Jerimaia 39:1 - Edo Bible (E Baibol Ẹdo) Version 1996

¹ Vbe uki ne ogigbe ọghe ukpo ne ogihinrin ne Zedekaia kegha re ọba e Juda, e Nebukiadneza ne ọba e Babilọn keghi viọ avbe ivbiyokuo ẹre gha die Jerusalẹm, ọna do gha khọn rẹn.

Jerimaia 39:1 Iomraidhean Croise

II Krọnikol 36:17

Rhunmwuda ọnii, e Nọyaẹnmwa keghi gie ọba e Babilọn ne ọ mu okuọ gie iran. Ọba nii keghi gbele avbe igbama ni rre Juda, uhin ighẹ te ọ gbele iran vbe uwu Ọgua Osa, ọ ma vbe tohan ọmwa rhọkpa, ibiẹka kevbe ni khian ọmaẹn, ikpia kevbe ikhuo iran ne egbe rranrẹn kevbe iran nikhuọnmwi, Osanobua keghi wa filo iran hia ku ẹre obọ.

Jerimaia 32:1

Ọ ghi rre ukpo igbe ne Zedekaia la ẹkete zẹ vbe ọba e Juda, ne ọ vbe re ukpo evairrọvbugie ne Nebukiadneza ke gha re ọba e Babilọn, e Nọyaẹnmwa keghi gunmwẹ guan.

Jerimaia 34:1

Ẹghẹ ne Nebukiadneza ne ọba e Babilọn ke ẹe ke ivbiyokuo ẹre, na gha khọn e Jerusalẹm kevbe avbe ẹvbo ni dekẹe, vbe avbe agbọn ẹvbo hia ni ga gie ẹe na vbe viọ obọ ye ọre iyeke, e Nọyaẹnmwa keghi gun mwẹ guaan.

Jerimaia 34:22

I gha tae, iran ghi werriegbe gha di ẹvbo na. Iran ghi dekun ẹnrẹn, iran ghi khọn mu ẹẹn, iran ghi giẹn ọnrẹn sotọ. I gha ye avbe ore nọkhua ni rre Juda khian emwi ne ọ ye vbe ato, ehe ne ọmwarhọkpa i ye. Mẹ ne Nọyaẹnmwa taa ẹe nẹ.”

Jerimaia 42:18

“E Nọyaẹnmwa ne Osanobua Izrẹl khare wẹẹ, ‘Zẹ vbe ne a hihiẹẹ izohu kevbe okuosu mwẹ yan ivbi e Jerusalẹm erriọ zẹ ọ re a gha hihiẹ okuosu mwẹ yan uwa adeghẹ wa kpao gha rrie Igipt. Wa gha khian ne ọmianmwẹ ughe, emwa gha ye uwa gha gbogiẹ, wa ghi khian ne a ya tie ihẹn ne ọmwa. Wa ighi dọlegbe ye aro uwa kan emwana ọvbehe.’ ”

Jerimaia 52:1

Ọmọ ukpo ọkpayanugie ọ re Zedekaia gha ye vbe ọ rriọba vbe Juda, ọ keghi ya ukpo owọrọ vbe ẹkete vbe Jerusalẹm. A keghi tie eni iye ẹẹ Hamutal ovbi okpia ne a tie ẹre Jerimaia ne ọ gha rre ẹvbo ne a tie ẹre Libna.

Jerimaia 6:6

E Nọyaẹnmwa ne Oghodua tama avbe ọba nẹ wẹ ne iran gia erhan gbotọ, ne iran ma utete, ne iran miẹn ehe na khọn la Jerusalẹm. Rẹn kha ne wẹẹ, “I gha rria okpẹvbo nii ikhi rhunmwuda a wọ emwa uhunmwu wa rrọọ.

Ezikiẹl 33:21

Vbe ikpẹdẹ ne ogisẹn ọghe uki ne ogigbe vbe ukpo ne ogiweva ne ima kegha rre iwe, ọmwa ne ọ lẹ fua vbe Jerusalẹm keghi rre do tama mwẹ wẹ iran khọn e Jerusalẹm.

Ezikiẹl 4:3

Mu ọkpan ematọn, ne u mu ẹẹn ye ẹkpo uwẹ vbe ẹvbo nii zẹ vbe ekẹn ne a gbe. Mu aro da ẹvbo nii. Te a wa khọn rẹn na, wẹ ọ re ọmwa ne ọ khọn ẹnrẹn. Ọna ghi gha re ama ne uhunmwu ẹvbo Izrẹl.

Ezikiẹl 40:1

Ikpẹdẹ ne ogigbe ọghe ukpo ọgbọn nọ, ọ keghi vbe re ukpo isẹn yan ugie ne ima kegha rre iwe, kevbe ukpo iwenẹ ne a ghi khọn mu e Jerusalẹm. Vbe ẹdẹ nẹdẹrriọ, I keghi kakabọ họn ẹmwẹ ẹtin ọghe Nọyaẹnmwa vbe ọ gu ọmwa mudia vbe egbe mwẹ, ọ keghi mu mwẹ kpao.

Ezikiẹl 5:2

U ghi gien obọkpa vbọ vbe adesẹ ore ẹvbo nii vbe okuo a ghi khọn gberra nẹ. U ghi viọ obọ ne ogieha nọkpa, u ghi ya umozo nii gha giagia ẹe kua vbe u a gha khian lẹga vbe u a ghi lahin ore ẹvbo nii rre nẹ. U ghi zagha obọ ne ogieha ne ọ dekẹe ku ẹhoho, mẹ gha ya umozo mwẹ khu ẹe.

Zẹkaraia 8:19

“Aguẹ ne a yo vbe uki ne ogienẹ, ogisẹn ne ogihinrọn kevbe ne ogigbe, emwiukpo ọyẹnmwẹ kevbe oghogho ọ re ọ khian gha khin ne ivbi e Juda. Wa gha ho ẹmwẹ ẹmwata kevbe ọfumwegbe.”

Diuteronomi 28:36

“E Nọyaẹnmwa gha viọ uwa kevbe avbe ọba uwa gha rrie ẹvbo ẹrrẹe, ehe ne uwa kevbe avbe erha uwa odede ma he yin ẹdẹ, evba wa ghi na ya ga avbe amazẹ ne a ya erhan kevbe okuta ma.