Jerimaia 3:3 - Edo Bible (E Baibol Ẹdo) Version 1996

³ Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Jerimaia 3:3 Iomraidhean Croise

Gẹnẹsis 19:34

Ẹdẹ ghi gbe, ovbi ẹre nokhuo nọdiọn keghi tama nekherhe wẹẹ, “Mẹ vbe erhamwẹ gba ru emwi ọdọ vbe amwẹ nasọn, gie ima vbe ye ayọn nẹẹn da asọn na ne uwẹ vbe ya lovbiẹ kẹe. Ma eva ghi do biẹlẹ ne erha ima.”

Nehimaia 9:17

Iran ma họn ẹmwẹ ne uẹn, iran mianmian emwi hia ne u ru iran mianmian iwinna ọyunnuan, ne u he winna hia. Vbe uwu itengbemu, iran zẹ olotu ọvbehe, ne ọ viọ iran dọlegbe gha rrie Igipt; sokpan, Osanobua ne ọ yabọ ọmwa ọ re uwu khin wẹ vuọn ne ẹsọhẹ kevbe ahoẹmwọmwa itohan ruẹn kpolo, u ma he iran ye otọ.

Itan 21:29

Emwa ẹmwata gba egbe iran, sokpan, emwa dan ghi gha ba rhie egbe mama ye ihe vbene ọ gie iran ru sẹ.

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Jerimaia 14:1

E Nọyaẹnmwa keghi tama mwẹ vbekpa nene uyunmwu wẹẹ,

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Jerimaia 14:3

Avbe iran ni fe gha gie eguọmwadia iran ne iran ya sa amẹ rre, iran yo uhae nibun sokpan amẹ i rrọọ, iran keghi viọ uru ohogha gha die owa, egbe wọ iran, iro han iran, iran keghi viọ aro lẹre rhunmwuda ekhue.

Jerimaia 14:4

Rhunmwuda ne amẹ ma na rhọ, te otọ hia ghi kaka, udu gha kpe avbe ọgbugbo.

Jerimaia 36:2

“Rhie ebe ohian, ne u gbẹnnẹ emwi hia ne I he tama ruẹn vbekpa e Juda, Izrẹl, kevbe avbe uhunmwu ẹvbo hia nekpa yọ. Wa gbẹnnẹ emwi hia ne I he tama ruẹn yọ, ke ẹghẹ ne I na ka wa gha guẹ guan, ẹghẹ ne Josaia na gha re ọba do sẹ ẹdẹ ne ẹre na.

Jerimaia 5:24

Wa ma he zẹ ọe vbe iro ẹdẹ wẹ, wa gha ya ọghọ mẹ, vberriọ, mẹ ọ re ọ giẹ amẹ ahọ orhọ kevbe ahọ uyunmwu rre, I ghi vbe gha rhie ẹghẹ emwiorhọ ne uwa vbe ukpukpo.

Jerimaia 5:25

Sokpan, orukhọ uwa ma gie avbe emwi ne ọ maa na sẹ uwa obọ.

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Jerimaia 6:15

Te ekhue ghi mu iran ra rhunmwuda ẹkẹkhẹrhẹ ne iran ru? Hiehiere, ekhue ma zẹdẹ mu iran. Iran ma rẹn vbene emwi gbe ọmwa egbe hẹ. Rhunmwuda ọnii, iran gha dele, zẹ vbene emwa ọvbehe ka vbe dele yi evba nii ọ re ọ ghi ra gha re ufomwẹ iran. Mẹ ne Nọyaẹnmwa taa ẹe nẹ.”

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Jerimaia 9:12

Mẹ keghi nọ wẹẹ, “Nọyaẹnmwa, vbọzẹ ne a na rẹnkhẹn ẹvbo ni uan, ne ọ na ghi wa ka zẹ vbe ato, sẹrriọ ne a i ghi na miẹn emwa ni la ẹe gberra. De ọmwa ne ọ mwẹ ẹwaẹn sẹ ne ọ gha sẹtin rẹn otọ ọnọna? De ọmwa ne u rhan otọ ẹre ma, ne irẹn sẹtin ta ẹe ma emwa ọvbehe?”

Ezikiẹl 3:7

“Sokpan okpa i rre ivbi Izrẹl ne ọ gha ho ne ọ danmwehọ; iran i ra vbe danmwehọ imẹ yi. Te iran hia zevbudu, iran kevbe re emwa ọkpọzua.

Levitikọs 26:19

I gha guọghọ uhiomwẹ izevbudu rua, amẹ i ra rhọ, otọe rua ghi do ka, ọ ghi ye kakaaka vbe ẹrọnmwọ.

Emọs 4:7

Ẹghẹ ne ọ wa kei ne amẹ na rhọ ye emwiokọ uwa. I keghi dobọ amẹ yi ne ọ ghẹ rhọ. I gha gie amẹ rhọ vbe ẹvbo ọkpa, I i ghi vbe gie ẹe rhọ vbe nọkpa.

Emọs 4:8

Amẹ ghi rhọ ye ugbo ọkpa, sokpan nọkpa ghi kaka a. Emwa ne ohanmwẹ amẹ gbe ya khian ne vburriẹ vburriẹ ghi ke ẹvbo nibun gha die ẹvbo ọkpa ne iran rhie aro yi wẹ iran gha na miẹn amẹ wọn, sokpan amẹ ne ọ gha sẹ iran wọn i rrọ. Sevba, wa ma ye bu mwẹ rre.

Zẹfanaia 2:1

Ẹvbo ne ekhue i mu, wa gie aro hian uwa vbe uhunmwu nian,

Zẹfanaia 3:5

Sokpan, e Nọyaẹnmwa ye rre ore ẹvbo, emwi ne ọ gbae ọ re ọ ru, ẹ i vbe zẹdẹ ru emwi ne ọ ma gba. Rẹn i ba ẹe ku vbe owiowiẹ ne ọ ya ru enọkhẹke ne emwa rẹn. Sevba, emwa ne ẹ i re emwata ni rre evba ghi ye gha ru emwi ne ọ ma gba khian vbene ekhue i na mu iran.

Hagai 1:11

“I gie amẹ nọkhua mu vbe otọe nii, vbe uhunmwu oke ẹre, ohọka ẹre, ogba aranmwẹ oha, kevbe emwi hia ne a ghi miẹn rhọ ẹre emwiokọ vbe otọ.”

Diuteronomi 28:23

Amẹ i ra rhọ, otọe uwa ghi do kaka vbe ematọn.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?