Jerimaia 41:1 - Edo Bible (E Baibol Ẹdo) Version 1996

¹ Vbe uki ne ogihinrọn ọghe ukpo nii, Ismaẹl ne ovbi e Natanaia kevbe eyẹ Elisiama, okpa vbe uniẹn ivbiọba, kevbe okpa vbe uwu avbe ekhaẹmwẹ nekhua ọghe ọba, keghi viọ arhingbe ba egbe ne iran ya miẹn e Gedalaia ne Nọkhaemwisẹ. Ehe ne iran hia na wa gha rri evbare nii.

Jerimaia 41:1 Iomraidhean Croise

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

II Ọba 11:1

Ọwarọkpa vbe Atalia ne iye Ahazaia ne ọba ghi wa họn ighẹ iran de ovbi ẹre izigha, ọ na wẹ ne iran gbele emwa ni ghi re ẹgbẹe ọba hia fẹẹrẹ ua.

II Ọba 25:22

E Nebukiadneza ne ọba e Babilọn keghi ya Gedalaia ne ovbi Ahikam kevbe eyẹ e Siafan ru enọ khaemwisẹ yan e Juda, ọ na viọ iran ne a ma viọ gha rrie e Babilọn hia ye ototọ ẹre.

II Ọba 25:25

Sokpan, ọ ghi sẹ uki ne ogihinrọn ọghe ukpo nii, Ismaẹl ne ovbi e Nẹtanaia kevbe eyẹ Elisiama ne ọ vbe re usun ivbi ọba, keghi viọ arhin igbe mwẹ obọ gha rrie Mizpa, iran keghi dekun e Gedalaia, iran na gbe ẹe rua. Ọ kevbe gbele ivbi Izrẹl kevbe ivbi e Babilọn ni gu ẹe gha rre evba.

II Krọnikol 22:10

Ọwarọkpa vbe Atalaia ne iye ọba Ahazaia ghi họn ighẹ iran gbe Ahazaia ua, ọ na wẹ ne iran wa gbele ivbi uniẹn ọba ni rre Juda hia a.

Psalm 109:5

Iran ya ọkhọ ha ọmaa mẹ iran ya ikhuiwu ha osa ahoẹmwọmwa mẹ.

Psalm 41:9

Uhin wẹ osẹ mwẹ ne ọ sikẹ mwẹ sẹẹ, ọmwa ne I mu ẹtin yan sẹẹ ọmwa ne ọ re vbe evbare mwẹ te ọ ghi mu aro da mwẹ.

Itan 13:10

Itengbemu i si emwi ọvbehe rre gberra orueghe. Ne a gualọ ọmwa ne ọ gha bu ọmwa ude ọ re ẹwaẹn ye sẹ.

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Jerimaia 36:12

Rẹn keghi wa gha rrie ẹguae ọba, ọ na wa gha rrie ughugha ọgbenbe ẹguae, ehe ne avbe ekhaẹmwẹ hia na gha do iko, iran na kegha re Elisiama ne ọgbenbe ẹguae, e Delaia ne ovbi e Siemaia, Elnatan ne ovbi Akbọ, e Gemaraia ne ovbi Siafan, e Zedekaia ne ovbi Hananaia, avbe ekhaẹmwẹ nekpa hia kevbe gha rre evba.

Jerimaia 36:20

Avbe ekhaẹmwẹ keghi mu ebe ohian nii ye ughugha Elisiama ne ọgbenbe ẹguae, iran na gha rrie ugha ọba, iran na ya talọ emwi hia ma ọba.

Jerimaia 39:14

Na do rhie mwẹ ke uwu ẹguae ladian. Iran keghi rhie mwẹ ne ẹẹn gha gbearoghe ighe e Gedalaia ne ovbi Ahikam kevbe eyẹ e Siafan, ne a wa vbe tama wẹ ne ọ miẹn wẹ I sẹ owa vbe egbe hẹnnẹdẹn Ẹre I na ghi gu avbe emwa nii tota ye evba.

Jerimaia 40:13

Vbe iyekọna, e Johanan kevbe avbe ọkaolotu ivbiyokuo ni ma rinmwian, keghi bu e Gedalaia gha dee.

Jerimaia 40:5

Ugbẹn vbe I ma ghi rhie ewanniẹn ne ẹẹn, e Nebuzaradan keghi kha wẹẹ, “Bu ẹre gha khian ighe e Gedalaia ne ovbi Ahikam ne ọ vbe re eyẹ e Siafan, ne ọba Babilọn ya ru ne ọkhaemwisẹ yan avbe ẹvbo e Juda. U sẹtin gu ẹe tota deba avbe emwa nii, ra u sẹtin gha rrie eheikehe ne ọ ghi khọn ruẹn wẹ u gha yo.” Ẹre ọ na do ya emwi mẹ, ọ kevbe viọ evbare mẹ ni viọ gha khian, ọ na sẹ mwẹ rae ne I kpao.

Jerimaia 40:6

I keghi bu e Gedalaia vbe Mizpa, I na gu avbe emwa ni ghi kẹe vbe ẹvbo nii tota.

Jerimaia 40:7

Eso vbe uwu ekhaẹmwẹ kevbe ivbiyokuo e Juda ma ladian do gbe lahọ. Iran keghi họn wẹ ọba e Babilọn ye Gedalaia ru enọkhaemwisẹ otọe nii, ọ vbe maa e Gedalaia enọkhaemwisẹ yan iran hia ne a ma viọ kpao gha rrie e Babilọn, avbe emwa ni ghi ru ivbiogue sẹẹ vbe otọe nii.

Jerimaia 40:8

Ẹre Ismaẹl ne ovbi e Natanaia, e Johanan ne ovbi e Karea, e Seraia ne ovbi e Tanhumet, avbe ivbi Efaia ni ke Nẹtofa rre, kevbe Jezenia ne ọ ke Maaka rre na bu e Gedalaia gha rrrie Mizpa.

Ezikiẹl 17:13

Ọ keghi rhie okpa vbe uwu ivbi ẹgbẹe ọba, ọ keghi gu ẹe rhie obọ ye ebe wẹ ne ọ gha ga gie irẹn vbe ekhọe esi. Ọ keghi viọ emwa kpataki ye iyoha.

Iyẹn ne ọ Maan Ọghe Jọn 13:18

“Ẹ i re uwa hia I kha. Mẹ rẹn iran ne I mẹ hannọ zẹ. sokpan ẹ i mwẹ ne ẹmwẹ ne ebe ne ọ huanrẹn khare ghẹ sẹ wẹ, ‘Ọmwa ne ọ re vbe evbare mwẹ mu aro igbinna da mwẹ.’