Jerimaia 45:3 - Edo Bible (E Baibol Ẹdo) Version 1996

³ U tae khian wẹẹ, ‘Egbe wọ mwẹ! E Nọyaẹnmwa vbe viọ akhiẹ ba orueghe mwẹ, egbe ne I ya tu obalọ hia guọghọ mwẹ yotọ, I ma ghi vbe miẹn egberọkhọmwẹ!’

Jerimaia 45:3 Iomraidhean Croise

Psalm 120:5

A gha gu uwa yin te ọ yevbe ne ọmwa rre Mẹsiẹk ra ne a rre uwu ẹbu avbe ivbi e Keda.

Psalm 27:13

Mẹ rẹnrẹn i ghẹ I gha tọ miẹn ọma ọghe Nọyaẹnmwa vbe arria na.

Psalm 6:6

Akhiẹ dunmwu mwẹ uan nẹ, asọn asọn ọ re ukpo mwẹ ya lẹ amẹ, ameve keghi ro ye ukohunmwu mwẹ.

Psalm 6:7

I i ghi bẹghe odẹ ẹse, rhunmwuda eve ne eghian mwẹ zẹ yọ mwẹ egbe, te aro mwẹ hia ghi hinmwian.

Psalm 69:3

Egbe wọ mwẹ ne I ya tu nọ iyobọ, urhu mwẹ vbe kaka te aro mwẹ ghi vbọ ne I ya gualọ iyobọ ruẹ.

Itan 24:10

U gha ye gha vburriẹ vbe ẹghẹ asobọyegbe, evburriẹ ne evburriẹ ọ re u gele wa khin.

Jerimaia 45:2

Wẹ e Nọyaẹnmwa ne Osanobua Izrẹl khare wẹẹ, “Barọk.

Jerimaia 8:18

Akhiẹ mwẹ i mwẹ ukhunmwu I khuọnmwi emianmwẹ udu.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Eve Orriara 1:13

“Ọ gie erhẹn ke odukhunmwu rre, erhẹn ne ọ gha yọn vbe uwu imẹ. Ọ khuẹẹn ifi khẹ mwẹ ọ keghi sii mwẹ gbotọ. Iyeke ọnii, ọ keghi hee mwẹ yotọ ọ na sẹ mwẹ rae ye obalọ ne ẹ i mwẹ erọkhọrọkhọ.

Eve Orriara 1:22

“Bu abe gbe iran ye emwi dan ne iran ru, rri iran oya zẹ vbene u rrii imẹ oya ye orukhọ ne imẹ ru. I gha khiẹkhiẹ egbe vbe uwu usẹ ekhọe mwẹ hia vbe khuọnmwi.”

Eve Orriara 3:32

Ọ sẹtin gie ima miẹn akhiẹ sokpan ahoẹmwọmwa rẹn ghe mwa re ne aro dae kevbe ne ọ deziẹn ẹsẹse.

II Kọrinti 4:1

Te Osanobua, vbe uwu itohan rẹn wa iwinna na ne ima, rhunmwuda ọnii, ẹtin i fo mwa.

II Kọrinti 4:16

Ọna ọre ọ si ẹe ne ẹtin i na fo mwa. A gha rhe miẹn wẹ ikinnegbe mwa heko wiẹghua khian, sokpan, orhiọn mwa ghi gha khian ọgbọn yọ ẹdẹgbegbe.

Galatia 6:9

Rhunmwuda ọnii, wa ghẹ gie egbe emwi esi ne a ru wọ uwa, rhunmwuda, a deghẹ, a ma zobọ vbọ ẹghẹ dee ne ima gha na rri ere ẹre.

II Tẹsalonaika 3:13

Sokpan etẹn mwa, wa ghẹ gie egbe emwi esi ne a ru wọ uwa.