Jerimaia 4:7 - Edo Bible (E Baibol Ẹdo) Version 1996

⁷ Zẹvbe oduma ne ọ ke ehe ne ọ lẹre yi dee. Onii ne ọ rẹnkhẹn ẹvbo ua la odẹ nẹ. Ọ dee do rẹnkhẹn e Juda. Te a ra ye avbe ẹvbo ni rre Juda khian itowa ọmwa ne ọ gha yin ẹnrẹn i ghi rrọọ.

Jerimaia 4:7 Iomraidhean Croise

II Ọba 24:1

Ẹghẹ ne Jehoiakim na gha re ọha, e Nebukiadneza ne ọba e Babilọn keghi mu okuo gha die Juda. E Jehoiakim keghi ya ukpo eha gha ga gie ẹe, vbe iyeke ọnii, ọ keghi sọtẹ.

II Ọba 25:1

E Zedekaia keghi sọtẹ e Nebukiadneza ne ọba e Babilọn, ẹre Nebukiadneza ne ọba e Babilọn, na viọ ivbiyokuo ẹre hia gha de, ọ mu okuo la e Jerusalẹm vbe ikpẹdẹ ne ogigbe ọghe uki ne ogigbe vbe ọ rre ukpo ne ogihinrin ne Zedekaia rriọba. Iran keghi bu agọ ye vbe a ma he sẹ ore ẹvbo nii fo, iran gbe odin lẹga ẹre.

Aizaia 1:7

Iran rẹnkhẹn ẹvbo uwa a, a vbe giẹẹn avbe okpẹvbo uwa sotọ. Vbe sirra uwa avbe orhunmwuyẹn mu uwa otọ, iran keghi vbe rhia emwi hia a.

Aizaia 5:9

I họn ẹn vbe Nọyaẹnmwa ne Oghodua khare wẹẹ, “Avbe owa nekhua ne mose mose na, gha rẹnkhẹn uan.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Jerimaia 2:15

Iran vannọ mu ẹẹn zẹ vbe oduma, iran ya otọe ẹre khian ato, avbe okpẹvbo ni rrọ khian itowa ne emwa na lẹ kpao fẹẹrẹ.

Jerimaia 22:6

Te ẹguae ọba e Juda ye mose mose vbe aro mwẹ, zẹ vbene iran ye ighe otọe Giliad kevbe avbe Oke Lebanọn, sokpan, I gha ya ẹe khian otọe ne ọ dihoi rua, ehe ne ọmwarhọkpa i ye.

Jerimaia 22:7

I gie emwa de do fuẹn ọnrẹn uan, iran hia gha viọ ughanmwa iran mwẹ obọ gha dee, iran ghi tọnnọ orre isida ẹre ne mose mose gbe otọ, iran ghi silo iran ku erhẹn.

Jerimaia 25:38

E Nọyaẹnmwa hee emwa rẹn yotọ nẹ zẹ vbe oduma ne ọ kpao vbe uvun okuta ẹre rre. Orrirri okuo kevbe ohu ọbanabe ọghe Nọyaẹnmwa ya ẹvbo nii, khian ato.”

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 26:9

Vbọzẹ ne u na ye eni e Nọyaẹnmwa tae wẹ Ọgua Osa na gha ye vbe Siailo, kevbe wẹ a gha fuẹn ẹvbo na an, ọmwa rhọkpa i ra vbe gha rrọọ?” Emwa na keghi ma rhu mwẹ.

Jerimaia 27:8

“Sokpan, a deghẹ a miẹn ẹvbo ra arriọba ne ọ wẹ rẹn i ga gie ẹe, I gha ye okuo rri uhunmwu ẹvbo ni oya, kevbe ohanmwẹ kevbe emianmwẹ rhinrin a te do miẹn wẹ, I wa rhie ẹghẹ ne Nebukiadneza ya fuẹn ọnrẹn uan fẹẹrẹ.

Jerimaia 33:10

E Nọyaẹnmwa keghi kha wẹẹ, “Emwa ta ẹe khian wẹ, te emwana ye vbe ato, kevbe wẹ emwa nagbọn ra aranmwẹ oha i rrọọ. Ẹmwata ọre iran tae, avbe okpẹvbo ni rre Juda, kevbe idunmwu ni rre Jerusalẹm, ehia divbiẹ, emwa nagbọn i rre evba, aranmwẹ i rrọọ sokpan, wa gha dọlegbe họn.

Jerimaia 34:22

I gha tae, iran ghi werriegbe gha di ẹvbo na. Iran ghi dekun ẹnrẹn, iran ghi khọn mu ẹẹn, iran ghi giẹn ọnrẹn sotọ. I gha ye avbe ore nọkhua ni rre Juda khian emwi ne ọ ye vbe ato, ehe ne ọmwarhọkpa i ye. Mẹ ne Nọyaẹnmwa taa ẹe nẹ.”

Jerimaia 4:29

A ghẹ ghi họn owogho avbe iran ni hin ẹsin ke ni viọ uhanbọ mwẹ dọmwadẹ ọghọe gha lẹ fua. Eso gha lẹ la uwu ẹgbo, eso gha lẹ mu uhunmwu okuta nekhua hin, a gha sẹ dọmwadẹ ẹvbo rae vbe ihoi, a i ghi miẹn ọmwa ne ọ gha diẹe ya ọvbehe.

