Jerimaia 4:13 - Edo Bible (E Baibol Ẹdo) Version 1996

¹³ Ghe vbe eghian nii wa dee zẹ vbe ubimwẹ amẹ. Avbe ikẹkẹ okuo ẹre yevbe ẹhoho ẹziza, okhian kẹ avbe ẹsin okuo ẹre sẹ oghohọn. Ma wiri, ọghe ima fo.

Jerimaia 4:13 Iomraidhean Croise

II Samuẹl 1:23

“E Sọl kevbe Jonatan, ọsughe kevbe eghẹnghẹn ọ re iran te khin, kevbe ẹfe kevbe uwu, te iran sikan mu egbe, okhian kẹ iran sẹ oghohọn, iran wegbe sẹ oduma.

Aizaia 13:5

Ẹvbo ne ọ rrei ẹsẹse vbe odẹ ehe ne agbọn sẹe ọ re iran ke dee. Vbe uwu ohu ẹre, e Nọyaẹnmwa dee do duẹ ẹvbo nii hia a.

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Aizaia 3:8

Erriọ nọ, ọ ghe Jerusalẹm fo nẹ! E Juda ra de rẹnkhẹn uan. Emwi ne iran ta, ke ne iran ru hia, wa gbodan ghe Nọyaẹnmwa, te iran wa sirra emwa hia kpa unu ghe Osanobua tobọ ọre.

Aizaia 5:28

Ifẹnmwẹ iran mu, uhanbọ iran vbe mu egbe ne ọ gha ya fi ifẹnmwẹ. Ibata ẹsin iran wegbe vba ematọn, owẹ ikẹkẹ okuo iran keghi vbe fi lẹga zẹ vbe ẹhoho ẹziza.

Aizaia 66:15

E Nọyaẹnmwa gha rre, ke irẹn ke erhẹn. Ifuẹn okpẹhoho ọ re ọ ra hin gha dee do rri iran ne ohu ẹre mu ẹẹn oya.

Jerimaia 10:19

Ivbi e Jerusalẹm keghi datu wẹẹ, “A kuan mwa, obọ da mwa ẹsẹse! Ẹwẹn ima i ra rrie! Ma te gha ro ighe emwi ne egbe mwa gha rrọ ọ re ọna khin.

Jerimaia 4:12

Ẹhoho ne Nọyaẹnmwa ra gie rre gha wegbe sẹ ọnii ẹsẹse! E Nọyaẹnmwa tobọ ẹre ọ re ọ bu ohiẹn emwa rẹn.

Jerimaia 4:31

I họn urhu eve ọkpa, ọ yevbe ọghe okhuo, ne emwi ubiẹmwẹ ru, vbe ọ khian biẹ ọmọ okaro. Utumwẹ e Jerusalẹm nọ, ọ gha hẹwẹ ukuke, o nien obọ ladian gha kha wee, “I wiri! Iran ra do gbe mwẹ uan.”

Jerimaia 46:18

Mẹ ne Nọyaẹnmwa ne Oghodua ọrọre ọba. Mẹ ọrọre Osanobua ne ọ rrọọ, zẹ vbene oke Tabọ ghe avbe oke hia ginna otọ, vbene Oke Kamẹl yo gberra uhunmwu okun, erriọ ọ re ẹtin ẹnrẹn khian gha ye ighe ọmwa ne ọ do gu uwa gbinna.

Jerimaia 48:40

E Nọyaẹnmwa tae nẹ wẹ ẹvbo ọkpa gha do hẹ rhu e Moab zẹ vbe oghohọn ne ọ rhan ifuẹn uan.

Jerimaia 49:22

Avbe eghian gha hẹrhu e Bozra zẹ vbe oghohọn ne ọ vin ghe otọ kẹe ke ifuẹn ne a rhanrẹn vbe ẹdẹ ne ẹdẹrriọ, ivbiyokuo Idọm ghi gha guọ zẹzẹzẹ zẹvbe okhuo ne emwi ubiẹmwẹ ru.”

Jerimaia 6:23

Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Jerimaia 9:19

Wa danmwehọ urhu eve vbe Zaiọn, “Ọghe ima fo nẹ! A fa ima an fẹẹrẹ. Te ima gha kpa vbe otọe mwa, I iran guọghọ ima owa a nẹ.”

