Jerimaia 47:5 - Edo Bible (E Baibol Ẹdo) Version 1996

⁵ Ivbi e Gaza miẹn akhiẹ nọkhua, ọgbunu gbe ivbi Askẹlọn unu an vbe Filistia ra khiẹ kpee sẹ hẹ vbe otọ yi?

Jerimaia 47:5 Iomraidhean Croise

I Ọba 18:28

Rhunmwuda ọnii, avbe akhasẹ nii keghi kakabọ gha tọn urhu mu na erhunmwu, iran na gha ya abẹe vbe agbada giagia egbe iran zẹ vbene iran ru ẹe, sẹrriọ ne esagiẹn ghi na gha tue ladian.

Aizaia 15:2

Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.

Jerimaia 16:1

E Nọyaẹnmwa kevbe dọlegbe gunmwẹ guan wẹẹ,

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 41:5

Arhin iyenẹ keghi ke Siẹkẹm rre, kevbe Silo kevbe Sameria iran zẹlẹ ẹtu iran, iran keghi sọlọ ukpọn iran, iran vbe ya emwi valọ egbe iran. Iran keghi viọ ọka kevbe eturari mwẹ ne iran ya yo imuohan vbe Ọgua Osa.

Jerimaia 47:1

Vbe ọ te sẹ ẹghẹ ne ọba Igipt na mu okuo gha rrie Gaza, e Nọyaẹnmwa keghi gunmwẹ guaan vbe ekpa e Filistia.

Jerimaia 47:4

Ẹghẹ sẹe nẹ ne a gha ya fuẹn e Filistia a, ne a ya giagia iyobọ ne ọ ghi te kẹe hin e Taia kevbe Saidọn rre. Mẹ ne Nọyaẹnmwa gha dunmwu e Filistin uan, iran hia ni ke eghute e Kret rre.

Jerimaia 48:37

Iran hia khiokhio eto mu otọ iran keghi vbe gbẹn ẹtu iran. Iran valọ obọ iran, edọmwadẹ ọghọe keghi vbe rhuan ukpọn akhiẹ.

Ezikiẹl 25:16

Rhunmwuda ọnii, te imẹ ghi ta ẹe na nian ighẹ I gha gu ivbi e Filistin gbinna, I ghi wa wabọ iran an. I gha fuẹn emwa hia ni ghi rre agbọn vbe Otọe ne ọ rriẹe ọghe Filistin.

Ezikiẹl 7:18

Iran gha viọ ukpọn akhiẹ ye egbe, iran ghi gha guẹ kpẹkpẹkpẹ. A gha zẹlẹ iran hia eto, a ghi vbe fa iran uan.

Levitikọs 19:28

Wa ghẹ gbẹnnẹ egbe ra ne u wa giagia egbe ya gha khiẹ orinmwi. Mẹ ọ re Nọyaẹnmwa.

Levitikọs 21:5

“Ohẹn rhọkpa ghẹ khiokhio ehe rhọkpa vbe eto ne uhunmwu ẹnrẹn ra ne ọ gia ẹtu ẹre, ra ne ọ ya emwi vinnọ egbe ẹre ne ọ ya rhie maa ighẹ te irẹn khiẹ.

Maika 1:16

Wa ne ivbi e Juda, wa zẹ eto uwa ne uwa ya khiẹ emọ ne uwa ho ẹmwẹ ọnrẹn. Wa gie akpan gha rre uwa uhunmwu zẹ vbene ọghe ugu ye, rhunmwuda, a gha miẹn uwa ivbi uwa viọ gha rrie iwe.

Iyẹn ne ọ Maan Ọghe Mak 5:5

Ke asọn kevbe avan, ọre ọ ya hẹ yo yẹ rre vbe uwu itẹ kevbe uhunmwu oke, ọ ghi gha goo, ọ ghi gha ya okuta giagia egbe ẹre.

Diuteronomi 14:1

“Emwa Nọyaẹnmwa Osanobua uwa ọ re uwa khin. Rhunmwuda onii, wa gha khiẹ emwa uwa nii wulo, wa ghẹ ya emwi solo egbe uwa ra ne uwa khiokhio eto ne ọ rre uwa uharo kua.

Giọgis 1:18

Iran ma khọn Gaza, Askẹlọn ra Ẹkrọn kevbe ẹvbo ni lẹga iran. E Nọyaẹnmwa keghi ye Juda obọ, iran ma mu avbe ẹvbo oke ya khian ọghe iran. Sokpan iran ma sẹtin khulo avbe emwa ni yin eghute kua rhunmwuda avbe emwa nii mwẹ ikẹkẹ okuo ematọn.