Jerimaia 47:4 - Edo Bible (E Baibol Ẹdo) Version 1996

⁴ Ẹghẹ sẹe nẹ ne a gha ya fuẹn e Filistia a, ne a ya giagia iyobọ ne ọ ghi te kẹe hin e Taia kevbe Saidọn rre. Mẹ ne Nọyaẹnmwa gha dunmwu e Filistin uan, iran hia ni ke eghute e Kret rre.

Jerimaia 47:4 Iomraidhean Croise

Gẹnẹsis 10:15

Kenan kegha re erha Saidọn ne ovbi ẹre nokpia nọdiọn, Hẹt ọrọre erha odede iran ne a hẹ ẹre eni gie iran.

I Krọnikol 1:12

Patrus, Kaslu kevbe Kret (Evba ọ re uniẹn emwa Filistin, ke zọ ladian.)

Job 9:13

Ohu Osanobua i firaa, Ọ rẹnkhẹn avbe eghian rẹn hia a. Iran ni rhie obọ ye Rehab ne ugbogiorinmwi amẹ iyeke, gha gu ẹe suan.

Psalm 37:13

Sokpan e Nọyaẹnmwa gha giẹ emwa dan rhunmwuda ọ rẹnrẹn ighe a gha fuẹn iran an ban.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 14:31

Wa gha go, ne uwa vbe gha tu nọ iyobọ, wa ne avbe okpẹvbo e Filistin hia. Wa runran, wa hia fẹẹrẹ. Amẹ ne ọ bii ne ọ re ebubẹ, ke odẹ okuọ dee, ivbiyokuo ne avbiẹrẹ okpa i rre otu ẹre.

Aizaia 20:6

Ọ gha sẹ ẹghẹ nii, iran ni yin lele eghute ọghe Filistia gha kha wẹẹ, ‘Wa ghe emwi ne ọ sunu vbe egbe emwa ne ima rhie aro yi ighẹ ọ gha miẹn ima fan vbe obọ ọba Asiria, vbe ima ra ya miẹn uhunmwu hẹẹ?’ ”

Aizaia 31:8

A gha fuẹn Asiria a vbe okuo, sokpan ẹ i re ẹtin ọmwa nagbọn ọ re ọ ra ru ẹe. Ivbi Asiria gha lẹkua vbe okuo, a ghi munọ avbe igbama iran oghunmwu.

Jerimaia 46:10

Ẹdẹ Osanobua ne Udazi ne Oghodua ọ na khin ẹdẹnẹrẹ na, ọ ra kioya ẹdẹnẹrẹ na, ọ gha rria avbe eghian rẹn ikhi. Umozo ẹre gha rri iran ne ẹko vuọn ẹẹn ọ gha vbe wọn esagiẹn iran ẹko te do vuọn ẹẹn. Ẹdẹnẹrẹ na ọ re Oghodua ra ye avbe oghunmwu ẹnrẹn zọ ese vbe odẹ okuọ, vbe ọkpẹn e Yufretes.

Ezikiẹl 21:25

“Wa ne emwa dan ni ma huan ni khaemwisẹ yan Izrẹl. Ẹdẹ uwa dee, ẹdẹ ne a gha rri uwa oya ne okiekie.

Ezikiẹl 21:29

ohoghe ọ re umian ne uwa miẹn khin. Ẹmwẹ ne uwa ta yotọ khẹ ọ dee, ohoghe nọ. Emwa dan ne ekhọe dan ọ re uwa khin, ẹdẹ uwa wa vbe dee, ẹdẹ ne a ra rri uwa oya ne okiekie, umozo gha de ye uwa ẹyaẹn.

Ezikiẹl 25:16

Rhunmwuda ọnii, te imẹ ghi ta ẹe na nian ighẹ I gha gu ivbi e Filistin gbinna, I ghi wa wabọ iran an. I gha fuẹn emwa hia ni ghi rre agbọn vbe Otọe ne ọ rriẹe ọghe Filistin.

Ezikiẹl 30:8

I gha ghi mu erhẹn ye Igipt nẹ, ighe a ghi gbele iran ni khọn ne ẹẹn fo nẹ, ẹghẹ nii, iran gha rẹn wẹ mẹ ọrọre Nọyaẹnmwa.

Ezikiẹl 7:12

Ẹghẹ wa dee. Ẹghẹ nii sotọ fo, ne a gha na miẹn wẹ ne a gha dẹ emwi, ra ne a gha khiẹn i ghi mwẹ esa, rhunmwuda, Osanobua ra ye abọ okpa nii rria emwa hia ikhi.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Emọs 9:7

E Nọyaẹnmwa khare wẹẹ, “Wa ne ivbi Izrẹl, vbene ẹmwẹ uwa ye mwẹ vbe ekhọe ọ re ẹmwẹ ivbi e Sudan vbe ye mwẹ vbe ekhọe. E Kret ọ re I ke viọ ivbi e Filistin gha dee, I keghi viọ ivbi e Siria ke Kaa gha dee zẹ vbene I viọ uwa ke Igipt gha dee.

Iyẹn ne ọ Maan Ọghe Luk 21:22

Rhunmwuda ‘Ẹdẹ Irriakhi’ nọ ne a ya mu ẹmwẹ ne Ebe tae hia sẹ.

Diuteronomi 2:23

Emwa ni ke Kret ne otọe ne amẹ lẹga rre, keghi fuẹn avbe emwa Avim ni te rre avbe igue ni rrọ rhinrin ya sẹ odẹ ekẹn Gaza, iran keghi miẹn iran otọ, iran na yin evba.)

Jọsua 22:30

E Finihaz ne ohẹn kevbe avbe ekhaẹmwẹ emwa nii, igbigbe ni deba ẹre, avbe ọkaẹgbẹe ọghe ẹgbẹe Izrẹl, keghi họn ẹmwẹ ne emwa ẹwae Riubẹn, Gad kevbe Manasẹ tae, ẹko keghi rhiẹnrhiẹn iran.