Jerimaia 4:19 - Edo Bible (E Baibol Ẹdo) Version 1996

¹⁹ Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 4:19 Iomraidhean Croise

Gẹnẹsis 49:6

Mẹ i ra mwẹ obọ vbe uma ẹkhokho iran mẹ i ra yo iko ne iran ko rhunmwuda, iran gbele emwa vbe ohu mu iran, iran keghi kun avbe ẹkhuia ẹmila use ya gha gbogiẹ.

II Ọba 4:19

Vbe udomwurri, ọ keghi wa tu bu erha ẹe gha dee wẹẹ, “Uhunmwu kpe mwẹ! Uhunmwu kpe mwẹ.” Erha ẹe keghi tama ọguọmwadia ọkpa wẹẹ, “Mu ọvbokhan na bu iye ẹe.”

II Ọba 8:11

Elaisia keghi ziẹn aro ye ọre egbe vbe ọmwa ne ohan rẹn wa kakabọ mu ọmwa, sẹrriọ ne Hazaẹl ghi na runran. Vbe udomwurri. Elaisia keghi wa gha viẹ.

Psalm 103:1

Rho e Nọyaẹnmwa, wẹ ekhọe mwẹ! emwi hia ni rre uwu imẹ, wa rho eni ẹnrẹn ne ọ huanrẹn!

Psalm 116:7

Ghẹ ghi fian afianma, wẹ ekhọe mwẹ, rhunmwuda, e Nọyaẹnmwa ru mwẹ ẹse nẹ.

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Psalm 119:53

I gha bẹghe avbe emwa dan vbe iran rra uhi ruẹ ohu ghi gha mu mwẹ sọsọsọ.

Psalm 146:1

Rho e Nọyaẹnmwa! Rho e Nọyaẹnmwa wẹ ekhọe mwẹ!

Psalm 16:2

Mẹ tama Nọyaẹnmwa wẹẹ, “wẹ ọrọre Nọyaẹnmwa, ehe ne u ye, ọre ọma ne I mwẹ hia ke rre.”

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Aizaia 16:11

I ya akhiẹ viẹ eve orriara ne Moab, kevbe eve oya ne Kẹ Hẹrẹs.

Aizaia 21:3

Emwi ne I họẹn kevbe ne I miẹn vbe umian nii, sii ohan kevbe obalọ yọmwẹ egbe, obalọ ne ọ yevbe ọghe okhuo ne emwi ubiẹmwẹ ru.

Aizaia 21:4

Aro wa lẹga mwẹ, te I ghi guọ zẹzẹzẹ rhunmwuda ohan. Te I ghi khẹ wẹ ne ẹdẹ mu sokpan, ọnii ma vbe rhie emwi rhọkpa gunmwuẹ gberra ohan.

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Jerimaia 20:9

Sokpan, I gha kha wẹẹ, “I gha mianmian e Nọyaẹnmwa, I i ghi vbe dọlegbe guan vbe eni ẹnrẹn.” Ẹghẹ nii, uhunmwu ne u gie ghi yevbe erhẹn ne ọ giẹn vbe uwu imẹ I ghi gha hia ne I yẹn ọnrẹn muotọ, sokpan I i ghi sẹtin rhie ẹre lẹre.

Jerimaia 23:9

A guọghọ mwẹ udu, te I ghi guọ zighazigha. Rhunmwuda e Nọyaẹnmwa, rhunmwuda ẹmwẹ ọnrẹn nọhuanrẹn I ye vbe ọmwa ne ọ da ayọn gbe egbe. Ọmwa ne ọ da ayọn ne ọ bun gbe.

Jerimaia 4:21

Inu ẹghẹ I ra ghe okuo ne ọ khọn ni la vbotọ ne I vbe gha họn ulamwẹ okpe?

Jerimaia 4:5

Wa si orhu la otọe nii hia! Wa kporhu ne ọ la ke ne ọ gia họn! Wa tama ivbi e Juda kevbe ivbi e Jerusalẹm ne iran lẹ gha rrie ẹvbo ne a gbe odin gaa.

