Jerimaia 44:1 - Edo Bible (E Baibol Ẹdo) Version 1996

¹ E Nọyaẹnmwa keghi gunmwẹ guaan vbekpa ivbi Izrẹl ni rre Igipt, ni rre avbe ẹvbo na ighe Migdọl, Tapanhes, kevbe Mẹmfis kevbe obọ ne ọ laghe odẹ ekẹn vbe ẹvbo nii

Jerimaia 44:1 Iomraidhean Croise

Gẹnẹsis 10:14

Patrus, Kaslu kevbe Kret ne ọ ghi do gha re emwa Filistin.

Ẹksọdọs 14:2

“Tama ivbi Izrẹl wẹ ne iran fi ọdelegbe ne iran ya yakọ vbe odaro Pi-Hahirọt, vbe ẹkpo Migdọl kevbe Okun Nọbaa vbe odaro Balzẹfọn, Wa bu agọ.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 19:13

Ọzuọ ọ re avbe ọkaolotu ni rre Zoan kevbe Mẹmfis khin. Te a te wẹ ne iran su ẹvbo nii sokpan iran de ẹre odẹ.

Jerimaia 2:16

Ẹn, ivbi e Mẹmfis kevbe Tapanhes guọghọ ẹre ugboloko uhunmwu.

Jerimaia 24:8

“Zẹ vbe ọghe Zedekaia ọghe Juda, iran ni gbinna igbinna ẹvbo ni lẹga ẹre, kevbe emwa nekpa ni rre Jerusalẹm, ni rre otọe na ra ni kpao gha rrie Igipt, Mẹ ne Nọyaẹnmwa gha ru iran zẹ vbe avbe ohọ nii ni i maa, ne ẹ i gia re.

Jerimaia 43:13

Ọ gha guọghọ okuta ne a ma ẹẹn ọghe ighobioye ne ọ rre Heliopolis vbe Igipt, ọ ghi giẹn avbe aro ẹbọ ni rre Igipt sotọ.’ ”

Jerimaia 44:15

Vbe iyekọnii, avbe ikpia hia ni rẹnrẹn ighe avbe amwẹ iran zọ ese ghe avbe ẹbọ ọvbehe, deba avbe ikhuo ni mudia vbe evba, kevbe avbe ivbi Igipt ni rre odẹ ekẹn ọghe Igipt, emwa ni wa bun ẹsẹse, iran keghi tama mwẹ wẹẹ,

Jerimaia 46:14

“Ya kha vbe ore ẹvbo Igipt, vbe Migdọl, Mẹmfis kevbe Tapanhes wẹẹ, ‘Wa mu egbe ne uwa ya gbinna ne egbe uwa; emwi ne uwa mwẹ, a gha fuẹn ehia vbe okuo!

Jerimaia 46:19

Wa mu egbe ne a ra ya viọ uwa oghunmwu gha rrie, wa ne ivbi Igipt! A gha ye Mẹmfis khian ato, itowa ne ọmwarhọkpa i ye.

Ezikiẹl 29:10

Oghian uwẹ kevbe nene Naẹl ruẹ ọ re I khin. I gha ya otọe Igipt hia khian otọe ne ọ gbe ẹvbi, kevbe Migdọl ne ọ rre odẹ okuọ ya sẹ ore Asuan ne ọ rre odẹ ekẹn rhinrin ya sẹ ehe ne uwu e Sudan lae.

Ezikiẹl 29:14

I gha vbe gie iran yin odẹ ekẹn Igipt ne ọ wa re owa iran dee ẹdẹdẹmwẹdẹ. Iran ghi gha rre evba zẹ vbe ẹvbo ne mitanmitan.

Ezikiẹl 30:13

E Nọyaẹnmwa ne Udazi khare wẹẹ, “I gha guọghọe rua ighe avbe amazẹ kevbe avbe ẹbọ ohoghe ni rre Mẹmfis. A i ghi ra miẹn ọmwa ne ọ gha khaemwisẹ yan Igipt, I gha vbe runran avbe emwa nii hia.

Ezikiẹl 30:14

I gha ya odẹ ekẹn Igipt khian ne ọ dihoi rua, I ghi mu erhẹn ye Zoan ne ẹvbo nii ne odẹ okuọ. I gha vbe rri e Tẹbes ne igiogbe oya.

Ezikiẹl 30:16

I gha mu erhẹn ye Igipt, e Pelusium ghi gha rre obalọ. A gha guọghọ ekẹn Tẹbes sẹ otọ, amẹ ghi ro gue ẹvbo nii.

Ezikiẹl 30:18

Ebiebi gha so yan e Tapanhes vbe I a ghi guọghọ ẹtin Igipt, I ghi kie ẹre ukpẹ ighe ẹtin ne iran ya ghagha. Amẹ ne ọ bi gha degue Igipt. Emwa ni rre avbe okpẹvbo ẹre hia ghi khian ne a viọ ẹre oghunmwu.

Hozia 9:6

Ọkhọ gha ghi rruan iran nẹ, ighe avbe emwa ni hia vbe zagha kua, ivbi Igipt gha si iran koko iran ghi si iran koko ne iran ya re iran vbe Mẹmfis! Emwi ẹfe esiliva ne iran mwẹ, kevbe ehe ne owa te gha ye vbe ẹghẹ ọkpa, irunmwu kevbe igban, ọ re ọ gha zọọ gue ehia.