Jerimaia 3:8 - Edo Bible (E Baibol Ẹdo) Version 1996

⁸ Aro e Juda vbe sẹ ọe wẹ I khu Izrẹl ne, I na wẹ ne ọ gha rrie rhunmwuda ọ fi iyeke gbe mwẹ, ọ na ya gha gbe ebabotu, sokpan, e Juda ne okhuo ne ọ ma guobọ ọdọ ne ọtẹn Izrẹl, ohan ma vbe mu ẹẹn. Rẹn na wa vbe khian ebabotu,

Jerimaia 3:8 Iomraidhean Croise

II Krọnikol 21:11

Uhin ighẹ te ọ bọlọ aro ẹbọ lele oke ni rre Juda, ọ na ya ivbi e Juda kevbe Jerusalẹm sẹmwẹ e Nọyaẹnmwa.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 3:1

E Nọyaẹnmwa khare wẹẹ, “Ọmwa gha khu amwẹ ọnrẹn nẹ, ọ na kpao sẹ ọe rae, ọ na ya rọnmwẹ okpia ọvbehe, okpia nii i ghi dọlegbe rhie ẹre ọvbehe. Emwi vberriọ gha si awua ye otọe sokpan, ẹ i re avbiẹ ọse wa he zẹlẹ, wa keghi vbe ho na ne uwa dọlegbe bu mwẹ gha dee.

Jerimaia 33:24

“U ma miẹn vbene emwa tae khian hẹ wẹ mẹ he Izrẹl kevbe Juda yotọ nẹ, ẹgbẹe eva ne imẹ hannọ zẹ. Iran keghi rhunmwuda ọnii, gha ye aro gbe emwa mwẹ re, iran i ghi vbe ka iran ye uhunmwu ẹvbo.

Jerimaia 5:7

E Nọyaẹnmwa keghi nọọn wẹẹ, “Vbọzẹ ne I gha na ya orukhọ emwa mwẹ bọ iran yi. Iran hee mwẹ yotọ nẹ, iran keghi ya gha ga ẹbọ ne ẹ i re emwirhọkpa. I kokoo emwa mwẹ ne ẹko vuọn iran. Sokpan, iran keghi ya gha ru ọghe, iran vbe igberagia keghi gba gha mu yọ mu hin.

Ezikiẹl 16:46

Ọtuẹn nokhuo nọdiọn, ke ẹe ke avbe igue ne ọ mwẹ, ọrọre Sameria ne ọ rre odẹ okuọ. Ọtuẹn nokhuo nekherhe, ke ẹe ke avbe igue ẹre, ọrọre Sọdom vbe odẹ ekẹn.

Ezikiẹl 16:47

“Ọ ma sẹ uwẹ ọkẹn ra ne u gha la odẹ ne iran lae, ne u vbe gha yegbe ta uyinmwẹ ẹwia iran? Hiehiere, vbe ovbi ẹghẹ kherhe, u ke ru emwi ne ọ rhia sẹ ọghe iran vbe emwi ne u ru hia.”

Ezikiẹl 16:51

“E Sameria ma ru orukhọ vba ukhiọnmwẹ ọghe uwẹ. Uyinmwẹ ruẹn kakabọ sọnnọ sẹẹ ọghe ọe ẹsẹse. Vbene uwẹ ghi rhia sẹ, a gha ya uwa vbe iran gie egbe, iran ghi gha re ne ẹ i mwẹ orukhọ.

Ezikiẹl 23:44

Kugba kẹghẹre ọ re iran ya gha yo ọghe ebabotu na. Iran keghi dọlegbe bu Ohola kevbe Oholiba avbe ikhuo ni kẹkẹ ua nii.

Ezikiẹl 23:9

Mẹ keghi rhie ẹre ne ivbi e Asiria ni zẹ ọre ọse, ne aro irẹn wa vbe ye ẹsẹse.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Diuteronomi 24:1

“Gie a kha wẹ okpia rhie okhuo, vbe okiekie ọ na wẹ rẹn i ghi vbe rhie rhunmwuda, ọ miẹn emwi eso ne ẹ i yẹ irẹn vbe obọ ẹre. Rẹn keghi rhunmwuda onii gbẹn ebe aheyotọ viọ nẹ ẹn, ọ na wẹ ne ọ lahin irẹn owa rre.

Diuteronomi 24:3

Okpia nii kevbe kha wẹ rẹn i ghi ho, ọ na vbe gbẹnnẹ ebe aheyotọ viọ nẹ ẹn, ọ na wẹ ne ọ lahin irẹn owa rre. Ra ne a kha wẹ ọdọ ẹre ne ukpogieva ni wu.