Jerimaia 41:5 - Edo Bible (E Baibol Ẹdo) Version 1996

⁵ Arhin iyenẹ keghi ke Siẹkẹm rre, kevbe Silo kevbe Sameria iran zẹlẹ ẹtu iran, iran keghi sọlọ ukpọn iran, iran vbe ya emwi valọ egbe iran. Iran keghi viọ ọka kevbe eturari mwẹ ne iran ya yo imuohan vbe Ọgua Osa.

Jerimaia 41:5 Iomraidhean Croise

Gẹnẹsis 33:18

E Jekọb keghi sẹ Siẹkẹm vbe otọ Kenan hẹnnẹdẹn vbe ọ ghi dọlegbe ke Mẹsopotamia rre. Ọ keghi bu agọ ẹre ye uwu oha vbe odaro ẹvbo nii.

Gẹnẹsis 34:2

Ugbẹn vbe Siẹkẹm ne ovbi Hamọ ne ọmwa Hivi, ne ọre enogie otọe nii ghi bẹghe ẹre, ọ na siẹe ọ na ya ẹtin guẹ ẹe ru emwi ọdọ vbe amwẹ.

Gẹnẹsis 37:12

Etẹn e Josẹf nikpia kegha rrie Siẹkẹm ne iran ya gha gbearoghe ohuan erha iran.

II Samuẹl 10:4

E Hanun keghi munọ eguọmwadia e Devid, ọ na zẹlẹ iran obọ ọkpọkpa kua vbe ẹtu iran, ọ keghi giagia iran ukpọn ke ẹkun gha die otọ, ọ na wẹ ne iran gha rrie.

I Ọba 12:1

E Rehoboam kegha rrie Siẹkẹm, ehe ne odẹ okuọ ivbi Izrẹl si koko yi ne iran do ma ẹre ọba.

I Ọba 12:25

E Jeroboam ne ọba Izrẹl keghi gbe ekẹn ga e Siẹkẹm kevbe ẹvbo Ifreim ne uhunmwu oke, ọ na ya gbe ẹghẹ eso vbe evba. Ọ keghi vbe kpao, ọ na ya gbe ekẹn gaa e Pẹnuẹl.

I Ọba 16:24

Vbe iyeke ọnii, ọ keghi dẹ oke Sameria ne ọ ha igho esiliva arria-isẹn ehan yi ne okpia ọkpa ne a tie ẹre Siẹma. Ọmri keghi gbe ekẹn ga ẹvbo nii, ọ na gha tie ẹre Sameria ne ọ ya ta e Siẹma ne ọ te ka yan uhunmwu oke ni.

I Ọba 16:29

Ọ ghi rre ukpo evairrọvbe iyeva ne Asa ne ọba Juda rriọba, Ehab ne ovbi Ọmri keghi rriọba ivbi Izrẹl vbe Sameria la ukpo eva yan ugie.

II Ọba 25:9

Ọ keghi giẹn Ọgua Osa a, kevbe ẹguae, kevbe owa emwa ni hin usi hia ni rre Jerusalẹm.

I Krọnikol 19:4

E Hanun na munọ emwa ne Devid gie ẹre uhunmwu, ọ na gbẹn iran ẹtu kua, ọ na giagia ẹwu iran la ẹkun, ọ na wẹ ne iran gha rrie.

Psalm 102:14

Avbe eguọmwadia ruẹ ho ẹmwẹ ọnrẹn, egbe ne a rhe ya fuẹn ọnrẹn uan, iran ye tohan rẹn, a gha rhe miẹn wẹ itowa ore ghi nọ.

Psalm 78:60

Ọ he owa ukpọn ẹnrẹn ne ọ rre Siailo ye otọ, owa ne irẹn te gha ye vbe uwu ẹbu ima.

Aizaia 15:2

Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 41:4

Ẹdẹ ne ọ lelẹe, vbe ọmwaikọmwa te do rẹn wẹ iran gbe Gedalaia a.

Jerimaia 47:5

Ivbi e Gaza miẹn akhiẹ nọkhua, ọgbunu gbe ivbi Askẹlọn unu an vbe Filistia ra khiẹ kpee sẹ hẹ vbe otọ yi?

Jerimaia 48:37

Iran hia khiokhio eto mu otọ iran keghi vbe gbẹn ẹtu iran. Iran valọ obọ iran, edọmwadẹ ọghọe keghi vbe rhuan ukpọn akhiẹ.

Jerimaia 7:12

“Wa gha rrie Siailo, ehe ne I ka gha zẹ wẹ evba ọ re a gha na gha ga mwẹ ne u wa ya ghe emwi ne I ya ẹe khian rhunmwuda orukhọ ivbi Izrẹl ne emwa mwẹ.

Jerimaia 7:14

Rhunmwuda ọnii, emwi ni ya Siailo khian, ọ re I ra ya Ọgua Osa mwẹ na ne uwa mu ẹtin ya khian.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Diuteronomi 14:1

“Emwa Nọyaẹnmwa Osanobua uwa ọ re uwa khin. Rhunmwuda onii, wa gha khiẹ emwa uwa nii wulo, wa ghẹ ya emwi solo egbe uwa ra ne uwa khiokhio eto ne ọ rre uwa uharo kua.

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Jọsua 24:32

Iran keghi re avbe ugboloko e Josẹf ne ivbi Izrẹl viọ ke Igipt gha dee ye Siẹkẹm, vbe ako otọ ne Jekọb gu ivbi e Hamọ ne erha Siẹkẹm dẹ ọ re esiliva iyisẹn. Ivbi e Josẹf ọ re ọ rri otọe nii vbe ukhu.

Giọgis 18:31

Amazẹ ọghe Maika kegha rre evba vbe ẹghẹ hia ne Owa Ukpọn ọghe Osanobua vbe ya gha rre e Silo.

Giọgis 9:1

Abimẹlẹk ne ovbi e Gidiọn nokpia kegha rrie Siẹkẹm ehe ne avbe etẹn iye ẹe hia ye. Ọ na tama iran.

I Samuẹl 1:7

Erriọ ọ re emwi na gha sunu ukpukpo; ẹghẹ kẹghẹ ne iran ya yo owa e Nọyaẹnmwa, e Penina ghi ru Hanna sẹrriọ wẹ, ọ ghi gha viẹ, ẹ i rri evbare rhọkpa.