Jerimaia 39:5 - Edo Bible (E Baibol Ẹdo) Version 1996

⁵ Sokpan, ivbiyokuo e Babilọn keghi zẹẹ iran khu, obọ iran keghi vba e Zedekaia vbe otọe ne ọ rriẹe vbe ọkpẹn e Jẹriko. Iran keghi mu ẹẹn gie ọba Nebukiadneza ne ọ gha rre Ribla vbe otọ Hamat, evba nii ọ re Nebukiadneza na bu abe gbe ẹe.

Jerimaia 39:5 Iomraidhean Croise

II Samuẹl 8:9

E Toi ne Ọba e Hamat keghi họn ighẹ e Devid khọnmiotọ ivbiyokuo e Hadadezẹ hia.

II Ọba 17:24

Ọba Asiria keghi viọ emwa ke Babilọn gha dee kevbe Kut, Iva, Hamat kevbe Sefavim, ọ na do wẹ ne iran yin avbe ẹvbo e Sameria, ne iran do rhie ihe ivbi Izrẹl ne a hẹ gha rrie iwe. Iran keghi munọ avbe otọe na, iran na yin ẹnrẹn.

II Ọba 23:33

E Nẹko ne ọba Igipt ghi mu ẹre oghunmwu vbe Ribla ne ọ rre otọ Hamat, arriọba ọghe ọe kevbe sẹ ufomwẹ. E Nẹko kevbe miẹn ivbi e Juda esiliva ne ọ sẹ uwan arriaisẹn ihinrọn kevbe iyisẹn isẹn (7,500) kevbe igoru ne ọ sẹ uwan isẹnirrọvbe iyenẹ (75) zẹ vbe igho uhunmwu.

II Ọba 25:6

Iran keghi mu e Zedekaia bu e Nebukiadneza, vbe ehe ne ọ ye vbe Ribla, evba ọ re Nebukiadneza na bu ohiẹn ọnrẹn.

II Krọnikol 33:11

Rhunmwuda ọnii, e Nọyaẹnmwa keghi fan obọ ẹre ne ivbiyokuo Asiria ne iran mu okuọ la e Juda. Iran keghi khọn mu e Manasẹ, iran na halọ ẹghọ ye ọre egbe, iran na ya ọgiọrọ rrọ ẹre, iran na muẹn gha rrie Babilọn.

Aizaia 22:3

Avbe ọkaolotu uwa ma he fi ifẹnmwẹ okpa iran ke lẹẹ kua, a na vbe khulo iran munọ.

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 24:8

“Zẹ vbe ọghe Zedekaia ọghe Juda, iran ni gbinna igbinna ẹvbo ni lẹga ẹre, kevbe emwa nekpa ni rre Jerusalẹm, ni rre otọe na ra ni kpao gha rrie Igipt, Mẹ ne Nọyaẹnmwa gha ru iran zẹ vbe avbe ohọ nii ni i maa, ne ẹ i gia re.

Jerimaia 38:18

Sokpan, a deghẹ u ma rhie egbe ruẹ ne iran, ẹghẹ nii, a gha mu ẹvbo na ne ivbi e Babilọn iran gha giẹn ọnrẹn sotọ, wẹ i ra vbe sẹtin lẹ iran fẹe.”

Jerimaia 38:23

Mẹ keghi rhie te ẹe wẹẹ, “A gha viọ avbe amwọ ọn kevbe ivbi uẹ gie ivbi e Babilọn, wẹ tobọruẹ i ra vbe lẹ iran fe. Ọba e Babilọn gha mu uwẹ oghunmwu gha rrie a gha vbe giẹn ẹvbo na muotọ.”

Jerimaia 4:12

Ẹhoho ne Nọyaẹnmwa ra gie rre gha wegbe sẹ ọnii ẹsẹse! E Nọyaẹnmwa tobọ ẹre ọ re ọ bu ohiẹn emwa rẹn.

Jerimaia 44:30

I gha rhie Hofra ne ọba Igipt ye avbe eghian rẹn obọ, iran ni ho ne iran gbe ẹe rua zẹ vbene I rhie Zedekaia ne ọba e Juda ye Nebukiadneza ne ọba e Babilọn obọ, ọmwa ne ọ gha re eghian rẹn ne ọ ho ne ọ gbẹe rua.”

Jerimaia 49:23

Emwi ne Nọyaẹnmwa tae vbekpa Damaskọs ọ re ọ na khin: “Ekhọe emwa ni rre Hamat kevbe Apad ma sẹ otọ, afianma vbe fian iran rhunmwuda, iran họn iyẹn dan, ohawa lẹ rhu iran zẹ vbe amẹ okun iran i ghi sẹtin kẹtin.

Eve Orriara 1:3

Eviẹn ne egbe fu nẹ, ọ re ivbi e Juda khin emwa ne a silo kua hin ẹvbo iran rre. Ẹvbo ẹrrẹe ọ re iran ghi ye vbene ihọkpa ne iran gha tie ẹre ọghe iran eghian ghae ga ẹre vbe ehe ne ọ gha la lẹfua, i ghi na rrọọ.

Eve Orriara 4:20

Iran khọn mu uhunmwu uwa ẹdagbọn mwa, ọba ne Nọyaẹnmwa zẹe ọmwa ne imẹ ye aro khọ ighe ọ gha degue mwa hin obọ iran ni gunmwa khọn.

Ezikiẹl 23:24

“Iran gha ke odẹ okuọ suẹn gha guẹ gbinna, iran ghi ya ikẹkẹ okuo viọ ivbiyokuo nibun gha dee, deba okotọ ne a ya hẹ emwi gie iran. Iran mwẹ erhu ẹgere kevbe asa ne a ya khẹ egbe, iran gha lẹga ruẹ. I gha vbe rhie ruẹ ye iran obọ, iran ghi tie uhi iran ya bu ohiẹn ruẹn.

Habakọk 1:7

Iran si ohan kevbe orrirri khian rhunmwuda itengbemu iran, emwi ne ọ khọn iran ọ re iran ru.

Nọmbas 13:21

Ẹre emwa nii na la ghe odẹ okuọ, iran na ghe otọe nii ke ẹgbo Zin vbe odẹ ekẹn ya sẹ Rehọb, ne ọ rre ọkpẹn Hamat Pas vbe odẹ okuọ.

Jọsua 13:5

Otọe emwa Gẹbal, otọe Lebanọn ya sẹ odẹ ahọ, kevbe Balgad ne ọ rre ototọ Oke Hẹmọn kpa ya sẹ ehe ne Hamat Pas na suẹn.

Jọsua 4:13

Vbene e Nọyaẹnmwa na gha ghe iran, arhunmwu arriaisẹn iyeva (40,000) ni mu egbe okuo, keghi fian ẹẹn gberra la otọe ne ọ rriẹe vbe ọkpẹn Jẹriko.

Jọsua 5:10

Ẹghẹ ne ivbi Izrẹl na gha rre agọ vbe Gilgal, vbe otọe ne ọ rriẹe ne ọ rre ọkpẹn e Jẹriko, iran keghi ru emwiukpo Alagberra vbe ota ọghe ikpẹdẹ ne ogiwenẹ ọghe uki nii.

Giọgis 3:3

Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.