Jerimaia 32:3 - Edo Bible (E Baibol Ẹdo) Version 1996

³ E Zedekaia ne ọba ọ re ọ mu mwẹ khui ye evba, ọ keghi ba mwẹ ifi ẹzọ wẹ mẹ khare ighe e Nọyaẹnmwa wẹẹ, “I gha gie ọba e Babilọn khọn miẹn ẹvbo na otọ.

Jerimaia 32:3 Iomraidhean Croise

II Krọnikol 28:22

Ọ ghi sẹ ẹghẹ ne emwi hia ya ba su ẹe sẹẹ, ọmwa na ighẹ Ehaz keghi wa dọlegbe sẹmwẹ e Nọyaẹnmwa sẹẹ vbe ne ọ te ka ye yi.

Ẹksọdọs 5:4

Ọba keghi tama e Mosis kevbe Errọn wẹẹ, “Vbe uwa ya ẹe kha ne uwa na gie iran gha ya iwinna iran rho eghẹrẹ yi? Wa gie avbe eviọnmwa na gha rrie iwinna iran!

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 21:3

Ẹre Nọyaẹnmwa na gunmwẹ guan, I na vbe tama iran ne a gie bu mwẹ gha dee.

Jerimaia 27:8

“Sokpan, a deghẹ a miẹn ẹvbo ra arriọba ne ọ wẹ rẹn i ga gie ẹe, I gha ye okuo rri uhunmwu ẹvbo ni oya, kevbe ohanmwẹ kevbe emianmwẹ rhinrin a te do miẹn wẹ, I wa rhie ẹghẹ ne Nebukiadneza ya fuẹn ọnrẹn uan fẹẹrẹ.

Jerimaia 34:21

“I gha vbe si e Zedekaia ọba e Juda kevbe avbe ekhaẹmwẹ ọnrẹn yan iran ni ho ne iran gbele iran an obọ. I gha viọ iran yan ivbiyokuo e Babilọn obọ, iran ni te dobọ igbinna ne iran gu uwa gbinna yi nẹ.

Jerimaia 36:29

E Nọyaẹnmwa keghi tama mwẹ ne I tama ọba wẹẹ, “U giẹẹn ebe ohian ni nẹ, u keghi vbe nọ e Jerimaia wẹ vbọzẹ ne ọ na gbẹn wẹ ọba e Babilọn gha rre do fuẹn ẹvbo ni uan, ọ ghi gbele emwa kevbe aranmwẹ ni rrọọ.

Jerimaia 37:4

A ma he mu mwẹ ye eghan ẹghẹ nii, I he ye sẹtin gha khian la ehe ne ekhọe mwẹ ho vbe ehe ne emwa nii ye.

Jerimaia 38:18

Sokpan, a deghẹ u ma rhie egbe ruẹ ne iran, ẹghẹ nii, a gha mu ẹvbo na ne ivbi e Babilọn iran gha giẹn ọnrẹn sotọ, wẹ i ra vbe sẹtin lẹ iran fẹe.”

Jerimaia 38:3

I keghi vbe gha tama iran wẹ e Nọyaẹnmwa khare wẹẹ, “Te I ra mu ẹvbo na ne ivbiyokuo e Babilọn, iran gha vbe khọn rẹn muotọ.”

Jerimaia 38:4

Ẹre avbe ekhaẹmwẹ na na ya tama ọba wẹẹ, “Te ọ kere ne a gbe ọmwa na an. Ẹmwẹ ne ọ guan na te ọ ya ye egbe wọ avbe ivbiyokuo ni rre ẹvbo, erriọ ọ re ọ vbe ru avbe emwa ni rre ore ẹvbo hia. Ẹ i re te ọ zẹdẹ yi avbe emwa ni obọ, te ọ ho ne ọ kuan iran egbe.”

Jerimaia 38:8

Ẹbẹdmẹlẹk kegha khian, ọ na ya tama ọba wẹẹ,

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Emọs 7:13

Gie iran gha ha ruẹ osa yọ. Ghẹ ghi guan ẹmwẹ akhasẹ vbe emwa vbe Bẹtẹl ọvbehe. Ehe ne Ọba na ga ọ re ọna khin, Ọgua Osa ẹvbohoho.”

Iyẹn ne ọ Maan Ọghe Luk 20:2

Iran tama rẹn wẹẹ, “Tama ima, de asẹ ne u mwẹ ne u ya ru avbe emwi na? Gha ọ rhie asẹ nuẹn ya gha ru ẹe?”