Jerimaia 39:7 - Edo Bible (E Baibol Ẹdo) Version 1996

⁷ Vbe iyeke ọnii, ọ keghi wọlọ e Zedekaia aro kua, ọ na ya ọgiọrọ rrọ ẹre wẹ ne a do mu ẹẹn gha rrie Babilọn.

Jerimaia 39:7 Iomraidhean Croise

II Ọba 25:7

Vbe Sirra e Zedekaia, a keghi gbele ivbi ẹre ne ikpia a, e Nebukiadneza na wẹ ne iran wọlọ e Zedekaia aro hẹ kua, a keghi ya ọgiọrọ rrọ ẹre mu gha rrie e Babilọn.

Psalm 119:8

I gha mu uhi ruẹn sẹ; ghẹ he mwẹ ye otọ ẹdẹ!

Jerimaia 20:4

E Nọyaẹnmwa tobọ ẹre khare wẹẹ, “Rẹn ra ya uwẹ khian ohan ne egbe ruẹ kevbe avbe ọse ruẹ hia, wẹ gha vbe miẹn iran vbe a ya umozo avbe eghian gbele iran hia. I ra do viọ ivbi e Juda hia yan ẹtin ọba e Babilọn obọ. Ọ gha viọ eso vbọ oghunmwu gha rrie ẹvbo irẹn, ọ ghi gbele ni dekẹe ua.

Jerimaia 34:3

Wẹ i ra lẹ fe a gha khu uẹ mu, a ghi mu ẹẹn ne ẹẹn. U gha ye aro kan ẹre aro, u ghi vbe gu irẹn tobọ ẹre guan, iyekọni, u ghi gha rrie Babilọn.

Jerimaia 44:30

I gha rhie Hofra ne ọba Igipt ye avbe eghian rẹn obọ, iran ni ho ne iran gbe ẹe rua zẹ vbene I rhie Zedekaia ne ọba e Juda ye Nebukiadneza ne ọba e Babilọn obọ, ọmwa ne ọ gha re eghian rẹn ne ọ ho ne ọ gbẹe rua.”

Jerimaia 52:11

Vbe iyekọni, ọ na wẹ ne iran wọlọ e Zedekaia aro kua, a na ye ọgiọrọ rrọ ẹre mu gha rrie Babilọn. Uwu eghan ọ re Zedekaia gha ye ọ te do sẹ ẹdẹ ne ọ wu.

Ezikiẹl 12:13

“Sokpan I gha tan ọga ye odẹ, I ghi ya ẹe mu ẹẹn. I ghi mu ẹẹn gha rrie ore e Babilọn, ehe ne ọ ra na wu vbe ne ẹ i na bẹghe ẹre.

Giọgis 16:21

Ivbi e Filistia, keghi mu ẹẹn, iran na wọlọ ẹre aro hẹ kua. Iran na mu ẹẹn gha rrie Gaza, iran na ye ọgiọrọ oze rro ẹre. Iran na mu iwinna emwi ne a ya olọ lọ nẹ vbe uwu eghan.