Jerimaia 41:9 - Edo Bible (E Baibol Ẹdo) Version 1996

⁹ Uhae ne Ismaẹl filo ikun emwa ne ọ gbele kui keghi gha re nọkhua ne Asa ne ọba fiaẹn vbe Baasia ne ọba Izrẹl gu ẹe khọn. Ismaẹl keghi ya ikun iran ran uhae nii.

Jerimaia 41:9 Iomraidhean Croise

II Samuẹl 17:9

Vbene a wa guan na nian, u ghaghe ọ lẹre ye uwu uvun okuta ra ehe ọvbehe. Ọwarọkpa vbe Devid a dekun emwa ruẹn nẹ, emwa ni họn ẹn ghi gha ta ẹe khian ighẹ obọ ke okhunmwu ne emwa ruẹn.

Aizaia 14:19

sokpan wẹ i mwẹ idin, a mu ikun ruẹn fi fua ne ọ kẹkẹ ua. A silo ikun avbe ivbiyokuo ne a gbele vbe okuo rhu uẹ ginna otọ, a fi ẹe lele iran ku uwu uvun okuta, a na ya owẹ mamaẹn ginna otọ.

Hibru 11:38

Agbọn na ma maa sẹ ne iran. Iran kegha kun yo kun rre vbe uwu ato kevbe uhunmwu oke, zẹ vbe emwa ne ẹ i mwẹ owa, iran kegha di uwu uvun okuta kevbe uvun otọ ya.

Giọgis 6:2

Emwa Midian keghi wegbe sẹ ivbi Izrẹl, ẹre avbe Izrẹl na lẹ la uhunmwu oke ya gha lẹre ye uvun okuta kevbe ehe ne ọ ghi sẹtin degue iran.

I Samuẹl 13:6

Iran keghi gu ivbi Izrẹl gbinna ọghe ọhanabe, ẹ i ghi ye iran ẹse hiehie. Eso na lẹre ye uwu uvun okuta kevbe uvun otọ vbe uwu avbe okuta, deba uwu uye kevbe uhae.

I Samuẹl 14:11

Ẹre iran na gie ivbi e Filistin deghẹ iran, ivbi e Filistin keghi kha wẹẹ, “Ghe vbe ivbi e Hibru eso ke uwu uvun ne iran te lẹre yi ladian.”

I Samuẹl 14:22

Avbe ivbi Izrẹl ni te ka lẹre ye uhunmwu oke Ifreim keghi họn wẹ avbe e Filistin lẹ khian, iran keghi vbe rhie obọ ba iran, iran na ya yan ivbi e Filistin.

I Samuẹl 24:3

Ọ keghi do sẹ uvun okuta ọkpa ne ọ sikẹ ehe ne ohuan na rria vbe ọkpẹn odẹ, ọ na la uwu ẹre ne ọ ya ghughẹ. A keghi miẹn wẹ e Devid kevbe emwa rẹn rre uwu ẹre gban an vbe ehe ne iran na lẹre.