Jerimaia 44:2

E Nọyaẹnmwa ne Oghodua ne Osanobua Izrẹl wẹẹ, “Aro uwa tobọ uwa sẹ ọyanroua ne I ru e Jerusalẹm re, kevbe avbe okpẹvbo ọvbehe ni rre Juda. ye do sẹ wanwanna, itowa ọ re ehia ye khin, ọmwa rhọkpa i vbe rrọọ.

Jerimaia 46:18

Mẹ ne Nọyaẹnmwa ne Oghodua ọrọre ọba. Mẹ ọrọre Osanobua ne ọ rrọọ, zẹ vbene oke Tabọ ghe avbe oke hia ginna otọ, vbene Oke Kamẹl yo gberra uhunmwu okun, erriọ ọ re ẹtin ẹnrẹn khian gha ye ighe ọmwa ne ọ do gu uwa gbinna.

Jerimaia 49:19

Zẹ vbe oduma ne ọ ke uwa ẹgbo Ẹzẹ Jọdan ladian la uwu oha ne aranmwẹ na rria ne ọ bii nunuunu, I gha rre ne ivbi Idọm ye ugbugbe lẹ hin ẹvbo iran rre. Ẹghẹ nii, ọkaolotu ne imẹ zẹe ghi ghi do gha khaemwisẹ yan avbe uhunmwu ẹvbo. De ọmwa ne a gha ya gie mwẹ yi? De ọmwa ne ohan gha gie ẹe si mwẹ evẹn? De ogie ne ohan gha gie ẹe gbe odan ghe mwẹ?

Jerimaia 5:6

Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Jerimaia 50:44

“Mẹ ne Nọyaẹnmwa gha ke uwu ẹgbo ladian zẹvbe oduma, vbe ẹkpo e Jọdan kevbe otọe ne avbe aranmwẹ na rria, I ghi ru ẹe ne ivbi e Jọdan ya ugbugbe lẹ hin ẹvbo iran rre, ẹghẹ nii, ọkaolotu ne I zẹe, gha kha yan otọe nii. De ọmwa ne uwa ra ya gie mwẹ yi? De ọmwa ne ohan gha gie ẹe gunmwẹ suan yi?

Jerimaia 8:16

Avbe eghian ima sẹẹ ore Dan nẹ, ma họn vbe ẹsin iran hiọnrọn. Ẹvbo ni hia ọ re ọ mu rueghe vbe ẹsin iran a tu. Eghian ima rre nẹ, ne iran do rhia otọ ima kevbe emwi ni rrọọ hia a, ore ẹvbo mwa kevbe emwa ni rrọọ.”

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Ezikiẹl 12:20

Avbe ore ẹvbo ni te vuọn ne ẹvbo nian, a gha dunmwu ehia a, a ghi ya ẹvbo nii khian otọe ẹgbo. Ẹghẹ nii ọ re iran gha na rẹn ighe mẹ ọrọre Nọyaẹnmwa.”

Ezikiẹl 21:31

Wa gha họn obọ ohu mwẹ vbe egbe vbe ẹghẹ ne I gha na rhurhẹ ọe yan uwa zẹ vbe erhẹn ne ọ baa gidigidi. I ghi viọ uwa yan emwa dan obọ, emwa ni fuẹro emwi ne a mu rhia.

Ezikiẹl 32:2

“Ovbi ọmwa, hẹko tama ọba Igipt yotọ, ta uhunmwu ne I gie ma rẹn wẹẹ: U gha ru vbe ne oduma ru emwi vbe uwu ẹbu agbọn ẹvbo, sokpan, emwi ne u khọ sẹ ọrọre agbaka ne ọ vin lele uwu amẹ khian. U ya owẹ ruẹ tughu amẹ, u keghi gie ẹzẹ ni gbiruẹn.

Daniẹl 5:19

Ọ kpọlọ sẹ vberriọ wẹ emwa ẹvbo hia, emwa ughughan hia kevbe ẹvbo ne a zẹ hia, kegha muohan rẹn, iran kegha guọ ne ẹẹn. Ọ gha wẹ rẹn gha gbe ọmwa, ọ ghi gbe ẹe, ọ gha wẹ rẹn gha fan ọmwa, ọ ghi fan ẹẹn. Rẹn ọ re ọ mu ọghọ ye ọmwa egbe, rẹn ọ re ọ vbe fa ọmwa an vbene ọ khọn rẹn.

Daniẹl 7:4

Nokaro vbọ keghi yevbe oduma sokpan, ọ keghi mwẹ ifuẹn zẹvbe oghohọn. Ẹghẹ ne I na wa gha ghe ẹre nii, iran keghi yannọ ẹre ifuẹn kua. A keghi tọn aranmwẹ ni mu, a na mu ẹẹn mudia zẹvbe ọmwa. A keghi vbe rhie ekhọe ọmwa nagbọn ne ẹẹn.

Levitikọs 26:31

I gha ya ẹvbo uwa hia khian ni rẹnkhẹn uan, I gha guọghọ ehe ne uwa na ga. I ghi vbe he ese ne uwa zọre.

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.