Jerimaia 4:22 - Edo Bible (E Baibol Ẹdo) Version 1996

²² E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 4:22 Iomraidhean Croise

Gẹnẹsis 39:16

Okhuo nii keghi da ukpọn nii yi rhinrin arowa ẹre e Josẹf te do sẹ owa.

II Samuẹl 13:3

Sokpan, rẹn kegha mwẹ ọse ọkpa ne a tie ẹre Jonadab, ovbi ọtẹn Devid nokpia ne a tie ẹre Siama, ọ kegha re ọmwa ne ọ wan ẹwaẹn egui.

Psalm 36:3

Ẹmwẹ dan ọ re ọ ke unu ẹnrẹn rre, ohoghe ọ re ehia vbe khin. Ẹi ghi ru emwi ẹwaẹn ra ne ọ maa.

Psalm 36:4

Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

Psalm 53:4

Osanobua keghi nọọn wẹẹ, “Iran ma rẹn ra? Iran ni ru emwi dan na ma rẹn ne a ye ra? Emwi ne iran do emwa mwẹ re hẹ ọ re iran ya koko egbe, iran i vbe na erhunmwu ghe mwẹ.”

Psalm 82:5

“Wa ma rẹn emwi rhọkpa hiehiere! A miẹn vbe uwa kọn hẹ! Te uwa wa kẹkẹ ua, a vbe ho ohiẹn ẹmwata bẹkun nẹ vbe agbọn.

Itan 28:5

Emwa dan ma rẹn emwi ne a ya ohiẹn ẹmwata kha, sokpan, iran ni ga e Nọyaẹnmwa, rẹn ọnrẹn ẹsẹse.

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 13:23

Ọmwa nekhui gha sẹtin fi ikpakpa egbe ẹre werriẹ ra, ra ne ogioha khiẹn ekẹnnẹkẹnnẹ ne ọ rre egbe ẹre kua. Adeghẹ iran gha sẹtin, ẹghẹ nii ọ re uwa ne ọ ma rẹn vbe a ru emwi ọvbehe hẹ gberra orukhọ, gha na vbe sẹtin ruẹ vbene a ru emwi ne ọ kere hẹ.

Jerimaia 2:8

Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.

Jerimaia 4:21

Inu ẹghẹ I ra ghe okuo ne ọ khọn ni la vbotọ ne I vbe gha họn ulamwẹ okpe?

Jerimaia 5:21

Wa danmwehọ wa ne akpa vbe abobo, ni mwẹ aro, sokpan iran i ya ẹe bẹghe, ni mwẹ ehọ sokpan iran i ya ẹe họn ẹmwẹ.

Jerimaia 5:4

Ẹghẹ nii ọ re I na kha wẹẹ, “Avbe ivbiogue ni ma rẹn enaye ọ re ena khin. Emwi ukọnmwẹ ọ re iran wa ru, iran ma rẹn emwi ne ọ yẹ Osanobua iran, emwi ne Nọyaẹnmwa ho ne iran ru.

Jerimaia 9:2

Akpawẹ I gha miẹn ehe dia vbe ato nian ne I miẹn ehe na kpao hin ehe ne emwa mwẹ ye rre. Iran rhọkpa i gia mu ẹtin yan ẹbu dan ni ya ọmwa ma iran khin.

Jerimaia 9:3

Iran wa mu egbe ye ohoghe ne a ta vbe ẹghẹ hia a i ta ẹmwata rhie ihe ẹmwata gha khaemwisẹ vbe otọe nii. E Nọyaẹnmwa khare wẹẹ, “Emwa mwẹ wa ru ọkhọ yan ọkhọ iran ma rhan obọ miẹn mwẹ zẹ vbe Osanobua iran.”

Jerimaia 9:5

Dọmwadẹ ọghọe bibi ọsiọre odẹ a i ghi miẹn ne ọ ta ẹmwata iran ma aranmwẹ iran ohoghe ne a ta iran i vbe dobọ orukhọ ne a ru yi. Iran ru emwi ọkhọ okpa yan ọvbehe iwinna erẹrẹ okpa ghi lele ọvbehe e Nọyaẹnmwa tae i ghẹ emwa irẹn hee irẹn yotọ nẹ.

Ezikiẹl 16:30

Vbenian ọ re Nọyaẹnmwa ne Udazi ghi kha nian: “Te uwa ru avbe emwi na hia zẹ vbe igberagia ne okhuo ekhue i mu awa.

Hozia 4:1

E Nọyaẹnmwa mwẹ ẹzọ ne ọ gu emwa ni rre otọe na gui. Izrẹl, danmwehọ vbe ne ọ kha hẹ, “Uyinmwẹ esi ra aho ẹmwẹ ọmwa i zẹdẹ rre otọe nii, avbe emwa nii, ma vbe tie mwẹ Osanobua.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Hozia 5:4

Emwi dan ne emwa ni ru ma ghi gie iran dọlegbe bu Osanobua iran gha dee. Ẹbọ ne a gho la iran uhunmwu nẹ, iran ma ghi vbe kha ighe iran rẹn e Nọyaẹnmwa.

Emọs 3:10

E Nọyaẹnmwa khare wẹẹ, “Emwi ne emwa na ya okuo igbe kevbe imu viọ, ọ re iran viọ vuọn owa iran ne mose mose. Iran ma kue rẹn vbene a ru emwi uhẹn hẹ.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

Iyẹn ne ọ Maan Ọghe Jọn 16:3

Iran gha ru uwa avbe emwi na hia rhunmwuda iran ma he rẹn Erha mwẹ, iran ma vbe rẹn mwẹ.

Ebe ne Pọl gbẹẹn gie emwa Rom 1:22

Iran khare ighẹ iran waan, sokpan akpa iran wa khin.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ebe ne Pọl gbẹẹn gie emwa Rom 16:19

Agbọn hia họn ẹn vbene uwa rhie egbe ye ẹmwẹ iyẹn ne ọ maa hẹ, rhunmwuda ọna, ọyẹnmwẹ uwa keghi sẹ mwẹ. I ho ne uwa gha re ni wan vbe uwu emwi ni maa sokpan ne ọ ma rẹn ne a ye vbe emwi dan.

Ebe ne Pọl gbẹẹn gie emwa Rom 3:11

orhiọnkpa ne ọ la ẹre ekhọe ẹ i rrọọ ra ne ọ gualọ Osanobua.

I Kọrinti 14:20

Wa ghẹ gha yevbe ibiẹka vbe emwi ne uwa ro etẹn mwẹ, wa gha re ibiẹka vbe emwi dan ne a ru sokpan eniwanrẹn vbe iro ne a roro.

Diuteronomi 32:28

“Ẹvbo akpa ọ re Izrẹl khin, iran i mwẹ ẹwaẹn hiehiere.

Diuteronomi 32:6

Erriọ ọ re uwa ra ru e Nọyaẹnmwa ra, wa ne akpa ne ẹ i mwẹ ẹwaẹn? Rẹn ọrọre erha uwa, ọmwa ne ọ yi uwa, rẹn ọ re ọ ya uwa khian okpẹvbo.