Jerimaia 4:20 - Edo Bible (E Baibol Ẹdo) Version 1996

²⁰ Ọfuan okpa lele ọvbehe itowa ọre ẹvbo nii hia ghi khin. Iran dunmwu agọ ima hia vbe udomwurri iran yanghan ukpọn onurho ni rrọ ua.

Jerimaia 4:20 Iomraidhean Croise

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Ẹksọdọs 33:5

E Nọyaẹnmwa keghi tama e Mosis wẹẹ, “Tama emwa nii wẹ emwa ni zevbudu wa khin, I gha wẹ ne 1 lele uwa khian la ovbi ẹghẹ kherhe, I gha fuẹn uwa a fẹẹrẹ. Banbanna nian, wa viọ ikpẹrọnmwọ itegbe uwa hin rre ne I miẹn ehe na rẹn emwi ne I gha ru.”

Aizaia 13:6

Wa gha tulo utumwẹ obalọ. Ẹdẹ e Nọyaẹnmwa sẹ otọ fo, ẹdẹ ne Oghodua ra mu ọfuan rre.

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Aizaia 33:20

Wa ghe Zaiọn ne ẹvbo ne ima na ru emwiukpo ugamwẹ mwa hia. Wa ghe Jerusalẹm. Ehe ne a dia ne ẹkun na sẹ ọmwa otọ ne a ya gie ẹre i rrọọ. Te ọ ra yevbe owa ukpọn ne ai si yo si rre, ne a i vbe vbọlọ ukeke ne a ya kan ẹnrẹn, kevbe ne irri ẹre i fian.

Aizaia 47:9

Sokpan, vbe ifuanro ọkpa kẹkan, vbe ẹdẹ ọkpa kẹkan, emwi eveva na gha sunu. Egbe ne a rhe ya miẹn ighẹ, u silo ẹbọ ga egbe hia ọdafọn kevbe avbe ivbuẹ gha wulo uẹ.

Aizaia 54:2

Gie owa ukpọn ne u ye kpọlọ sẹ ayọ, fian te avbe irri ẹre, vbe kan avbe ukeke ẹre ẹse.

Jerimaia 12:11

Iran ya ẹe khian otọe ne ọ gbe ẹvbi ọ wa dihoi rua ye odaro mwẹ, otọe ni hia wa khian ato, a ma vbe miẹn ọmwa ne ọ zẹ yọ.

Jerimaia 17:18

Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Jerimaia 4:21

Inu ẹghẹ I ra ghe okuo ne ọ khọn ni la vbotọ ne I vbe gha họn ulamwẹ okpe?

Jerimaia 4:27

(E Nọyaẹnmwa tae nẹ, wẹ otọ agbọn hia gha khian ne ọ rhia ẹe, sokpan wẹ rẹn i ra fuẹn ọnrẹn uan fẹẹrẹ.)

Jerimaia 4:6

Wa ma iran odẹ Zaiọn! Wa lẹ ne uwa fe vbe ẹbe. Wa ghẹ rhọ eghẹrẹ! E Nọyaẹnmwa mu ọfuan kevbe omurhia nọkhua ke odẹ okuọ dee.

Jerimaia 9:18

Emwa nii keghi kha wẹẹ, “Wa tama iran ne iran zẹgiẹgiẹ, ne iran so ihuan irorinmwi ne ima, rhinrin aro mwa te vuọn ne ameve ne ifuẹn aro mwẹ gbọfọ rhunmwuda eve.”

Eve Orriara 3:47

Ma vba ẹbe kevbe ọrhiae vbe egbe; uwu ẹbe kevbe ohan ọ re ima wa ye.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Joẹl 1:15

Ẹdẹ e Nọyaẹnmwa bu otọe nẹ ẹdẹ ne Oghodua, gha na gie ọfuan rre. Wẹ miẹn ohan ne ọ gha rre ẹdẹ ne ẹdẹrriọ!

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:21

“A deghẹ te uwa ye gha ze vbudu khian vbene uwa i na họn ẹmwẹ mwẹ, I gha dọlegbe fian ba oya ne I gha rri uwa ẹre ukhukhu ihinrọn.

Levitikọs 26:24

Ẹghẹ nii, I ghi werriẹ aro da uwa, I gha rri uwa oya ukhukhu ihinrọn sẹ ayọ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Habakọk 3:7

I miẹn vbe ohan mu ivbi e Kusian avbe ivbi e Midian gha guọ.

Nọmbas 16:21

“Gban egbe ghe iyeke hin ehe ne iran na ye rre, ne I wa fuẹn iran uan banbanna.”

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

II Tẹsalonaika 1:9

Oya ne iran ra re ọrọre ọfuan etẹbitẹ, a ghi wannọ iran fua hin ehe ne Nọyaẹnmwa ye rre, kevbe hin ehe ne ẹtin uyi ẹre ye rre.