Jerimaia 32:4 - Edo Bible (E Baibol Ẹdo) Version 1996

⁴ Kevbe we e Zedekaia i ra sẹtin lẹ fe vbo. A gha rhie ẹre ne ọba e Babilọn, ọ gha ye aro kan ẹre aro, ọ gha gu irẹn tobọ ẹre guan vbe ghe aro mwẹ ghe aro ruẹ.

Jerimaia 32:4 Iomraidhean Croise

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 25:35

Odẹ ọkpa ne uwa gha la miẹn uhunmwu vbọ i rrọọ.

Jerimaia 34:21

“I gha vbe si e Zedekaia ọba e Juda kevbe avbe ekhaẹmwẹ ọnrẹn yan iran ni ho ne iran gbele iran an obọ. I gha viọ iran yan ivbiyokuo e Babilọn obọ, iran ni te dobọ igbinna ne iran gu uwa gbinna yi nẹ.

Jerimaia 34:3

Wẹ i ra lẹ fe a gha khu uẹ mu, a ghi mu ẹẹn ne ẹẹn. U gha ye aro kan ẹre aro, u ghi vbe gu irẹn tobọ ẹre guan, iyekọni, u ghi gha rrie Babilọn.

Jerimaia 37:17

Ọ ghi kpee kherhe, e Zedekaia ne Ọba keghi gie ne a tie mwẹ, ọ keghi hẹko nọ mwẹ vbe uwu ẹguae wẹẹ, “E Nọyaẹnmwa giee uhunmwu rre ra.” I keghi wanniẹn, I tama rẹn wẹẹ, “Ọ giee rre, ọ wẹ a gha mu ẹẹn rhie ye ọba e Babilọn obọ.”

Jerimaia 38:18

Sokpan, a deghẹ u ma rhie egbe ruẹ ne iran, ẹghẹ nii, a gha mu ẹvbo na ne ivbi e Babilọn iran gha giẹn ọnrẹn sotọ, wẹ i ra vbe sẹtin lẹ iran fẹe.”

Jerimaia 38:23

Mẹ keghi rhie te ẹe wẹẹ, “A gha viọ avbe amwọ ọn kevbe ivbi uẹ gie ivbi e Babilọn, wẹ tobọruẹ i ra vbe lẹ iran fe. Ọba e Babilọn gha mu uwẹ oghunmwu gha rrie a gha vbe giẹn ẹvbo na muotọ.”