Jerimaia 3:4 - Edo Bible (E Baibol Ẹdo) Version 1996

⁴ “Eban nian, wa do gha tama mwẹ wẹẹ, ‘Wẹ ọre erha mwẹ te uwa gha hoẹmwẹ mwẹ ke ẹghẹ ọvbokhan mwẹ gha dee.

Jerimaia 3:4 Iomraidhean Croise

Psalm 119:9

Vbe igbama gha ya sẹtin ya uyimwẹ ọnrẹn khian nọgbae hẹ? Vbekpa ne ọ na ya uhi ruẹ ru emwi.

Psalm 48:14

“Osanobua na Osanobua ima nọ ẹdẹ kevbe ẹdẹdẹmwẹdẹ rẹn ọ re ọ ra gha su ima khian ke orre yasẹ orre.”

Psalm 71:17

Ẹghẹ ne I na ye kherhe ọ re u na ma mwẹ re te I ye na iyẹn iwinna ọyunnuan.

Psalm 71:5

Ọba Nọyaẹnmwa, uwu uwẹ mẹ na mwẹ idaehọ, wẹ ọ re I mu ẹtin yan ke ẹghẹ ọvbokhan mwẹ gha dee.

Itan 1:4

Iran gha sẹtin ye ọmwa ne ọ ma rẹn emwi rhọkpa khian ne ọ gu ẹwaẹn, ọ ghi vbe ma avbe igbama vbene a ye obọ mu hẹ.

Itan 2:17

Okhuo ne ọ ma guobọ ọdọ ẹre, ọ na vbe mianmian ulamwẹ ne ọ yo ne ẹẹn.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 2:27

Erriọ ọ re a ra ya oya ne uwa ni kha wẹ erhan ọrọre erha uwa, okuta ọrọre iye uwa. Erriọ ọre ọna ra sunu rhunmwuda, wa fi iyeke gbe mwẹ vbe ọ te kei ne uwa bu mwẹ gha dee. Sokpan, wa gha rre uwu ibaro, wa ghi wẹ ne I do miẹn uwa fan.

Jerimaia 3:19

E Nọyaẹnmwa khare wẹẹ, “Izrẹl, te I te wẹ ne I rhan obọ miẹn ruẹn ya ye ọmọ, ne I mu otọ ne ọ mose ne uẹn, otọe ne ọ mose sẹẹ vbe otọ agbọn hia. Te I te ho ne u tie mwẹ erha, ne u ghẹghi dọlegbe fi iyeke gbe mwẹ ẹdẹdẹmwẹdẹ.

Jerimaia 31:22

Inu ẹghẹ wa gha biro eveva la, wa ne emwa ne ẹ i mwẹ iyayi? I yii emwi ọgbọn kevbe ne ọ lughaẹn nẹ ọ wa lughaẹn sẹẹ okhuo ne ọ degue okpia.”

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Hozia 2:15

I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Malakai 1:6

E Nọyaẹnmwa ne Oghodua tama avbe ohẹn wẹẹ, “Te ọmọ ya ọghọ ne erha ẹe, ọviẹn vbe ya ọghọ ne arowa ẹre. Mẹ ọrọre erha uwa, vbọzẹ ne uwa i na ya ọghọ mẹ? Mẹ ọrọre arowa uwa, vbọzẹ ne uwa i na lohan mwẹ? Wa zan mwẹ wa ghi ye vbe gha nọ wẹẹ, ‘Vbe ima ya zan ruẹn hẹ?’

Malakai 2:14

Wa nọ emwi ne ọ zẹẹ ne ẹi ghi na rhan obọ miẹn rẹn. Emwi ne ọ sii ẹe ọrọre wẹ ọ rẹnrẹn wẹ, wa ma ghi mu eyan nii sẹ, ne uwa yan ma okhuo ne uwa rhiere ẹkpo ne uwa na rre igbama. Egbakhian ruẹn ọ re irẹn gha khin, u ma mu eyan ne u yaan ma rẹn sẹ egbe ne a ya miẹn wẹ odaro Osanobua ọ re u na yan wẹ wẹ i ra rhie aro ghe ehe ọvbehe.