Jerimaia 32:10 - Edo Bible (E Baibol Ẹdo) Version 1996

¹⁰ Mẹ keghi rhie obọ ye nene ebe, a na ghi sikan ẹẹn gbua, emwa keghi sẹ osẹ yọ, I keghi ya omwa mwa nene igho.

Jerimaia 32:10 Iomraidhean Croise

Gẹnẹsis 23:16

Ebraham keghi kue yọ, ọ keghi ya mwa igho ne Efrọn nọ rẹn sirra emwa nii, ọ kegha re agiẹghẹ esiliva uri eva (400) zẹ vbe ne emwa ni do ẹki vbe ya mwa emwi vbe odẹ nọ gbae sẹ.

Gẹnẹsis 23:20

Rhunmwuda ọnii ọ re otọe nii kẹe kevbe uvun okuta ne ọ rrọọ ne ọ te ka re ọghe emwa Hiti usin, na ghi do khian ọghe Ebraham zẹvbe itẹ.

Job 14:17

U gha yabọ iran, u ghi viọ iran kua, u ghi khiẹn emwi ne I baku ru hia kua.

Ihuan Ne Ọ Sọọ Ihuan Hia 8:6

Ghẹ gie ẹmwẹ ọmwa la ruẹ aro gberra ogho mwẹ ghẹ sikan mu obọ ọmwa ọvbehe gberra ọghọ mwẹ, ahoẹmwọmwa wa mwẹ ẹtin zẹvbe uwu, orriarria wa vbe mwẹ ẹtin zẹ vbe uwu tobọ ọre, te ọ mu erhẹn, ọ ghi vbe gha giẹn emwi khian zẹvbe okperhẹn.

Aizaia 30:8

Osanobua ke tama mwẹ wẹ ne I gbẹnnẹ vbene emwa ni ye hẹ ye ebe ne a miẹn ehe na sa ẹe ye ama etẹbitẹ ighẹ vbene emwa ni rhia sẹhẹ.

Aizaia 44:5

“Ọkpọkpa ọ re emwa ra ya gha kha wẹẹ, ‘ọghe Nọyaẹnmwa ọ re imẹ khin.’ Iran gha do ya egbe ba ivbi Izrẹl. Dọmwadẹ ọghọe gha yi ama e Nọyaẹnmwa ye obọ ẹre, ọ ghi vbe tie egbe ẹre okpa vbe uwu emwa Osanobua.”

Jerimaia 32:12

I keghi viọ eveva ne Barọk, ne ovbi e Neraia kevbe eyẹ e Maasai. I keghi sirra e Hanamẹl kevbe avbe osẹe nii viọ ne ẹẹn, iran ni rhie obọ ye ebe ne a ya do ẹki nii, kevbe avbe emwa ni tota vbe ẹghodo ẹguae.

Jerimaia 32:25

Sevba, e Nọyaẹnmwa ne Udazi, wẹ ọ re ọ we mwẹ dẹ ako oha nii vbe sirra avbe osẹe, a gha rhe miẹn wẹ te iran ghi ra khọn mu ẹvbo ni ighe ivbi e Babilọn.”

Jerimaia 32:44

Emwa gha dẹlẹ ọe, a ghi vbe gbẹnnẹ ebe, a ghi gha rhie obọ yọ, a ghi vbe gha ru osẹe yọ. Ena hia gha sunu vbe otọe e Bẹnjamin, vbe avbe igue ni lẹga e Jerusalẹm, avbe okpẹvbo e Juda, avbe okpẹvbo ni rre avbe ẹvbo uhunmwu oke, ni rre odẹ ototọ oke, kevbe odẹ ekẹn e Juda. I gha dọlegbe viọ avbe emwa na gha rrie ẹvbo iran. Mẹ ne Nọyaẹnmwa tae nẹ.”

