Jerimaia 47:2 - Edo Bible (E Baibol Ẹdo) Version 1996

² Ọ wẹẹ: “Ghe! Amẹ bi vbe odẹ okuọ, ọ gha khọn rre zẹ vbe ẹzẹ ne ọ ro sẹ oke ọ gha ro gue otọ kevbe emwi ni rrọọ hia, avbe okpẹvbo kevbe ẹvbo ni rrọọ hia, emwa hia gha go wẹ wa bu rre, emwa ni rre agbọn gha viẹ eve orriara.

Jerimaia 47:2 Iomraidhean Croise

Psalm 24:1

E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

Psalm 50:12

“Deghẹ ohanmwẹ gbe mwẹ, mẹ i vbe tama uwa. Rhunmwuda, agbọn kevbe emwi ni rre uwu ẹre hia mẹ ọ re ọ yan iran.

Psalm 96:11

Wa gha ghọghọ otọe kevbe iso, wẹ davan, wẹ ne okun, deba avbe emwi ne a yi ni rre uwu uwẹ.

Psalm 98:7

Wa davan, wa ne okun, kevbe emwi ni rre uwu ẹre hia, agbọn, wa so ihuan, deba emwa hia ni rre uwu uwẹ!

Aizaia 14:31

Wa gha go, ne uwa vbe gha tu nọ iyobọ, wa ne avbe okpẹvbo e Filistin hia. Wa runran, wa hia fẹẹrẹ. Amẹ ne ọ bii ne ọ re ebubẹ, ke odẹ okuọ dee, ivbiyokuo ne avbiẹrẹ okpa i rre otu ẹre.

Aizaia 15:8

Urhu eve ọ re a ghi họn vbe ehe hia ne otọ e Moab lae. A họn nẹẹn vbe ẹvbo Eglaim kevbe Biarelim.

Aizaia 22:1

Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?

Aizaia 28:17

Ohiẹn ẹmwata ọrọre okun ne a ra tan ya mwa ẹyotọ ẹre, a ta ẹmwata ọ re a ra ya mwa egbe ekẹn ọnrẹn.” Okpẹhoho ọ re ọ ra kpolo ohoghe ne uwa mu ẹtin yan hia kua, orogho ghi guọghọ ekẹn ne uwa mwẹ kua.

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Jerimaia 1:14

Rẹn keghi kha ma mwẹ wẹẹ, “Ọfuan gha ke odẹ okuọ rre do de tọn iran hia ni rre otọe na.

Jerimaia 46:12

Agbọn ẹvbo họn efa ne ọ rruan uwa nẹ, agbọn hia họẹn vbe uwa viẹ. Ovbiyokuo ọkpa ghi ya owẹ rri ọvbehe gberra iran eveva ghi dele gbe otọ.

Jerimaia 46:13

E Nebukiadneza ne Ọba e Babilọn ghi mu okuo gha die Igipt, e Nọyaẹnmwa keghi gu mwẹ guaan. Ọ wẹẹ,

Jerimaia 46:20

Igipt ye vbe ẹmila ne mose mose, ne udian ne ọ sa ọmwa ne ọ ke odẹ okuọ rre khu khian.

Jerimaia 46:24

A fa ivbi Igipt ua, iran ni ke odẹ okuọ rre khọn iran muotọ, mẹ ne Nọyaẹnmwa taa ẹe nẹ.”

Jerimaia 48:39

“A salọ Moab ua! Wa gha go! A fa Moab ua nẹ. Itowa ọ re ghi nọ, te avbe ẹvbo ni lẹga ẹre hia ghi ya ẹe gbogiẹ. Mẹ ne Nọyaẹnmwa taa ẹe nẹ.”

Jerimaia 6:22

E Nọyaẹnmwa khare wẹẹ, “Emwa ke ẹvbo ne ọ rre odẹ okuọ dee, uhunmwu ẹvbo nọkhua okpa ne ọ mwẹ ẹtin gha mu egbe okuo.

Jerimaia 8:16

Avbe eghian ima sẹẹ ore Dan nẹ, ma họn vbe ẹsin iran hiọnrọn. Ẹvbo ni hia ọ re ọ mu rueghe vbe ẹsin iran a tu. Eghian ima rre nẹ, ne iran do rhia otọ ima kevbe emwi ni rrọọ hia a, ore ẹvbo mwa kevbe emwa ni rrọọ.”

Daniẹl 11:22

Ọmwaikọmwa ne ọ gbe odan ghe ẹre, ọ gha khọn rẹn ne ọ gha re Ogie Ohẹn Osanobua, a ghi wa ho ẹre bẹkun.

Nahum 1:8

Ọ fuẹn avbe eghian rẹn uan fẹẹrẹ, zẹ vbe orogho nọkhua ne ọ khọn khian, iran ni gbe odan ghe ẹre, ọ gha wa viọ iran la uwu.

I Kọrinti 10:26

Rhunmwuda, zẹ vbene ebe kha re, “Agbọn ke emwi hia ni rre uwu ẹre, ọ ghe Nọyaẹnmwa nọ.”

I Kọrinti 10:28

Sokpan, a deghẹ a ghi tama ruẹn nẹ wẹ, “Ẹbọ ọre a ya emwi na ru,” ghẹ rri ọe rhunmwuda ọmwa ne ọ tama ruẹn ni kevbe rhunmwuda osẹe ekhọe.

Jems 5:1

Banbanna nian, wa danmwehọ mwẹ, wa ni fee. Wa gha viẹ, wa gha viẹ eve orriara ye ẹmwẹ ọkhọ ne ọ ra do sunu vbe egbe uwa.

Arhie Maan 17:1

Ọkpa vbe uwu avbe odibosa ihinrọn, ne egboghogbogho gha gue nii, keghi bu mwẹ gha dee do tama mwẹ wẹẹ, “Larre, ne I do rhie maa ruẹn vbene a ra ya rri ọre oya hẹ ighẹ ogiete ebabotu nii, ẹvbo nọkhua nii ne a bọ ye ọkpẹn avbe ẹzẹ ni bun.

Arhie Maan 17:15

Odibosa nii keghi vbe tama mwẹ wẹẹ, “Amẹ ne u miẹn ne ebabotu ni tota yan kegha re ẹbu kevbe agbọn ẹvbo kevbe ẹvbo ne a zẹ.