Jerimaia 32:9 - Edo Bible (E Baibol Ẹdo) Version 1996

⁹ I keghi gele dẹ nene ako oha vbe obọ e Hanamẹl, I na mwa igho ẹre mu ne ẹẹn, ive ẹre kegha re igho esiliva ehairrọvbugie.

Jerimaia 32:9 Iomraidhean Croise

Gẹnẹsis 24:22

Ugbẹn vbe ọ ghi sa amẹ ne avbe ekẹtẹkẹtẹ nii wọn fo nẹ, okpia nii keghi rhie oroka ihue ọghe igoru ighobioye ye ọre ihue, ọ keghi viọ emwiobọ eva ọghe igoru nekhua ye ọre obọ.

Gẹnẹsis 37:28

Avbe obaghẹn ne ivbi e Midian ghi se evba, etẹn e Josẹf keghi si ẹe ladian vbe uhae, iran na khiẹn ọre agiẹghẹ e siliva ugie ne ivbi Ismẹl, iran na muẹn gha rrie Igipt.

I Ọba 20:39

Ọba ghi wa gberra khian akhasẹ ni keghi datie ẹre, ọ tama rẹn wẹẹ, “U gha to ukpẹre Umogun, ehe ne I na gbinna vbe okuo, ovbiyokuo keghi mu oghunmwu ọkpa gun mwẹ, ọ tama mwẹ wẹẹ, ‘Gha ghe oko na, ọ gha lẹfua, uhunmwu ọ re u ya khiẹ ọre, a deghẹ ẹ i re vberriọ, u gha ha esiliva arriaisẹn eha (3,000) ne a gha fian ẹre.’

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Ẹsta 3:9

A deghẹ ọ yẹ ruẹ Umogun, wa tae wẹ, ne a gbele iran an. U gha tae vberriọ, mẹ yan rẹn nian wẹ I gha mu etọni esiliva ekesọgban irrọvbe arria eva (375) ye otọ vbe aza ẹguae ne a ya gha winna iwinna otọe arriọba na.”

Ẹksọdọs 21:32

A deghẹ ọviẹn okpia ra ọviẹn okhuo ọre ọ gbe, enarẹn ghi hae nọyan ọviẹn nii e esiliva ọgban, a ghi filo okuta gbe ẹmila nii uan.

Aizaia 55:2

Vbọzẹ ne uwa na lo igho ye avbe emwi ne ẹ i vuọn ẹko yi? Vbe uwa ghi na lo igho ne uwa miẹn hẹ, ohanmwẹ ghi ye gha gbe uwa? Wa danmwehọ mwẹ, ne uwa vbe ru vbene I khare, wa gha miẹn evbare ne ọ maa sẹ gha re.

Ezikiẹl 4:10

A gha rhie uwan nekherhe ọghe ebrẹd erẹnrẹn nuẹn vbe ẹdẹ, u ghi lo ọnii rhinrin ya sẹ ẹdẹ ne ọ lele ẹe.

Hozia 3:2

Rhunmwuda ọnii, I keghi ya hae agiẹghẹ esiliva ekesugie kevbe adanna okhuae ọka igabari ihinrọn ne I ya dẹ ọe.