Daniẹl 8:26

Avbe umian ne ọ dekan ẹmwẹ ese ota vbe owiẹ, ne a vbe rhaan otọ ẹre ma ruẹn nẹ, ọ gha sunu. Sokpan he gie ẹe gha rre ẹko ruẹ ọkpa rhunmwuda ọ gha kpee ẹsẹse ọ ke do sunu.”

Matiu 27:66

Rhunmwuda ọnii, iran keghi kpao iran na ya ru ẹmwẹ idin ni gbua vbekpa ne iran na ya ama ye okuta ni, iran na vbe zẹ emwa yọ ne iran gha khẹ ọre.

Iyẹn ne ọ Maan Ọghe Jọn 3:33

Ọmwaikọmwa ne ọ rhirhi ya ẹmwẹ ọnrẹn yi gha la evba rhie ma ighe ẹmwata ọre Osanobua khin.

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

II Kọrinti 1:22

Ọ na tobọ ẹre rhie ama ọghe mẹ ọre ọ yan rẹn ọghọe, ye ima egbe, ọ keghi vbe rhie Orhiọn Ne Ọ Huanrẹn ye ima ekhọe ne aro mwa ya dae wẹ, ẹmwata nọ ighẹ emwi ne ọ ra hẹ ne ima.

Ẹfisọs 1:13

Erriọ ọre ọ wa vbe gha ye ne uwa bare, ugbẹn vbe uwa họn ikporhu ẹmwata nii, nene Iyẹn Ne ọ maa ne ọ rhie imiẹnfan gie uwa, wa keghi ya Kristi yi, Osanobua keghi yi uwa ama mẹ ọ yan rẹn, vbe ekpa ne ọ na rhie Orhiọn Ne Ọ Huanrẹn ne ọ ve ne uwa.

Ẹfisọs 4:30

Ghẹ rhia Orhiọn Ne Ọ Huanrẹn ọghe Osanobua ekhọe rua, rhunmwuda nene Orhiọn ọrọre ama ọghe mẹ ọ yan rẹn, ne Osanobua yi ye uẹ egbe, ama ne aro ya dae wẹ, ẹdẹ dee ne Osanobua gha faan ye otọ.

Diuteronomi 32:34

“E Nọyaẹnmwa rẹn emwi ne eghian iran ru, rẹn mudia khẹ ẹghẹ ne ọ kere ne a ya rri iran oya.

Jọsua 18:9

Emwa nii ke lele otọe nii hia, iran gbẹnnẹ ebe ya gie ẹre vbene ọ ye hẹ. Iran keghi ghae otọe nii ye ihe ihinrọn, iran keghi vbe gbẹnnẹ eni ẹvbo ni rrọọ ladian. Iran keghi dọlegbe bu e Jọsua gha rrie agọ vbe Siailo.

Arhie Maan 7:2

I keghi vbe bẹghe odibosa ọvbehe vbe ọ ke ọlarre ovẹn dee, ọ keghi rhie egba ne Osanobua ne ọ rrọọ ya yi emwi ama, mwẹ obọ, ọ keghi datie avbe odibosa enẹ ne Osanobua rhie ẹtin na, ne ọ ya dunmwu otọ agbọn kevbe okun uan.

Arhie Maan 9:4

A keghi tama iran wẹ ne iran ghẹ kuan avbe irunmwu ra avbe erhan ra ovbi erhan ke ovbi erhan ọvbehe, avbe emwa ne a ma vin ama Osanobua ye ọre egbe ọkpa, ọre a wẹ ne iran kuan ẹre egbe.

Ebe Rut 4:1

E Boaz kegha rrie ehe ne a na ko vbe onurho ẹvbo nii, ọ na tota. Uwu ẹghẹ nii zẹẹ, ọtẹn Ẹlimẹlẹk ne ọ sikẹ ọre sẹẹ ne Boaz gha a kha keghi wa rre, e Boaz na tama rẹn wẹẹ. “Ọse mwẹ, larre ne u do tota vbe edinran.” Rẹn keghi gele bu ẹre, ọ na ya tota.