Jerimaia 3:22 - Edo Bible (E Baibol Ẹdo) Version 1996

²² Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 3:22 Iomraidhean Croise

Ihuan Ne Ọ Sọọ Ihuan Hia 1:4

Rhie mwẹ ba egbe, ne ima lẹ kpao, gha re ọba mwẹ ne u rhie mwẹ la ughugha ruẹ. Ọyẹnmwẹ gha gba sẹ mwa, ma ghi da, a ghi gha maẹn rhan ruan vbe aho ẹmwẹ ọmwa. Ẹkhabe ne ikhuo hia na ho ẹmwẹ ruẹn.

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 27:8

Te Nọyaẹnmwa rri emwa rẹn oya vbene ọ na hẹ iran gha rrie iwe. Okpẹhoho dan ne ọ ke ọlarre ovẹn rre, ọ re ọ ya hẹ iran kpao.

Aizaia 31:6

Osanobua khare wẹẹ, “Wa ne ivbi Izrẹl, wa rukhọ ghe mwẹ nẹ, wa keghi vbe gha gbodan ghe mwẹ. Sokpan, banbanna nian, wa dọlegbe bu mwẹ gha dee.

Aizaia 57:17

Ohu iran te mu mwẹ rhunmwuda orukhọ kevbe uzuanmwẹ iran, rhunmwuda ọnii, mẹ keghi rri iran oya, I na he iran yotọ. Sokpan, iran keghi wa zevbudu, iran na gha ru khian vbene ọ yẹ iran.

Jerimaia 3:12

Rẹn keghi tama mwẹ wẹ ne I ya tama Izrẹl wẹẹ, “Izrẹl ne ekhọe ẹre ma mudia ẹse, werriegbe bu mwẹ gha dee, mẹ mwẹ itohan, ohu i ra vbe mu mwẹ. I i ra muohu ruẹ rhinrin ẹdẹ.

Jerimaia 30:17

I gha ru ẹe ne egbe rran uwa, I gha kpe uwa ẹwẹn rrie, avbe eghian uwa gha rhe gha kha wẹẹ, ‘Evbahe ọ re Zaiọn khin; a i miẹn ọmwa ne ọ zẹye ọre re.’ Mẹ ne Nọyaẹnmwa tae nẹ.”

Jerimaia 31:18

“I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Jerimaia 4:1

E Nọyaẹnmwa khare wẹẹ, “Ivbi Izrẹl, adeghẹ wa ho ne uwa fiwerriẹ, wa fiwerriẹ, bu mwẹ gha dee. Adeghẹ wa viọ avbe amazẹ ni sọnnọ mwẹ kua, wa na mudia ke mwẹ ẹse,

Ezikiẹl 18:30

“Mẹ ne Nọyaẹnmwa ne Udazi ọ re ọ tama uwa ne ivbi Izrẹl na nian wẹ emwi ne dọmwadẹ ọghọe vbe uwu uwa ru ọ re I ra ya bu ohiẹn ọnrẹn. Wa rhie obọ hin emwi dan ne uwa ru hia rre, ne uwa ghẹ gie orukhọ ne uwa ru gbe uwa uhunmwu.

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Hozia 13:4

E Nọyaẹnmwa khare wẹẹ, “Mẹ ọrọre Nọyaẹnmwa ne Osanobua rua ne ọ viọ uwa ke Igipt ladian. Wa imwẹ Osanobua ọvbehe gberra imẹ, mẹ ọkpa kẹkan ọ re ọ vbe re ọmiọnmwafan uwa.

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 14:4

E Nọyaẹnmwa khare wẹẹ, “I gha dọlegbe si emwa mwẹ kẹ egbe. I gha ya ekhọe mwẹ hia hoẹmwẹ iran, ohu iran i ghi mu mwẹ ọvbehe.

Hozia 14:5

I gha ye vbe amẹ ne ọ rhọ ye otọe nọkae ne ivbi Izrẹl, iran gha vẹ gba ehe hia zẹ vbe obobo. Inian iran gha deziẹn vbe otọ zẹ vbe avbe erhan e Lebanọn.

Hozia 14:8

A i ghi ra dọlegbe tie ivbi Izrẹl ye ẹmwẹ ẹbọ ọvbehe. I gha họn erhunmwu iran, I ghi vbe gha gbearoghe iran I gha mu irhu gue iran zẹ vbe erhan ne ẹ i khuọn ebe kua. Obọ mwẹ ọ re afiangbe iran ke rre.”

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Joẹl 2:12

“Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”