Jerimaia 42:5 - Edo Bible (E Baibol Ẹdo) Version 1996

⁵ Ẹre iran na tama mwẹ wẹẹ, “E Nọyaẹnmwa ọrọre osẹe ima, adeghẹ ma ma ru vbene e Nọyaẹnmwa wa yi ẹre iyi ne ima hia fẹẹrẹ ne Nọyaẹnmwa la obọ ruẹ rhie ne ima.

Jerimaia 42:5 Iomraidhean Croise

Gẹnẹsis 31:50

E Leban keghi rhie tẹe wẹẹ, “U gha ru ivbimwẹ khọọ, ra te u viọ okhuo ọvbehe, a deghẹ mẹ ma rẹn, yerre wẹẹ Osanobua ghe ima.

Ẹksọdọs 20:19

Iran keghi tama e Mosis wẹẹ, “Wẹ gha gu ima guan ighẹ ma gha họn, sokpan afianma fian mwa wẹ, deghẹ Osanobua gu ima guan, ma gha wulo.”

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Jerimaia 42:20

Ighẹ uwu abakuru nọkhua ọ re uwa wa ye na. Wa ọ re ọ tama mwẹ ne I na erhunmwu ghe e Nọyaẹnmwa ne Osanobua ima ne uwa, wa na vbe yan wẹ, emwi ne ọ rhirhi a khama uwa ne uwa ru, wa gha ru ẹe.

Jerimaia 43:2

Ẹre Azaraia ne ovbi e Hosiaia, kevbe Johanan ne ovbi e Karea, kevbe avbe emwa nii hia nekpa fẹẹrẹ na tama mwẹ wẹẹ, “Ohoghe ọ re u ta, e Nọyaẹnmwa ne Osanobua mwa ma gie uẹ ne u tama ima wẹ ne ima ghẹ gha rrie Igipt ne a ya yin odọ nii.

Jerimaia 43:4

Rhunmwuda ọnii, ke Johanan kevbe avbe ọkaokuo, kevbe emwa nii, ne ọ ghi zẹye ẹmwẹ ne Nọyaẹnmwa tae wẹ ne iran gha rre otọ e Juda, ẹ ighi rrọọ.

Jerimaia 5:2

A gha rhe miẹn wẹ wa kha wẹ wa ga e Nọyaẹnmwa, ọdẹn ọ re uwa ya ẹe gbe kẹkan.

Maika 1:2

Wa danmwehọ ẹmwẹ na, wa ne uhunmwu ẹvbo hia, wa danmwehọ, wa hia ni rre agbọn na! E Nọyaẹnmwa ne Udazi gha sẹ osẹe gbe uwa. Danmwehọ. Ọgua Osa ẹre vbe ẹrinmwi ọ re ọ ke guan rre.

Malakai 2:14

Wa nọ emwi ne ọ zẹẹ ne ẹi ghi na rhan obọ miẹn rẹn. Emwi ne ọ sii ẹe ọrọre wẹ ọ rẹnrẹn wẹ, wa ma ghi mu eyan nii sẹ, ne uwa yan ma okhuo ne uwa rhiere ẹkpo ne uwa na rre igbama. Egbakhian ruẹn ọ re irẹn gha khin, u ma mu eyan ne u yaan ma rẹn sẹ egbe ne a ya miẹn wẹ odaro Osanobua ọ re u na yan wẹ wẹ i ra rhie aro ghe ehe ọvbehe.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Ebe ne Pọl gbẹẹn gie emwa Rom 1:9

Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.

Arhie Maan 3:14

“Gbẹn ebe gie odibosa ne ọ rre Laodisia wẹ: “Uhunmwu ne ọ gie rre ọ na khin ighẹ Isẹ, osẹe ẹmwata, kevbe ọghe uhunmwu ẹmwẹ, ọmwa ne ọre ehe ne emwi hia ne Osanobua yi ke rre.

Giọgis 11:10

Iran keghi wanniẹn wẹẹ, “Ma gha ru vbene u khare, e Nọyaẹnmwa ọrọre osẹe ima.”

I Samuẹl 12:5

E Samuẹl keghi wanniẹn wẹẹ, “E Nọyaẹnmwa kevbe ọba ne irẹn zẹe ọrọre osẹe mwẹ vbe ehe ne uwa ye wẹẹ, wa ma miẹn emwi ka yọ mwẹ owẹ hiehiere.” Iran keghi wanniẹn wẹẹ, “E Nọyaẹnmwa ọrọre osẹe ghe ima.”

I Samuẹl 20:42

Ẹre Jonatan na tama Devid wẹẹ, “Te Nọyaẹnmwa gha yaba ruẹ. E Nọyaẹnmwa gha ru ẹe ne a miẹn wẹ mẹ vbe ruẹ, ivbi uẹ kevbe ivbi mwẹ ni gha lele ima, gha ru zẹ vbene ile ne ima gu egbe ta khare ẹdẹdẹmwẹdẹ.” Ẹre Devid na kpao, e Jonatan keghi dọlegbe gha die owa.