Jerimaia 41:7 - Edo Bible (E Baibol Ẹdo) Version 1996

⁷ Iran ghi wa da la ore ẹvbo nii ọwarọkpa, Ismaẹl kevbe emwa nii keghi gbele iran an, iran na viọ ikun iran ku uwu uhae.

Jerimaia 41:7 Iomraidhean Croise

II Ọba 15:25

Ọkaokuo ọkpa vbe uwu ivbi iyokuo e Pẹkahaia, ne a tie ẹre Pẹka ne ovbi e Remalaia, keghi viọ arhin ekigbe siyeha ne ivbi e Giliad ba egbe, ọ khuan khọ Pẹkahaia, ọ na gbe ẹe rua vbe ugha ikhẹgbe ne ọ ke uwu ẹre vbe Sameria, ọ na rriọba lele ẹe.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Itan 1:16

Iran i sẹtin ziengbe ne iran ghẹ ru emwi dan. Iran wa mu egbe vbe ehe hia ne iran de izigha.

Aizaia 14:19

sokpan wẹ i mwẹ idin, a mu ikun ruẹn fi fua ne ọ kẹkẹ ua. A silo ikun avbe ivbiyokuo ne a gbele vbe okuo rhu uẹ ginna otọ, a fi ẹe lele iran ku uwu uvun okuta, a na ya owẹ mamaẹn ginna otọ.

Aizaia 59:7

Uma dan ọ re uwa si vbe ẹghẹ hia, ọ ghi vbe gha bọbọ uwa egbe ne a ru. Wa ghi gha gbe ne ọ ma rukhọ, ẹ i sọn uwa urumwẹ. Ọ rhia ẹe kevbe ọrẹnkhuan ọ re a ya rẹn ehe ne uwa lae,

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Ebe ne Pọl gbẹẹn gie emwa Rom 3:15

Gbe ẹe rua, rhia rua, ọre obọ na kẹ iran.