Eve Orriara 4:19

Iran vin zẹ mwa khu okhian kẹ iran sẹẹ oghohọn ne ọ ke iso rre. Iran zọọ owẹ mwa ya sẹ uhunmwu oke; obọ iran vba mwa vbe a ma ro a ma kọ vbe ato.

Ezikiẹl 26:10

Ebubẹ ne ẹsin ne iran hin khian gbe, gha gue ruẹ muotọ. Owogho ẹsin iran ni si okotọ kevbe ikẹkẹ okuo khian gha mu ekẹn ẹvbo ruẹ rueghe vbe iran a gha la onurho ẹvbo ne ọ rẹnkhuan nii gbe rra.

Ezikiẹl 38:9

Ke irẹn kevbe ivbiyokuo ẹre deba avbe uhunmwu ẹvbo nibun ni gue ẹe gha mu okuo yo zẹ vbe okpẹhoho, iran ghi vbe gue otọe ni muotọ zẹ vbe ubimwẹ amẹ.”

Daniẹl 11:40

“Ẹghẹ ne a rhie ne ọba e Siria ghẹ ghi gba zẹẹ, ọba Igipt ghi mu okuo gie ẹe, ọba e Siria ghi vbe ya ẹtin ẹnrẹn hia gu ẹe gbinna, ọ ghi lo avbe ikẹkẹ okuo, avbe ẹsin kevbe avbe okọ. Ọ gha mu igbinna yo agbọn ẹvbo nibun, zẹ vbene uromwẹ ẹzẹ ru.

Daniẹl 7:4

Nokaro vbọ keghi yevbe oduma sokpan, ọ keghi mwẹ ifuẹn zẹvbe oghohọn. Ẹghẹ ne I na wa gha ghe ẹre nii, iran keghi yannọ ẹre ifuẹn kua. A keghi tọn aranmwẹ ni mu, a na mu ẹẹn mudia zẹvbe ọmwa. A keghi vbe rhie ekhọe ọmwa nagbọn ne ẹẹn.

Hozia 8:1

E Nọyaẹnmwa khare wẹẹ, “Wa kpe orhu okuo! Avbe eghian wa hẹ bu otọe mwẹ dee zẹvbe avbe oghohọn. Avbe emwa mwẹ rra ile ne imẹ vbe iran gba ta nẹ, iran keghi vbe sọtẹ ghe emwi ne I ma iran re.

Maika 2:4

Ọ gha sẹ ẹghẹ nii, emwa ghi gha ya emwi ne ọ rruan uwa kpa itan zẹ vbe igiemwi ọkhọ, iran ghi vbe gha so ihuan iro na vbe ekpa emwi ne uwa miẹn: “A ya ima obọ sin otọ nẹ fẹẹrẹ! E Nọyaẹnmwa miẹn ima otọ nẹ, ọ keghi mu ne iran ni viọ ima oghunmwu.”

Nahum 1:3

Ohu i rherhe mu e Nọyaẹnmwa sokpan rẹn mwẹ ẹtin, ẹ i gie ọmwa ne ọ rria abe gha rrie vbe ne ọ ma na rri oya. Okpẹhoho guakpao, vbe ehe ne Nọyaẹnmwa khian la; okuku amẹ, ebubẹ ne owẹ ọre gbe nọ!

Habakọk 1:8

“Okhian kẹ avbe ẹsin iran sẹ atalakpa, iran vbe mu ohan sẹ avbe oduma ne ohanmwẹ gbe. Emwa ni hin ẹsin ọghe iran, ehe ne ọ rrei ọre iran kegha hin ẹsin gha dee, ẹsin ya owẹ guọghọ otọe hia. Iran ghi vin rre zẹ vbe oghohọn ne ọ ra gbe emwi.

Zẹkaraia 6:1

I keghi vbe miẹn umian ọvbehe. Vbe ọnọna, I keghi ya bẹghe ikẹkẹ okuo enẹ iran la ẹkpo oke oze eva dee.

Matiu 24:30

Ẹkpo ni ọre ama urremwẹ Ovbi Ọmwa gha na rhiegbe ma, vbe aro iso. Ẹghẹ ni, unu ne a zẹ hia ni rre otọ agbọn na, ghi gbe eve ua vbe iran a bẹghe vbe Ovbi Ọmwa a ya egbe ladian vbe odukhunmwu okuku ne ọ rre aro iso, ke irẹn kevbe ẹtin kevbe Uyi nọkhua.

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.