Jerimaia 34:2 - Edo Bible (E Baibol Ẹdo) Version 1996

² E Nọyaẹnmwa ne Osanobua Izrẹl keghi tama mwẹ wẹ ne I gha khian ya tama e Zedekaia ne ọba e Juda wẹẹ, “Mẹ ne Nọyaẹnmwa gha mu ẹvbo ne ọba e Babilọn, ọ gha giẹn ọnrẹn uan sotọ.

Jerimaia 34:2 Iomraidhean Croise

II Ọba 25:1

E Zedekaia keghi sọtẹ e Nebukiadneza ne ọba e Babilọn, ẹre Nebukiadneza ne ọba e Babilọn, na viọ ivbiyokuo ẹre hia gha de, ọ mu okuo la e Jerusalẹm vbe ikpẹdẹ ne ogigbe ọghe uki ne ogigbe vbe ọ rre ukpo ne ogihinrin ne Zedekaia rriọba. Iran keghi bu agọ ye vbe a ma he sẹ ore ẹvbo nii fo, iran gbe odin lẹga ẹre.

II Ọba 25:9

Ọ keghi giẹn Ọgua Osa a, kevbe ẹguae, kevbe owa emwa ni hin usi hia ni rre Jerusalẹm.

Jerimaia 21:10

I wa tae nẹ, wẹ I i ra sẹ ẹvbo na rae sokpan, I fuẹn ọnrẹn ruan. A gha mu ẹẹn ne ọba e Babilọn, ọ ghi vbe giẹn ọnrẹn muotọ. Mẹ ne Nọyaẹnmwa taa ẹe nẹ.”

Jerimaia 21:4

Ne iran tama e Zedekaia wẹ e Nọyaẹnmwa ne Osanobua Izrẹl wẹẹ, “E Zedekaia, te I ra khọn iran muotọ ighẹ ivbiyokuo ruẹ ni gue ọba e Babilọn kevbe ivbiyokuo ẹre khọn, I gha si emwi igbinna ọghe avbe iyokuo ruẹ gboo ye adesẹ ore ẹvbo.

Jerimaia 27:22

A gha viọ iran gha rrie Babilọn, ehia ghi vbe gha rre evba vbe I te do vbe mu ẹmwẹ iran tuorre. Ẹghẹ nii, I gha viọ iran werriegbe rre I ghi werriegbe do viọ iran ye emwa. Mẹ ne Nọyaẹnmwa ọ re ọ tae.”

Jerimaia 32:3

E Zedekaia ne ọba ọ re ọ mu mwẹ khui ye evba, ọ keghi ba mwẹ ifi ẹzọ wẹ mẹ khare ighe e Nọyaẹnmwa wẹẹ, “I gha gie ọba e Babilọn khọn miẹn ẹvbo na otọ.

Jerimaia 34:22

I gha tae, iran ghi werriegbe gha di ẹvbo na. Iran ghi dekun ẹnrẹn, iran ghi khọn mu ẹẹn, iran ghi giẹn ọnrẹn sotọ. I gha ye avbe ore nọkhua ni rre Juda khian emwi ne ọ ye vbe ato, ehe ne ọmwarhọkpa i ye. Mẹ ne Nọyaẹnmwa taa ẹe nẹ.”

Jerimaia 38:23

Mẹ keghi rhie te ẹe wẹẹ, “A gha viọ avbe amwọ ọn kevbe ivbi uẹ gie ivbi e Babilọn, wẹ tobọruẹ i ra vbe lẹ iran fe. Ọba e Babilọn gha mu uwẹ oghunmwu gha rrie a gha vbe giẹn ẹvbo na muotọ.”

Jerimaia 39:8

Vbe uwu ẹghẹ na, ivbi Babilọn keghi giẹẹn ẹguae ọba sotọ ke ẹe kevbe owa avbe emwa nii, iran keghi vbe guọghọ ekẹn ne a gbe lẹga e Jerusalẹm kua.