Jerimaia 49:2

“Sokpan, ẹghẹ dee ne I gha na gie iran ni rre Raba ne igiogbẹ họn ẹmwẹ okuo, a ghi ya ehia khian itowa, a ghi vbe giẹn avbe igue ẹre hia sotọ. Izrẹl ghi mu otọ ẹre werriegbe vbe obọ iran ni te miẹn ẹre re.

Jerimaia 50:22

A họn urhu igbinna okuo vbe otọe nii, ọfuan nọkhua vbe rrọọ.

Jerimaia 6:24

Ivbi e Jerusalẹm keghi kha wẹẹ, “Ma họn ẹmwẹ na nẹ, obọ mwa keghi luẹluẹ ye ima egbe, akhiẹ kevbe obalọ hihiẹ yan mwa, zẹvbe okhuo ne emwi ubi-ẹmwẹ ru.

Jerimaia 8:18

Akhiẹ mwẹ i mwẹ ukhunmwu I khuọnmwi emianmwẹ udu.

Jerimaia 8:21

A guọghọ mwẹ ogiudu ua rhunmwuda a guọghọ emwa mwẹ uan te I ghi khiẹ, ehia yan mwẹ unu uan.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Eve Orriara 1:16

“Ọna ọ sii ẹe ne aro mwẹ na rhọ ameve. A i miẹn ọmwa ne ọ gha sẹtin bọ mwẹ; ọmwa ne ọ gha sẹtin rhie ẹtin yọmwẹ iwu i rrọọ. Obọ avbe eghian gba mwẹ nẹ, emwa mwẹ i ghi mwẹ emwirhọkpa.

Eve Orriara 1:20

“E Nọyaẹnmwa, ghe obalọ ne I ye, ghe obalọ ekhọe mwẹ, ẹkoko udu mwẹ vua ba akhiẹ, ne I khiẹ ye orukhọ. Iran wa do izigha vbe adesẹ ore ẹvbo, a gha sẹ uwu owa, uwu vbe rre evba.

Eve Orriara 2:11

Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 7:15

Ohan umian ne I miẹn keghi wa mu mwẹ, ọ keghi vbe mu mwẹ orhiọn rueghe ẹsẹse.

Daniẹl 7:28

Ọna ọrọre ufomwẹ emwi ne I gbẹnnẹ yotọ. Ohan mu mwẹ sẹrriọ wẹ, I na wa luẹluẹ, I ma vbe tama ọmwarhọkpa.

Daniẹl 8:27

Egbe hia keghi guọghọ mwẹ yotọ, I na ya ikpẹdẹ ihinrọn khuọnmwi. Ẹre I na kpaegbe, I na gha rrie ehe ne iwinna ne ọba mu mẹ ye. Sokpan, umian nii sunsun yọmwẹ aro, I ma vbe rẹn emwi ne a yae kha.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Nọmbas 10:9

Wa gha khọn vbe otọ uwa, ọnii nọ we vbe uwa a gha gu emwa ni mu okuo gie uwa khọn, wa ghi ye avbe okpe na kpe okpe orhu okuo Mẹ ne Nọyaẹnmwa Osanobua rua gha yi uwa obọ, I ghi miẹn uwa fan vbe obọ eghian uwa.

Ebe ne Pọl gbẹẹn gie emwa Rom 10:1

Etẹn mwẹ, ekhọekekhọe ọre I ya tae wẹ, vbe ọ rrọọ nian akpawẹ te a miẹn emwa fan! Erhunmwu ọre I na ghe Osanobua ne iran.

I Kọrinti 14:8

Adeghẹ ọmwa ne ọ si orhu ma si ẹe ẹse de ọmwa ne ọ gha mu egbe okuo?

Galatia 4:19

Ivbi mwẹ ni ghan! Te emwi ubiẹmwẹ uwa ghi vbe ru mwẹ zẹ vbe okhuo ne ọ ra biẹ, rhinrin a te do miẹn wẹ ama emwi ne Kristi khin rhie egbe maa vbe uwu uwa.

Giọgis 5:21

Orogho Kisiọn kpolo iran gha rrie. E Kisiọn ne ẹzẹ ogbigbi I gha gbe ukpukpẹ, I gha ye ẹtin gbe ukpukpẹ!