Jerimaia 4:1 - Edo Bible (E Baibol Ẹdo) Version 1996

¹ E Nọyaẹnmwa khare wẹẹ, “Ivbi Izrẹl, adeghẹ wa ho ne uwa fiwerriẹ, wa fiwerriẹ, bu mwẹ gha dee. Adeghẹ wa viọ avbe amazẹ ni sọnnọ mwẹ kua, wa na mudia ke mwẹ ẹse,

Jerimaia 4:1 Iomraidhean Croise

Gẹnẹsis 35:2

Ẹre Jekọb na do khama ẹgbẹe ọre kevbe emwa ni guẹe rre evba wẹẹ, “Wa viọ ẹbọ ẹrrẹe ne uwa mwẹ kua, wa khuẹ egbe uwa huan ne uwa viọ ukpọn nihuanrẹn ye egbe.

II Ọba 23:13

E Josaia kevbe rhia rua ighẹ avbe Ogiukpo ne Solomọn mannọẹn ye odẹ ahọ e Jerusalẹm, vbe odẹ ekẹn oke oliv, evba iran na te gho avbe ẹbọ ni zughu ọmwa ẹko nii hia, avbe Astat ne ẹbọ ne okhuo e Saidọn, e Kemọs ne ẹbọ e Moab deba Milkọm ẹbọ Amọn.

II Ọba 23:24

Ne a miẹn ehe na mu uhi e Nọyaẹnmwa ni rre ebe ne Hilkaia ne Ogie Ohẹn miẹn vbe Ọgua Osa sẹ, e Josaia keghi viọ iran hin e Jerusalẹm kevbe otọe e Juda rre ighẹ avbe iran ni miẹn ẹrinmwi, iran ni bọ, kevbe ẹbọ edọmwadẹ owa, amazẹ kevbe emwi ne iran ni ga ẹbọ ghi gho hia.

II Krọnikol 15:8

Asa ghi họn ẹmwẹ akhasẹ ne Azaraia ne ovbi Odẹd tae, orhiọn rẹn keghi guakpao. Ọ keghi viọ avbe amazẹ ni rre otọ e Juda kevbe Bẹnjamin hia kua. Avbe amazẹ nii rre ẹvbo hia ne ọ he khọn munọ vbe ẹvbo uhunmwu oke ọghe Ifreim. Ọ keghi vbe dọlọ Ogiukpo e Nọyaẹnmwa ne ọ rre ẹghodo Ọgua Osa yi.

II Krọnikol 33:8

A dẹghe ivbi Izrẹl họn ẹmwẹ mẹ, iran na gha lele Uhi hia ne ọguọmwadia mwẹ ighẹ Mosis mu ye iran otọ, ẹghẹ nii, mẹ i ra gie ọmwa rhọkpa khulo iran hin otọe nii ne I mu ne avbe erha iran odede rre.”

II Krọnikol 34:33

E Josaia keghi guọghọ avbe amazẹ osọnnọ ni te rre otọ ivbi Izrẹl. Vbe uwu ẹghẹ ne ọ ya ẹe vbe agbọn hia, ọ keghi ru ẹe ne a miẹn wẹ emwa ni hia ga e Nọyaẹnmwa ne Osanobua avbe erha iran odede.

Aizaia 31:6

Osanobua khare wẹẹ, “Wa ne ivbi Izrẹl, wa rukhọ ghe mwẹ nẹ, wa keghi vbe gha gbodan ghe mwẹ. Sokpan, banbanna nian, wa dọlegbe bu mwẹ gha dee.

Jerimaia 15:19

Ẹre Nọyaẹnmwa na rhie ewanniẹn ye ọna wẹẹ, “U gha dọlegbe rre, I gha dọlegbe rhan obọ miẹn ruẹn, u ghi dọlegbe gha re ọguọmwadia mwẹ. A deghẹ u mu etalọ oya fua, u na gha ta uhunmwu ne a gie ne ọ mwẹ esa, u gha dọlegbe gha re akhasẹ mwẹ. Emwa ni gha dọlegbe bu ruẹ rre, ẹghẹ i rrọ ne a gha ya miẹn wẹ wẹ ọ re ọ ghi bu iran gha khian.

Jerimaia 15:4

I gha ru ẹe ne ohan gbe ku emwa ni rre agbọn, rhunmwuda iran rhunmwuda emwi ne Hẹzekaia ne ovbi e Manasẹ ru vbe Jerusalẹm ẹghẹ re ọna gha ne ọba e Juda.”

Jerimaia 18:11

Banbanna nian, tama ivbi e Juda kevbe Jerusalẹm wẹ, I wa khuan khẹ iran, I wa mu egbe ne I ya rri iran oya. tama iran ne iran dobọ uyinmwẹ dan ne iran yin yi, ne iran fi ohọ werriẹ kẹe kevbe emwi ne iran ru.

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 25:5

Iran tama uwa ne uwa fiwerriẹ hin uyinmwẹ dan ne uwa yin rre, kevbe avbe emwi dan ne uwa ru, ne uwa miẹn ehe na gha yin ẹnrẹn khian ighẹ otọe nii ne Nọyaẹnmwa mu ne uwa kevbe avbe erha uwa odede ne ogha re ọghe uwa ẹdẹdẹmwẹdẹ.

