Jerimaia 38:3 - Edo Bible (E Baibol Ẹdo) Version 1996

³ I keghi vbe gha tama iran wẹ e Nọyaẹnmwa khare wẹẹ, “Te I ra mu ẹvbo na ne ivbiyokuo e Babilọn, iran gha vbe khọn rẹn muotọ.”

Jerimaia 38:3 Iomraidhean Croise

Jerimaia 21:10

I wa tae nẹ, wẹ I i ra sẹ ẹvbo na rae sokpan, I fuẹn ọnrẹn ruan. A gha mu ẹẹn ne ọba e Babilọn, ọ ghi vbe giẹn ọnrẹn muotọ. Mẹ ne Nọyaẹnmwa taa ẹe nẹ.”

Jerimaia 21:4

Ne iran tama e Zedekaia wẹ e Nọyaẹnmwa ne Osanobua Izrẹl wẹẹ, “E Zedekaia, te I ra khọn iran muotọ ighẹ ivbiyokuo ruẹ ni gue ọba e Babilọn kevbe ivbiyokuo ẹre khọn, I gha si emwi igbinna ọghe avbe iyokuo ruẹ gboo ye adesẹ ore ẹvbo.

Jerimaia 21:9

Ọmwa ikọmwa ne ọ rre ore ẹvbo, okuo gha gbe ẹe ra ohanmwẹ ra emianmwẹ. Sokpan, ọmwa ikọmwa ne ọ ladian, ọ na wa tobọ ẹre bu ivbi e Babilọn gha khian, iran ni wa khọn ẹvbo na khian na, a i ra gbe ẹe rua, ọ gha miẹn ikpakpuhunmu ẹnrẹn rhie ladian, ọ ghi baa, ọ ghi khọ.

Jerimaia 29:16

Wa danmwehọ ẹmwẹ ne Nọyaẹnmwa tae vbekpa avbe ọba ni khaemwisẹ yan avbe otọe arriọba ne Devid ka vbe khaemwisẹ yan, kevbe avbe emwa ni rre avbe ẹvbo na, ọnii nọ wẹ avbe etẹn uwa ne a ma viọ ba uwa gha rrie zẹ vbe oghunmwu.

Jerimaia 37:8

Iyekọni, ivbi e Babilọn gha werriegbe rre, iran gha dekun ẹvbo na, iran ghi khọn mu ẹẹn, iran ghi giẹn ọnrẹn sotọ.

Jerimaia 38:18

Sokpan, a deghẹ u ma rhie egbe ruẹ ne iran, ẹghẹ nii, a gha mu ẹvbo na ne ivbi e Babilọn iran gha giẹn ọnrẹn sotọ, wẹ i ra vbe sẹtin lẹ iran fẹe.”