Jerimaia 4:10 - Edo Bible (E Baibol Ẹdo) Version 1996

¹⁰ Ẹghẹ nii ọ re imẹ na kha wẹẹ, “E Nọyaẹnmwa ne Udazi, uwa hiẹ ivbi e Jerusalẹm fẹẹrẹ. U te kha wẹ ọfumwegbe gha rrọọ, a rhie umozo yan iran ẹho.”

Jerimaia 4:10 Iomraidhean Croise

Ẹksọdọs 5:22

E Mosis keghi dọlegbe bu e Nọyaẹnmwa, ọ na kha wẹẹ, “Vbọzẹ ne u na ru avbe emwa na khọ? Vbọzẹ ne u na gie mwẹ?

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Aizaia 30:10

Iran ghi khama avbe akhasẹ wẹ ne iran gue unu. Iran ghi kha wẹẹ, “Ghẹ ta ẹmwẹ emwi ne ọ re nọgbae ma ima. Ta emwi ne ima ho ne ima họn ma ima, gie ima hẹko gha dada ebibi ekhọe mwa khian.

Aizaia 37:35

I gha gbinna ne ẹvbo na, I gha vbe degue ẹre, rhunmwuda uyi mwẹ kevbe rhunmwuda eyan ne I yan ma e Devid ne ọguọmwadia mwẹ.’ ”

Aizaia 63:17

Vbua ghi na gie ima bibi hin odẹ ruẹ rre hẹ yi? Vbua ghi na gie ima zevbudu sẹrriọ, ne ima ghi na fi iyeke gbe uwẹ? Werriegbe rre, rhunmwuda iran ni ga uwẹ, rhunmwuda iran ni wa re ọwuẹ, ke otọe gha dee.

Jerimaia 1:6

Mẹ keghi wanniẹn wẹẹ, “E Nọyaẹnmwa ne Udazi, I i guara guan, ọvbokhan I khin.”

Jerimaia 23:17

Iran ghi gha tama emwa ni ma zẹye ẹmwẹ ne I tama iran wẹ, agbọn gha wa ma iran. Iran ghi vbe gha tama ọmwa ne ọ zevbudu wẹ ọkhọ okpa i ra ya obọ kan rẹn.”

Jerimaia 32:17

“E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Jerimaia 4:18

E Juda, vbene u ya gha yin hẹ kevbe avbe emwi ne u gha ru ọ re u ya sii emwi na ye egbe ruẹ egbe. Orukhọ ruẹ ọ re ọ sii usẹ na rre. Ọ bi agbada ye uwẹ ogiudu nẹ nian.

Jerimaia 5:12

Emwa e Nọyaẹnmwa siẹn ọẹn, iran keghi kha wẹẹ, “Vbe ẹmwata, ẹ i ra ru emwi rhọkpa, ma i ra miẹn emwi ne ọ ba vbe aro, ma i ra miẹn okuo ra ukhunmwu.”

Jerimaia 6:14

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹ ehia wa maa, vberriọ emwi ne ọ maa rhọkpa i rrọọ.

Jerimaia 8:11

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹẹ, ‘Ehia wa maa vberriọ,’ emwi ne ọ maa rhọkpa irrọọ.

Eve Orriara 2:21

Ke ibiẹka kevbe eniwanrẹn, ehia wulo lele otọ vbe adesẹ ore ẹvbo. Avbe igbama kevbe ivbialeke ne umozo avbe eghian gbele ua. Ẹdẹ ne ohu mu uwẹ u keghi rẹnkhẹẹn iran an vbe ne a i na mwẹ itohan.

Ezikiẹl 11:13

Ehe ne I na wa guan ẹmwẹ akhasẹ nii, e Pelatia degbotọ, ọ keghi wa wu. I keghi de mu aro rhuotọ, I na datu wẹẹ, “Ẹ i re erriọ, e Nọyaẹnmwa ne Udazi, te u ra wa gbele emwa ni ghi kẹe vbe Izrẹl hia fo ra?”

Ebe ne Pọl gbẹẹn gie emwa Rom 1:24

Rhunmwuda ukọnmwẹ dan ne emwa ne agbọn kọẹn, Osanobua keghi he iran yọ ne iran gha yin uyinmwẹ ẹwia ni rre iran ekhọe, iran keghi vbe gu egbe iran yin uyinmwẹ emwi ekhue.

Ebe ne Pọl gbẹẹn gie emwa Rom 1:26

Rhunmwuda emwi ne emwa ne agbọn ru, Osanobua keghi he iran ye orriarria emwi ekhue iran. Uhin ighẹ te ikhuo ne a rẹngbe ghi fi ogamwẹ na ne a rhie ne iran werriẹ khian ọvbehe, iran ghi gha lo ẹre la ihan ne emwi ne a te wẹ ne a yae gha ru.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.