Jerimaia 3:1

E Nọyaẹnmwa khare wẹẹ, “Ọmwa gha khu amwẹ ọnrẹn nẹ, ọ na kpao sẹ ọe rae, ọ na ya rọnmwẹ okpia ọvbehe, okpia nii i ghi dọlegbe rhie ẹre ọvbehe. Emwi vberriọ gha si awua ye otọe sokpan, ẹ i re avbiẹ ọse wa he zẹlẹ, wa keghi vbe ho na ne uwa dọlegbe bu mwẹ gha dee.

Jerimaia 3:12

Rẹn keghi tama mwẹ wẹ ne I ya tama Izrẹl wẹẹ, “Izrẹl ne ekhọe ẹre ma mudia ẹse, werriegbe bu mwẹ gha dee, mẹ mwẹ itohan, ohu i ra vbe mu mwẹ. I i ra muohu ruẹ rhinrin ẹdẹ.

Jerimaia 3:14

“Wa ne emwa ne ai gha ekhọe ẹre, wa werriegbe rre, ọghomwẹ ọ re uwa khin, I gha rhie ọkpọkpa vbe uwu uwa ke dọmwadẹ okpẹvbo ladian, kevbe eveva ke dọmwadẹ ẹwae rre, I ghi viọ uwa werriegbe gha die Oke Zaiọn.

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 35:15

I gie avbe eguọmwadia mwẹ i ghe avbe akhasẹ gie uwa, iran vbe tama uwa ne uwa mu emwi dan ne uwa ru fua ne uwa gha ru emwi ne ọ gbae, iran tama uwa ne uwa ghẹghi ga avbe ẹbọ ọvbehe, ne uwa miẹn ehe na gha yin otọe nii ne I mu ne uwa kevbe avbe erha uwa odede. Sokpan, wa ma danmwehọ mwẹ a ma wẹ te uwa ghi ra zẹ yọ mwẹ re.

Jerimaia 36:3

Ọ gha kẹe, ivbi Izrẹl gha họn ọkhọ ne I khare ighe ọ dee ra do rruan iran, iran gha zobọ vbe emwi dan ne iran ru. Ẹghẹ nii, mẹ ghi ya uyinmwẹ dan kevbe ọkhọ ne iran ru bọ iran.”

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Jerimaia 7:5

Wa fi vbene uwa ya yin hẹ werriẹ ne uwa vbe dobọ emwi ne uwa ru yi. Wa ghi gha yin da egbe ẹse.

Jerimaia 7:7

Wa gha fiwerriẹ, I gha gie uwa gha rre otọe na ne I mu ne avbe erha uwa odede ne ọ gha re ọghe iran ẹdẹdẹmwẹdẹ.

Ezikiẹl 11:18

Iran gha dọlegbe rre, iran ghi viọ avbe ẹbọ iruẹn ne ọ zughu ọmwa ẹko ne iran a rhirhi miẹn kua.

Ezikiẹl 18:13

Ọ vbe rhie igho isu ne emwa mọmọ. Rẹn gha diagbọnya ra? Hiehiere, ẹ i diagbọnya. Ọ ru avbe emwi osọnnọ na hia nẹ, rhunmwuda ọnii, te ọ gha wu. Obọ irẹn ọ re a ra vbe lẹ ẹmwẹ uwu irẹn ginna.

Ezikiẹl 43:9

Banbanna nian, te iran gha dobọ ẹbọ ne iran gho yi, iran ghi vbe viọ avbe ikun ọba iran ladian hin evba rre. Iran gha ru vberriọ, I gha gu iran yin kugbe ẹdẹdẹmwẹdẹ.”

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 2:2

Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Hozia 7:16

Iran keghi wa gha fi iyeke gbe mwẹ iran na gha lẹ bu ẹbọ ne ẹ i mwẹ ẹtin rhọkpa yo. Zẹ vbene uhanbọ ne ọ gọe ye, ne ẹ i na gia mu ẹtin yan, erriọ ọre iran ye. Rhunmwuda ẹmwẹ uhiomwẹ ne iran ta, avbe ọkaolotu iran gha wulo uwu dan, ivbi Igipt ghi vbe gha giẹ.”

Joẹl 2:12

“Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:

Zẹkaraia 1:4

Wa ghẹ gha ye vbe avbe erha uwa odede. Vbe ẹghẹ ne ọ kpee fua, avbe akhasẹ ta uhunmwu ne I giee gie iran ma iran, wẹ ne iran ghẹ gha ru emwi dan ra ne iran gha yin uyinmwẹ dan, sokpan iran ma zẹ yọ mwẹ re, ra ne iran họn ẹmwẹ mwẹ.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Diuteronomi 4:30

Sokpan, deghẹ ọlọghọmwa ghi vba uwa, ighẹ te emwi na hia ghi sunu vbe egbe uwa, ẹghẹ nii wa ghi werriegbe bu e Nọyaẹnmwa gha dee, wa ghi do gha ya ẹmwẹ ọnrẹn ru emwi.

Jọsua 24:14

“Banbanna nian khekherriọ,” wa ya uhunmwu rhanmwẹ otọ ne Nọyaẹnmwa, “ne uwa ye ẹkoata gae vbe ẹmwata. Wa mianmian avbe ẹbọ ne avbe erha uwa odede te gha ghoo vbe Mẹsopotamia kevbe Igipt ne uwa gha ga e Nọyaẹnmwa, ọkpa kẹkan.

Giọgis 10:16

Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”