Jerimaia 42:4 - Edo Bible (E Baibol Ẹdo) Version 1996

⁴ Mẹ keghi wanniẹn wẹẹ, “Ọ wa maa ẹsẹse, I gha na erhunmwu ghe Nọyaẹnmwa Osanobua, vbene uwa nọrẹn, emwi ne ọ rhirhi ghi vbe ta, I gha tama uwa. I i ra vbe rhie emwiọkpa lẹre ne uwa.”

Jerimaia 42:4 Iomraidhean Croise

Psalm 40:10

Mẹ ma rhie iyẹn imiẹnfan nii hinrre ne egbe mwẹ ọkpa, ẹghẹ hia ọ re I ya na iyẹn ọghe ne uwẹ na gia mu ẹtin yan kevbe iyobọ ruẹ. Vbe ehe ne avbe emwa ruẹn na si koko, I ma he dobọ ẹre yi ne a ta ighe aguobọmwa ọwuẹ kevbe ahoẹmwọmwa ruẹn ne ẹi beghe.

Ẹksọdọs 8:29

E Mosis keghi kha wẹẹ, “I gha wa da kpao, I gha na erhunmwu ghe Nọyaẹnmwa ne a miẹn wẹ akhuẹ, ikian gha sẹ uẹ rae, kevbe ekhaẹmwẹ ruẹn kevbe emwa ruẹn, sokpan ghẹ ghi dọlegbe hiẹ ima vbe ekpa ne u i na gie emwa nii ya zọ ese ghe Nọyaẹnmwa.”

Jerimaia 23:28

Akhasẹ ne ọ minaẹn, giee kha ighe imina kẹkan nọ, sokpan akhasẹ ne ọ họn urhu mwẹ, we ne ọ ya ta uhunmwu ne I gie kpẹghẹ. De emwi ne a ye ihunhun ru vbe ehe ne ọka ye yi?

Jerimaia 23:35

Sokpan, wẹ ne dọmwadẹ ọghọe ya gha nọ esiọre kevbe emwa rẹn wẹẹ, ‘De ewanniẹn ne Nọyaẹnmwa rhie rre? Vbe Nọyaẹnmwa kha hẹ?’

Jerimaia 26:2

E Nọyaẹnmwa keghi tama mwẹ wẹẹ, “Ya mudia ye ọgua nọkhua ọghe Ọgua Osa, ne u talọ ẹmwẹ hia ne I wẹ ne u ta ma emwa nii kevbe avbe ẹvbo ni ke Juda rre do ga vbe evba. Ghẹ sẹ ọkpa rae vbọ.

Ezikiẹl 2:7

U ghi gha tama iran, ẹmwẹ ne I gha tama ruẹn wẹ ne u ta, deghẹ iran hoẹn ra iran ma họn. Yerre wẹ etẹ ọ re iran khin.

Iwinna 20:20

Wa rẹnrẹn wẹ vbe uwu emwi hia ne ọ gha ma uwa egbe, ọkpa ne I ke ya ẹ i rrọọ vbe ne I na gha kpe orhu, I keghi vbe gha ma emwa emwi vbe adesẹ ore kevbe dọmwadẹ owa uwa.

Iwinna 20:27

Rhunmwuda, emwamwa Osanobua hia, ọkpa ne I ke ya ne I ma tama uwa ẹ i rrọọ.

Ebe ne Pọl gbẹẹn gie emwa Rom 10:1

Etẹn mwẹ, ekhọekekhọe ọre I ya tae wẹ, vbe ọ rrọọ nian akpawẹ te a miẹn emwa fan! Erhunmwu ọre I na ghe Osanobua ne iran.

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.