Jerimaia 32:7 - Edo Bible (E Baibol Ẹdo) Version 1996

⁷ Wẹ e Hanamẹl, ne ovbi ọtẹn mwẹ nokpia ighe Sialọm gha rre do tama mwẹ ne I do dẹ ako oha ọghọe ne ọ rre Anatọt vbe otọe e Bẹnjamin rhunmwuda ighe mẹ ọrọre ọtẹn ne ọ ghi vbe sikẹ irẹn sẹ, I vbe mwẹ ase ne I ya dẹ ọre ọghe obọ mwẹ.

Jerimaia 32:7 Iomraidhean Croise

I Ọba 14:5

E Nọyaẹnmwa tama rẹn nẹ wẹ amwẹ e Jeroboam dee do nọ rẹn vbene ọ gha ye ovbi ẹre ne egbe ma rran hẹ. E Nọyaẹnmwa keghi tama Ahija ẹmwẹ ne ọ gha ta. Amwẹ Jeroboam ghi rre, ọ keghi ba gha ru vbe ọmwa ọvbehe.

Jerimaia 1:1

Emwi ne ọ rre ebe na ọrọre avbe ẹmwẹ ne ọ tae ighẹ Jerimaia ne ovbi e Hilkaia, ne ọ re okpa vbe uwu avbe ohẹn ni rre Anatọt vbe otọe Bẹnjamin.

Jerimaia 11:21

Ivbi Anatọt te ho ne a gbe mwẹ, uan. Iran keghi tama mwẹ wẹ iran gha gbe mwẹ uan deghẹ I ye gha wewe uhunmwu ne Nọyaẹnmwa gie khian.

Jerimaia 32:6

E Nọyaẹnmwa keghi tama mwẹ.

Jerimaia 32:8

Zẹ vbene e Nọyaẹnmwa wa tae zẹẹ, e Hanamẹl keghi wa bu mwẹ gha die ẹghodo ẹguae, ọ na wẹ ne I do dẹ nene ako oha. Ẹre I na rẹn wẹ vbe ẹmwata, te Nọyaẹnmwa gele gunmwẹ guan.

Levitikọs 25:23

“Wa ghẹ khiẹn otọ uwa fua fẹẹrẹ, rhunmwuda ẹ i re ọwuẹ ọghe Osanobua nọ, te uwa ye vbe orhunmwuyẹn ne a kue yọ ẹre ne ọ gha lo ẹre.

Levitikọs 25:24

A gha khiẹn otọ, a ghi rhie ye ekhọe wẹ ọmwa ne ọ ka yan rẹn mwẹ ase ne a ya dẹ ọe werriegbe.

Levitikọs 25:25

A deghẹ ovbi Izrẹl khian ovbiogue ọ na ghi mu otọ ẹre khiẹn, ọtiọnrẹn ne ọ ghi sikẹ ọre sẹ ghi dẹ ọe werriegbe.

Levitikọs 25:34

Sokpan otọ ne a na rri ẹmila ni lẹga ẹvbo Livai, a ghẹ khiẹn ọẹn iran ọ yan rẹn rhinrin ẹdẹ.

Levitikọs 25:49

ra ọtẹn erha ẹe nokpia ra ọmwa ne iran gba re eyẹ, ra ne ọ rhirhi a gha khin vbe uwu etẹn nii sikẹ ọre sẹtin dẹ ọe werriegbe, ra deghẹ rẹn tobọ ẹre miẹn igho bun sẹ, ọ sẹtin de egbe ẹre lahin ọviẹn rre.

Nọmbas 35:2

“Tama ivbi Izrẹl wẹ ne iran mu ẹvbo eso ne avbe Livai dia deba otọ ne aranmwẹ na rria eso lẹga ẹvbo nii.