Jerimaia 47:3 - Edo Bible (E Baibol Ẹdo) Version 1996

³ Iran gha họn ukpukpẹ owẹ avbe ẹsin, e khuanghankhuanghan ọghe ikẹkẹ okuo, kevbe okhirhikhirhi owẹ ikẹkẹ, erha emọ i ra werriegbe ya viọ ivbi iran, obọ iran gha wu ginna iran egbe.

Jerimaia 47:3 Iomraidhean Croise

Aizaia 5:28

Ifẹnmwẹ iran mu, uhanbọ iran vbe mu egbe ne ọ gha ya fi ifẹnmwẹ. Ibata ẹsin iran wegbe vba ematọn, owẹ ikẹkẹ okuo iran keghi vbe fi lẹga zẹ vbe ẹhoho ẹziza.

Jerimaia 46:9

Tama avbe ẹsin ne iran gha khian, kevbe avbe ikẹkẹ okuo ne iran khianmwu. Gie avbe ivbiyokuo ladian, emwa ni ke Sudan kevbe Libya rre, iran ni viọ asa mwẹ, kevbe emwa ni guẹ uhanbọ ne a fi, ni ke Lidia rre.’ ”

Jerimaia 50:42

Iran viọ uhanbọ kevbe umozo iran mwẹ obọ nẹ ekhọe iran wegbe, iran i vbe mwẹ itohan urhu iran yevbe ọghe okun ne ọ vannọ vbe iran a gha hin ẹsin iran khian. Iran mu egbe ne iran ya khọn e Babilọn.

Jerimaia 8:16

Avbe eghian ima sẹẹ ore Dan nẹ, ma họn vbe ẹsin iran hiọnrọn. Ẹvbo ni hia ọ re ọ mu rueghe vbe ẹsin iran a tu. Eghian ima rre nẹ, ne iran do rhia otọ ima kevbe emwi ni rrọọ hia a, ore ẹvbo mwa kevbe emwa ni rrọọ.”

Ezikiẹl 23:24

“Iran gha ke odẹ okuọ suẹn gha guẹ gbinna, iran ghi ya ikẹkẹ okuo viọ ivbiyokuo nibun gha dee, deba okotọ ne a ya hẹ emwi gie iran. Iran mwẹ erhu ẹgere kevbe asa ne a ya khẹ egbe, iran gha lẹga ruẹ. I gha vbe rhie ruẹ ye iran obọ, iran ghi tie uhi iran ya bu ohiẹn ruẹn.

Nahum 2:4

Ikẹkẹ okuo iran wa vinnọ uvinnọmwẹ ẹrhia lele adesẹ ore. Iran gha khọn yo khọn rre vbe ughe. Iran gha baa vbe ukpekhọe, iran vbe sanmwẹ yo sanmwẹ rre vbe ayan.

Nahum 2:8

Emwa hia hii lahin e Ninevi rre, zẹ vbe amẹ uhae ne ọ vẹ ua, ọmwa ọkpa datu wẹẹ, “Wa mudia! Wa mudia!” A kakabọ ye ugomwẹ ta ẹe sokpan a ma miẹn ne ọ gbearoghe iyeke.

Arhie Maan 9:9

Ẹwẹe iran, a keghi ya emwi ne ọ ye vbe uhanhan ẹwẹe ematọn gue ẹre. Owogho ọghe ifuẹn iran keghi ye vbe ọghe ikẹkẹ okuo ne a vbe ẹsin si khian vbe iran rrie okuo.

Giọgis 5:22

Avbe ẹsin kegha gbe ọguọguọ khian, iran na gha solo ibata iran ye otọ.”