Jerimaia 39:9 - Edo Bible (E Baibol Ẹdo) Version 1996

⁹ Vbe okiekie ehia, e Nebuzaradan ne arowa ivbiyokuo keghi viọ avbe emwa ni ghi kẹe vbe ẹvbo nii gha rrie e Babilọn, deba avbe emwa ni ka lẹ bu ẹre.

Jerimaia 39:9 Iomraidhean Croise

Gẹnẹsis 37:36

Vbe uwu ẹghẹ na, emwa Midian keghi khiẹn Josẹf ne Pọtifa vbe Igipt, ọkpa vbe uwu ọruemwi ọba e Fero nọ, rẹn ọrọre ọkaolotu iran ni khẹ odẹ vbe ẹguae.

II Ọba 20:18

A gha munọ eso vbe uwu emọ iwu ruẹ kpao, a ghi ya ya iran khian ọghẹrriẹnoguan ne iran ya gha taemwi vbe ẹguae ọba e Babilọn.”

II Ọba 25:11

Ẹre Nebukiadneza na viọ emwi nii ghi dekẹe vbe ẹvbo ni gha rrie Babilọn, emwa ni guẹ ona ni ghi dekẹe, deba iran ni lẹ bu ivbi e Babilọn gha khian.

II Ọba 25:20

E Nebuzaradan keghi viọ iran gie ọba e Babilọn ne ọ gha rre ẹvbo ne a tie ẹre Ribla.

Aizaia 5:13

rhunmwuda ọnii, a gha viọ uwa gha rrie zẹvbe oghunmwu. Ohanmwẹ gha gbele avbe ọkaolotu uwa a, ovbamẹ ghi gbele emwa kẹkan.

Jerimaia 10:18

Nọyaẹnmwa ra filo uwa kua hin otọe na rre, ọ khian rẹnkhẹn uwa a rhinrin a te do miẹn wẹ ọkpa ma ghi kẹe vbe uwu uwa. E Nọyaẹnmwa tae nẹ.

Jerimaia 16:13

Rhunmwuda ọnii, I gha filo uwa kua hin otọe na rre, gha rrie ẹvbo ne avbe erha uwa odede kevbe uwa tobọ, uwa ma rẹn. Evba wa gha na ya gha gho avbe ẹbọ ọvbehe ke avan ke asọn, I i ra vbe tohan uwa hiehiere.’ ”

Jerimaia 24:8

“Zẹ vbe ọghe Zedekaia ọghe Juda, iran ni gbinna igbinna ẹvbo ni lẹga ẹre, kevbe emwa nekpa ni rre Jerusalẹm, ni rre otọe na ra ni kpao gha rrie Igipt, Mẹ ne Nọyaẹnmwa gha ru iran zẹ vbe avbe ohọ nii ni i maa, ne ẹ i gia re.

Jerimaia 38:19

Sokpan, ọba keghi wanniẹn wẹẹ, “Ohan avbe ivbi ẹvbo ima ni he lẹ bu ivbi e Babilọn mu mwẹ, iran sẹtin rhie mwẹ ne iran, ne iran rriọmwẹ oya ẹkẹkhẹrhẹ.”

Jerimaia 40:1

E Nebuzaradan ne arowa ivbiyokuo ghi fan mwẹ fua nẹ, vbe Rama, e Nọyaẹnmwa keghi gunmwẹ guan. Te a ya ọgiọrọ rro mwẹ mu gha rrie evba deba avbe emwa nekpa ne ivbi e Jerusalẹm kevbe Juda ne a viọ ẹre oghunmwu rrie Babilọn.

Jerimaia 40:7

Eso vbe uwu ekhaẹmwẹ kevbe ivbiyokuo e Juda ma ladian do gbe lahọ. Iran keghi họn wẹ ọba e Babilọn ye Gedalaia ru enọkhaemwisẹ otọe nii, ọ vbe maa e Gedalaia enọkhaemwisẹ yan iran hia ne a ma viọ kpao gha rrie e Babilọn, avbe emwa ni ghi ru ivbiogue sẹẹ vbe otọe nii.

Jerimaia 52:26

E Nebuzaradan keghi viọ iran gie ọba e Babilọn vbe ọ rre ore ẹvbo e Ribla.

Jerimaia 52:27

Vbe otọe Hamat. Iran ghi sẹ evba, ọba na wẹ ne a mama iran, ọ na gbele iran an. Erriọ ọ re a na miẹn wẹ a viọ ivbi e Juda hin otọe iran rre gha rrie iwe.

Daniẹl 2:14

Ẹre Daniẹl na bu Ariọk ne ọ re ọkaolotu iran ne ọba ya khẹ egbe, ne a vbe tama wẹ ne ọ gbele iran hia gha khian. Ọ ghi hẹko mwamwa vbene irẹn gha guan hẹ nẹ.

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.

Diuteronomi 4:27

E Nọyaẹnmwa gha zagha uwa a lele uwu agbọn ẹvbo ọvbehe, Ibozẹghẹ ọ ra miẹn uhunmwu vbe uwu uwa vbe odọ niii.