Jerimaia 39:10 - Edo Bible (E Baibol Ẹdo) Version 1996

¹⁰ Ọ keghi sẹ usun iran ni ghi ru ivbiogue sẹẹ rae ye Juda, avbe emwa ne ẹ i mwẹ emwi rhọkpa, ọ keghi munọ ogba azara kevbe oha ne iran.

Jerimaia 39:10 Iomraidhean Croise

II Ọba 25:12

Sokpan ọ keghi sẹ eso vbe usun iran ni ru ivbiogue sẹ, iran ne ẹ i mwẹ emwi rhọkpa rae, ọ na ye iran gha winna vbe ogba azara kevbe ugbo.

Aizaia 7:21

“Ọ gha sẹ ẹghẹ nii, ọ gha khọn rẹn ne a miẹn wẹ ovbi ẹmila okpa ọ re ọwẹe sẹtin koko hin rre, deba ivbi ẹwe eva,

Jerimaia 40:10

Mẹ tobọmwẹ gha mudia vbe Mizpa ne I gha ta ne unu uwa vbe ivbi e Babilọn a rre. Sokpan, wa sẹtin gualọ ayọn gha viọ hin rre, kevbe emwiokọ kevbe ofigbọn oliv, ne uwa vbe yin avbe igue ne uwa ye.”

Jerimaia 40:7

Eso vbe uwu ekhaẹmwẹ kevbe ivbiyokuo e Juda ma ladian do gbe lahọ. Iran keghi họn wẹ ọba e Babilọn ye Gedalaia ru enọkhaemwisẹ otọe nii, ọ vbe maa e Gedalaia enọkhaemwisẹ yan iran hia ne a ma viọ kpao gha rrie e Babilọn, avbe emwa ni ghi ru ivbiogue sẹẹ vbe otọe nii.

Jerimaia 43:6

Avbe ikpia kevbe ikhuo, ibiẹka kevbe avbe ivbi ọba nikhuo. Iran keghi viọ emwa hia ne arowa ivbiyokuo ighe Nebuzaradan te sẹrae ne Gedalaia gha gbearoghe, kpao kevbe Barọk, kevbe imẹ.

Jerimaia 52:16

Sokpan, ọ keghi sẹ eso vbe uwu iran ni ghi ru ivbiogue sẹẹ rae ye Juda, avbe emwa ne ẹ i mwẹ emwirhọkpa, ọ keghi viọ iran ya gha winna vbe uwu ogba azara kevbe ugbo.

Ezikiẹl 33:24

“Ovbi ọmwa, avbe emwa ni rre ẹvbo ne a rẹnkhẹn uan vbe Izrẹl gha tae khian wẹẹ, ‘Orhiọnkpa kẹkan ọ re Ebraham gha khin a keghi wa mu otọe nii hia ne ẹẹn, ma wa bun, rhunmwuda ọnii, ma ọ ghi yan otọe nii.’

Zẹkaraia 11:7

Iran ni dẹlẹe kevbe ni vbe khiẹnnẹ avbe ohuan na, keghi rhie mwẹ vbe iwinna, mẹ keghi khian Ọsuohuan avbe ohuan ne a ra ya gbele ua. I keghi viọ ọkpọ eva mwẹ obọ, I keghi tie ọkpa vbọ “Aro ne ọ maa” kevbe nọkpa “Akugbe.” I na gha gbearoghe avbe oghẹn ohuan nii.