Jerimaia 3:9 - Edo Bible (E Baibol Ẹdo) Version 1996

⁹ ekhue ma vbe mu ẹẹn hiehiere. Ọ ru otọ awua, ọ keghi ghẹ vbekpa ne ọ na gha gho avbe okuta kevbe erhan.

Jerimaia 3:9 Iomraidhean Croise

Aizaia 57:3

Wa larre ne a do bu ohiẹn uwa, wa ne emwa orukhọ. Wa ma maa sẹẹ avbe oso, iran ni ghẹẹ kevbe avbe ebabotu.

Aizaia 57:6

Wa viọ okuta ikpẹbọ ke evba gha dee, wa ghi ya gho iran zẹ vbe ẹbọ. Wa ghi gha sa ayọn ye otọ zẹvbe emwi ne a ya zọ ese ghe iran, wa ghi vbe gha viọ ọka gie iran vbe emwi izọ ese. Wa yayi wẹ avbe emwi na yẹ mwẹ ra?

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 16:18

I gha ye iran ha osa ukhukhu eva ye orukhọ kevbe uyinmwẹ dan iran rhunmwuda, iran ya amazẹ ne ẹ i mwẹ arrọọ vbene ikun orinmwi ye, mu awua ye otọe mwẹ, iran keghi vbe ya ẹbọ ohoghe iran vuọn ehe hia.”

Jerimaia 2:27

Erriọ ọ re a ra ya oya ne uwa ni kha wẹ erhan ọrọre erha uwa, okuta ọrọre iye uwa. Erriọ ọre ọna ra sunu rhunmwuda, wa fi iyeke gbe mwẹ vbe ọ te kei ne uwa bu mwẹ gha dee. Sokpan, wa gha rre uwu ibaro, wa ghi wẹ ne I do miẹn uwa fan.

Jerimaia 2:7

I keghi viọ iran gha die otọ ne ọ maa emwiokọ. Ne iran do gha ya emwiokọ ni rrọ ru, deba emwi ni maa ni rrọọ hia. Sokpan, ne iran gha na te ru vberriọ, iran keghi mu otọe mwẹ rhia. Iran keghi ru ẹvbo ne I mu ne iran awua.

Jerimaia 3:2

Wa tọn aro mu ya ghe avbe uhunmwu oke. Ihọkpa rrọọ ra ne uwa ma na he ka do ẹki ebabotu yi? Wa ghi gha mudia khẹ emwa ne uwa zẹ ọre ọse vbe ọkpẹn odẹ zẹ vbene Igabari diakhẹ emwa ni gha defi iran obọ vbe ato. Wa keghi ya ẹki ebabotu ne uwa do mu awua ye avbe otọe nii.

Ezikiẹl 16:17

emwi itegbe ọghe igoru kevbe esiliva ne I viọ ne uẹn, u keghi viọ iran ya gha mannọ amazẹ ikpia, u na gha gu iran ru oghẹ.

Ezikiẹl 23:10

Iran keghi bannọ ọẹn ruan, iran na viọ ivbi ẹre nikpia kevbe nikhuo, iran na ghi ya umozo gbe irẹn tobọ ẹre ua. Ẹmwẹ ọnrẹn keghi khian ne ikhuo ya na iyẹn vbe ehe hia. Vbekpa emwi ne ọ rruan rẹn.

Ezikiẹl 23:21

(Oholiba, te u te wa vbe he ne u dọlegbe do egbe ẹki ne u gha do vbe Igipt vbe u he re ọvbokhan okhuo, ehe ne ikpia na gha ya ewẹn ruẹn ku, ne ọghẹrẹ ruẹ na fian.)

Ezikiẹl 23:3

Ẹghẹ ne iran he na ye giẹrẹ vbe iran rre Igipt, ọghẹrẹ iran giagiae, iran na khian ebabotu.

Hozia 2:2

Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Joẹl 1:19

I viẹ bu ruẹ rre Nọyaẹnmwa, rhunmwuda, otọe, irunmwu, kevbe avbe erhan hia kaka a. Ze vbe ne a miẹn wẹ erhẹn ọ to vbọ.

Habakọk 2:19

Ọwuẹ fo! U gha khama ike erhan wẹẹ, “Rhiọrre!” kevbe ovbi okuta wẹẹ, “Kpaegbe!” Amazẹ gha sẹtin rhie emwi ne a ma rẹn rhọkpa ma ruẹn ra? A sẹtin ya esiliva kevbe igoru rhu ẹe, sokpan, orhiọn i rre uwu ẹre.

Matiu 5:32

Sokpan mẹ tama uwa nian wẹẹ, deghẹ ọmwaikọmwa khu amwẹ ọnrẹn vbe ne okhuo ni ma na ghẹẹ, rẹn ọre ọ gie ẹre oghẹ, deghẹ okhuo ni ya rọnmwẹ ọdọ ọvbehe. Ọmwa ne ọ rhie okhuo ne a khu ni rọnmwẹ, ọ vbe ru oghẹ.