Jerimaia 4:3 - Edo Bible (E Baibol Ẹdo) Version 1996

³ E Nọyaẹnmwa tama ivbi Juda kevbe Jerusalẹm wẹẹ, “Wa gua otọ ne uwa ma he te gua, wa ghẹ kọ emwi ye uwu igban.

Jerimaia 4:3 Iomraidhean Croise

Gẹnẹsis 3:18

Ogigban ke irunmwu ọre ọ gha zọ ladian nuẹn, u ghi vbe gha rri erhan noha.

Ẹksọdọs 23:11

Sokpan vbe ukpo ne ogihinrọn, wa ghi gie ẹe hẹwẹ, wa ghẹ rhọ emwiokọ ne ọ mọ vbọ. Ivbiogue nii rre uwu uwa sẹtin ya rri emwi ne ọ mọ vbọ, aranmwẹ oha ghi rri enọdekẹe. Erriọ wa gha vbe gha ru ugbo emwiokọ kevbe ọghe oha uwa.

Hozia 10:12

Mẹ keghi kha wẹẹ, ‘Ya gua ehe ne ọ maa ọghe obọ ruẹ, kọ emwiokọ uhunmwu ẹmwẹ ne u vbe rhọ afiangbe ne ọ gha ladian vbe ekhọe esi ne u ya ga mwẹ. Ẹghẹ sẹe nẹ ne u ya bu mwẹ gha dee, mẹ ne Nọyaẹnmwa ruẹn, mẹ gha rre I ghi vbe do rhọ afiangbe yan ruẹn.’

Matiu 13:22

Emwiokọ ni kharha ye uwu igban keghi re iran ni họn ne ne ẹmwẹ, iran keghi vbe rhie ẹre. Sokpan orhikhan agbọn kevbe ẹmwẹ ẹfe keghi khuakhua ẹe gbua, ọ ma gie ẹe mọ.

Matiu 13:7

Eso kevbe kharha ye uwu igban. Ugbẹn vbe ọ ghi zọọ, igban keghi khuakhua gbua.

Iyẹn ne ọ Maan Ọghe Mak 4:7

Eso vbe emwiokọ ni na kharha ku uwu igban. Igban keghi khuakhua enii gbua, iran ma sẹtin mọ.

Iyẹn ne ọ Maan Ọghe Luk 8:14

Emwiokọ ni dele ye uwu igban mudia ye ihe iran ni họn ẹn sokpan orueghe, ẹfe kevbe orhiẹnrhiẹn agbọn keghi siẹn yan rẹn, iran keghi yẹn ọnrẹn gbua, ọ ma ghi hin obọ arowa.

Iyẹn ne ọ Maan Ọghe Luk 8:7

Eso dele ye uwu ogigban, iran vbe emwiokọ ghi gba wan, igban keghi khuakhua ẹe gbua.