozo gha vbe gha gbe emwi yan egbe yan egbe. Umozo ne ọ gbe emwi nọ, umozo ne ọ runran ọmwa ke ne ọ vbe lọkọ nọ.

Ezikiẹl 21:30

“ ‘Ziẹn umozo ni ye ako! Ehe ne a na yi uwa ọ re I ra na bu ohiẹn uwa. Vbe otọ ne a na biẹlẹ uwa.

Ezikiẹl 21:9

“Ovbi ọmwa, guan ẹmwẹ akhasẹ. Tama emwa nii vbene imẹ ne Nọyaẹnmwa kha hẹ wẹẹ: Umozo, umozo, a gha lọ ẹe, a gha kpe ẹe.

Ezikiẹl 25:16

Rhunmwuda ọnii, te imẹ ghi ta ẹe na nian ighẹ I gha gu ivbi e Filistin gbinna, I ghi wa wabọ iran an. I gha fuẹn emwa hia ni ghi rre agbọn vbe Otọe ne ọ rriẹe ọghe Filistin.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Maika 6:9

Emwi ẹwaẹn nọ ne a gha mu ohan e Nọyaẹnmwa. Ọ datie okpẹvbo ni wẹẹ, “Wa danmwehọ, wa ni si egbe koko vbe okpẹvbo ni!

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”