Jerimaia 3:6 - Edo Bible (E Baibol Ẹdo) Version 1996

⁶ Ẹghẹ ne Josaia na gha re ọba, e Nọyaẹnmwa keghi tama mwẹ wẹẹ, “Wẹ miẹn emwi ne Izrẹl ne okhuo ne ọ ma guobọ ọdọ ru nian. Ọ fi iyeke gbe mwẹ nẹ, ọ keghi ya gha do ẹki ebabotu vbe uhunmwu oke ni yo hia kevbe ototọ avbe erhan ni mwẹ ebe ni bii.

Jerimaia 3:6 Iomraidhean Croise

I Ọba 14:23

Iran keghi họlọ ehe ne iran na gho avbe ẹbọ ohoghe, iran keghi mannọ orre okuta kevbe ọkpọ erhan ni mwẹ irhu emwi ne iran gha ghoo, vbe uhunmwu oke kevbe ototọ erhan ni mwẹ irhu.

II Krọnikol 34:1

Ukpo erẹnrẹn ọre Josaia ye vbe ọ rriọba vbe Juda, ọ keghi ya ukpo ọkpayanọgban vbe ẹkete vbe Jerusalẹm.

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Aizaia 57:3

Wa larre ne a do bu ohiẹn uwa, wa ne emwa orukhọ. Wa ma maa sẹẹ avbe oso, iran ni ghẹẹ kevbe avbe ebabotu.

Aizaia 57:7

Wa ghi gha yo avbe oke ni yo ne uwa ya gha zọ ese kevbe ne uwa ya gha ru emwi ọdọ vbe amwẹ.

Jerimaia 1:2

E Nọyaẹnmwa keghi gu e Jerimaia guan vbe ọ rre ukpo iwera ne ọ rriọba ighe Josaia ne ovbi Amọn ne ọ rriọba vbe Juda.

Jerimaia 11:10

Iran wa dọlegbe gha rrie orukhọ avbe erha iran odede ni hee ne iran gha ru vbene I khare, iran gaa avbe ẹbọ ọvbehe. Izrẹl kevbe Juda, iran eveva ma ru vbene ile ne I gu avbe erha iran odede ta khare.

Jerimaia 17:2

Ehe ne avbe Ogiukpo ye ọ re avbe emwa na ga, kevbe ne a mu gbọ ne Asiẹrra ne ẹbọ ne okhuo, vbe ehe ne erhan ne ọ mwẹ ebe ye, kevbe uhunmwu oke negiẹrẹ.

Jerimaia 3:8

Aro e Juda vbe sẹ ọe wẹ I khu Izrẹl ne, I na wẹ ne ọ gha rrie rhunmwuda ọ fi iyeke gbe mwẹ, ọ na ya gha gbe ebabotu, sokpan, e Juda ne okhuo ne ọ ma guobọ ọdọ ne ọtẹn Izrẹl, ohan ma vbe mu ẹẹn. Rẹn na wa vbe khian ebabotu,

Jerimaia 31:22

Inu ẹghẹ wa gha biro eveva la, wa ne emwa ne ẹ i mwẹ iyayi? I yii emwi ọgbọn kevbe ne ọ lughaẹn nẹ ọ wa lughaẹn sẹẹ okhuo ne ọ degue okpia.”

Jerimaia 5:11

Ivbi Izrẹl kevbe ivbi e Jerusalẹm wa ya mwẹ ne avbokho fẹẹrẹ. Mẹ ne Nọyaẹnmwa ọre ọ taa ẹe.”

Jerimaia 7:24

Sokpan, iran ma họn, iran ma kue vbe zẹ yọ, sokpan, emwi ne ekhọe izevbudu kevbe ekhọe dan ne iran mwẹ tama iran, ọ re iran ru.

Ezikiẹl 16:31

U bọlọ ivbi owa lele idunmwu hia ne u na ru ẹbọ ke ne u na gbe igberagia. Sokpan, wẹ ma gha koko igho zẹ vbene avbe igberagia kẹkan ru ẹe.

Ezikiẹl 16:35

Rhunmwuda ọnii nian, e Jerusalẹm ne ẹwia! Danmwehọ vbene Nọyaẹnmwa ne Udazi kha hẹ.

Ezikiẹl 20:28

I viọ iran gha die otọ ne I wẹ I gha mu ne iran. Iran ghi miẹn avbe oke ni yo kevbe avbe erhan ni mwẹ ebe nunuunu, iran kegha zọ ese vbe ehe ne ehia ye.

Ezikiẹl 23:11

“A gha rhe miẹn wẹ aro Oholiba ne ọtiọnrẹn nokhuo sẹẹ emwi na, rẹn ọ ghi wa vbe rhia sẹẹ, rẹn keghi vbe gbe ebabotu ẹsẹse sẹẹ Ohola ne ọtiọnrẹn.

Ezikiẹl 23:4

A tie nọdiọn ne ọ rrọ Ohola (Ọna ọ re ọ mudia ye ihe Sameria) a kegha tie ne kherhe ne ọ rrọọ, Oholiba, (Ọna ọre ọ mudia ye ihe Jerusalẹm.) I viọ iran eveva rọnmwẹ, iran keghi vbe biẹlẹ mẹ.

Hozia 11:7

Iran wa mu aro ye ẹmwẹ ne iran gha rhie aro lẹ mẹ. Iran gha viẹ ba ẹmwẹ urọnghọn ne ọ rre iran urhu, sokpan, iran i ra miẹn ọmwa ne ọ gha rhan ẹnrẹn hin iran urhu rre.

Hozia 4:13

Iran zọ ese vbe ehe ne iran na gho iran vbe uhunmwu oke nekhua. Iran keghi vbe giẹn eturari vbe uhunmwu oke negiẹrẹ, vbe ototọ avbe erhan ni taẹn kevbe ni zẹlẹ abọ ẹsẹse, rhunmwuda, irhu iran wa fu ọmwa egbe ẹsẹse. “Rhunmwuda ọnii, avbe ivbi uwa nikhuo gha gbe ebabotu, kevbe ivbi amwẹ uwa nikhuo gha vbe ru oghẹ.

Giọgis 2:17

Sokpan, iran ma zẹye avbe ọkaolotu na ẹre. Iran ma rhie ekhọe lele Nọyaẹnmwa, iran na ya gha gho avbe ẹbọ ọvbehe. Avbe erha iran te lele uhi e Nọyaẹnmwa, sokpan orre na ke wa dobọ ẹre yi vbe ọ ma ghi kpẹe.