Jerimaia 47:6 - Edo Bible (E Baibol Ẹdo) Version 1996

⁶ Wa gha tu wẹ ‘Umozo e Nọyaẹnmwa! Vbe u a ra lọkọ emwa kpee sẹhẹ vbe otọ yi? Werriegbe la uwu ako umozo ruẹ, gha rre evba ne u hẹwẹ.’

Jerimaia 47:6 Iomraidhean Croise

II Samuẹl 2:26

Abna keghi datie Joab wẹẹ, “Igbinna ọre a ghi wa gha gbinna khian ẹdẹ ra? Wẹ ma rẹn wẹ ọ ma ọkpa ne a ra miẹn gberra a khọ ẹko egbe i rrọọ? Ivbi ẹvbo ọkpa ma gba khin. Vbe ọ khian kpẹe sẹ hẹ u ke tama emwa ruẹn ne iran ghẹ ghi khu ima?”

I Krọnikol 21:27

E Nọyaẹnmwa keghi tama odibo Osa nii ne ọ rhie umozo ye otọ, odibo Osa nii keghi ru vberriọ.

Psalm 17:13

Gha dee, Nọyaẹnmwa, gu avbe eghian mwẹ gbinna, ne u khọn miẹn iran otọ, ya umozo ruẹ fan mwẹ hin obọ iran, ne emwa dan;

Aizaia 10:15

Sokpan, e Nọyaẹnmwa khare wẹẹ, “Ughanmwa gha kha ighe rẹn ọ re ọ sẹ ọmwa ne ọ ya ẹe winna ra? Ọsara ọ re ọ vbe kpolo sẹẹ ọmwa ne ọ yae va erhan ra? Orhokhua i tọn ọmwa mu, ọmwa ọ re ọ tọn orhokhua mu.”

Aizaia 10:5

E Nọyaẹnmwa keghi kha wẹẹ, “Asiria, te imẹ lo Asiria zẹ vbe orhokhua ne I ra ya rria iran ne ohu ẹre mu mwẹ ikhi.

Jerimaia 12:12

Emwa wa fian uhunmwu oke ato ni rra do fu emwi hẹ, I gie okuo ne ọ ya fuẹn otọe nii hia a, ọmwa ne ọ ra gha rre ọfumwegbe i rrọ.

Jerimaia 12:4

Inu ẹghẹ ọ re otọe mwa ra ye hiahia a hia la? Ne irunmwu ni rre oha hia ra na luẹluẹ? Aranmwẹ kevbe ahianmwẹ gha wulo, rhunmwuda ekhọe dan ọghe emwa ima, iran ni kha wẹẹ, “Osanobua i dẹghe emwi ne ima ru.”

Jerimaia 15:3

“Mẹ ne Nọyaẹnmwa ta ẹe nẹ wẹ emwi ohan enẹ ọ re ọ ra rruan iran; a gha gbele iran vbe okuo, ekita gha silo ikun iran gha rrie, ahianmwẹ gha rri iran, aranmwẹ oha ghi rhie ni ghi kẹe.

Jerimaia 25:27

Ẹre Nọyaẹnmwa na tama mwẹ wẹẹ, “Tama avbe emwa nii wẹ mẹ ne Nọyaẹnmwa ne Oghodua ne Osanobua Izrẹl, mẹ ọ re ọ tama iran wẹ ne iran da rhinrin ọ te do gha gbe iran ne iran gha bi, iran te do dele gbotọ vbe ne iran i ghi na sẹtin kpaegbe ọvbehe, rhunmwuda okuo ne I gie bu iran dee.

Jerimaia 4:21

Inu ẹghẹ I ra ghe okuo ne ọ khọn ni la vbotọ ne I vbe gha họn ulamwẹ okpe?

Jerimaia 48:10

(Ihẹn nọ ne ọmwa ne ọ ma ye ekhọekekhọe winna iwinna e Nọyaẹnmwa! Ihẹn nọ ne ọmwa ne ọ ma fian ke ne ọ vbe gbua.)

Jerimaia 50:35

E Nọyaẹnmwa khare wẹẹ, “Uwu ọrọre ọghe ivbi e Babilọn! Uwu ọrọre ọghe emwa ẹnrẹn, ọghe iran ni khaemwisẹ, avbe umẹwaẹn ne ọ mwẹ.

Ezikiẹl 14:17

“Ra, I sẹtin mu okuo la ẹvbo ọkpa, I ghi vbe viọ emwi igbinna dan larọ, ne ọ ya fuẹn emwa nagbọn kevbe aranmwẹ,

Ezikiẹl 21:30

“ ‘Ziẹn umozo ni ye ako! Ehe ne a na yi uwa ọ re I ra na bu ohiẹn uwa. Vbe otọ ne a na biẹlẹ uwa.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Iyẹn ne ọ Maan Ọghe Jọn 18:11

Jesu tama Pita wẹ, “Rhie umozo ruẹ ye ako. U ma rẹn ighẹ ẹ i mwẹ I ma wọn ukpu orriara ne Erha mwẹ mu mẹ?”

Giọgis 7:20

Iran hia ni rre otu eha nii keghi kpe okpe iran, iran keghi gbele ovbiẹluba iran an. Iran keghi viọ ukpa ni rrọọ mwẹ agobọ iran, kevbe avbe okpe vbe obọ erha ọmwa iran, iran keghi datu wẹẹ, “Umozo ọghe Nọyaẹnmwa kevbe ọghe Gidiọn!”